YEREMIA 9:5 - Alkitab Singog In Mongondow Masa In Tanaa

^5-6 Mosia komintan mosi uboḷan, diá in mosingog kon inta totuu. Bibignea in nobiasadon monguboḷ mosia in diá mokosanggup in monaḷámai kon dosanea. Aid inta moraat kodugang-kodugang aid uboḷ kodugang-kodugang doman tua in umuran aidan monia, mosia in totokbí in mondoí kon i Tuhan.

YEREMIA 9:5 ပူးပေါင်းရင်းမြစ်များ

KINOBAḺIAN 19:11

Intau mita inta kon ḷuai in baḷoi tatua binilogan monia komintan, nodapot in diádon nouḻí monia ngara in baḷoi tatua.

AYUB 11:3

Ayub, kainimukamai dá kami in diá mokotubag kon inimu? Inanggapmu in kami naa in kibio-biómai popisí in singkuḻemu?

AYUB 15:5

Tosingogonmu mita moponiata kon iko in kotaḷá, táe moraatmu in inoḻingoianmu in ouman diá totuu.

MAZMUR 140:3

Mosia in monomayá kon inta moraat kon bonu in gina, bo pomuḷoi in singgai mokopomuká kon bobayowan.

MAZMUR 50:19

Iko in umuran mosingog kon inta moraat, bo umuran mako mopobayá in tompobaḻik.

MAZMUR 52:3

Ei intau moropot, nongonu sin iko in mopoḷoḷatúbí in aidmu moraat kon intau inta kinotabi i Allah?

MAZMUR 64:3

Oḻingoiaipa in akuoi nongkon pinoyopopogan in intau moromú, nongkon tomayá molicik in intau mita moraat.

AMSAL 12:5

Intau motuḻid in moraibí kon onu mita inta mopia; intau moraat in monomayá kon naonda in pongonguboḷ.

AMSAL 4:16

Intau moraat in diábí mokosiug aka diápa mogaid kon inta diá mopia. Mosia in diábí tomposiug aka diápa mokopobodito kon intau ibanea.

YESAYA 5:18

Moboditodon in moiko inta tantú mogaid kon dosa!

YESAYA 57:10

Takin diá kodaitan in kamang moiko simiḷopí in motayak kon dewa mita. Kai monimu kamai yo mosia in mokopobogoibí in gina mobagu, modapot in moiko in diádon ḷumungkoyó.

YEREMIA 12:13

Umat-Ku in momuḷa kon gandum, táe dugidon in sinipú. Mosia in rumoriga in mogaid táe diá in bungai in siniḷopíannea. Akuoi in sinumorú totok dá bungai in boyó monia diá nopia.”

YEREMIA 12:6

Iko in pinomaḻidawandon noidapot in ki utatmu tontaní; mosia in dinumudui doman nonubu kon inimu. Dikabí mopirisaya kon i monia, umpaka mopia in singog monia.”

YEREMIA 13:23

Motaau degá in intau morondí momaḷui kon kuḻitnea, andeka harimau monginggamá kon baḷangnea? Notantúbí kon diá! Natuabí doman in moiko inta aid moraat noipakédon yo diábí domandon inta mogaid kon inta mopia.

YEREMIA 4:22

Ki Tuhan in noguman, “Mobodok totok in umat-Ku tatua, mosia in diábí nonotaau kon i-Nakó. Mosia in naonda bo mongoadí mita inta pamandot diábí in topiḻikmai in pomomangaḻe; mopandoi in mogaid kon inta moraat, diá mokoaid kon inta mopia.”

YEREMIA 51:58

Dinding in Babel inta mongoropot mita in rimumudon-Kubí modapot in motondodaidon in butá. Bonawangnea inta mongoḷantud in turubon-Kubí komintan. Diábí in mangaḻenea in inta ḷongasi in bangusa mita, sin komintan bungai in aid monia in kaanonbí in tuḷú. Akuoi, ki Tuhan Inta Totok in mokawasa, ain nosingog.”

YEREMIA 51:64

poḷat moguman, ‘Nanaa in mobaḻí kon Babel. Butá tanaa in moitaḷomdon bo diá bidon momuká bui popisí in bodito inta pinopoantug i Tuhan kon inia.’ ” Tosingogon mita i Yeremia nopaḷut kon naa.

YEREMIA 7:28

Dá, pogumandon kon i monia kon mosia in bangusa tobatú inta doí motoindudui kon i-Nakó, Tuhan, Allah monia. Mosia in doí mobalajar nongkon hukuman inta ain kinorasaannea. Kotoindudui kon i-Nakó in noinggamádon, nodapot in diá bidon inouman bui.”

YEREMIA 9:3

bo umuran mosadia monguboḷ. Kon sinangkub in butá, inta mobanar diádon nongawasa, nodapot in aid diá mojujur noibaya-bayádon mako. Ki Tuhan in noguman, “Umat-Ku in nogaidon kon inta moraat diádon mogoga-gogai, diádon ináku monia in Akuoi nobaḻí Allah monia.”

YEREMIA 9:8

Singog mita totok in mokoanib, mokopatoi naonda bo piot mobisa. Tosingogon mita monia uboḷ komintan. Singog mita monia mopia in kodongogan, táe sabanarnea mosia in motaanbí kon poyogaḷap.

YEHEZKIEL 24:12

Táe diábí komintan kaḻiotánea in kaanon tuḷú.

MIKHA 6:12

Intau mita inta nooyúon kon kotámu in mondorot kon intau nobogá, bo moiko komintan in mongopopak.

MIKHA 6:3

Ki Tuhan in noguman, “Ei umat-Ku, onu in inaidan-Ku kon i monimu? Naonda degá in Akuoi noposusamai kon i monimu? Tubagaidon in Akuoi!

HABAKUK 2:13

Bangusa mita inta pinotungkudmu yumoyiga totok táe diá in mangaḻenea, bo bayongan inta posindogon monia nodait kinaan in tuḷú. Tua komintan in noidoyonbí kon ibog i Tuhan Inta Totok in mokawasa.

MALEAKHI 2:10

Kita naa in koamábí kon inta notongkai! Kita naa in binaḻí i Tuhan notongkai! Aka natua, yo nongonu sin mosiḻionganbí kon dodandian bo takin aid natua moḻiongdon kon dodandian inta pinomia i Allah takin mogoguyang naton!

EPESUS 4:25

Manangka intua Utatku mita, dikadon moibog monguboḷ. Mokopojujurbí aka mobiag, sin kita komintan naa in tumpaḷabí anggota in awak i Kristus.

TIMOTIUS 1 4:2

totundú mita tatua inta pinotaau i intau mita inta mongo munapik bo mongouboḷ. Gina in intau mita tatua ain nosindip.

HAKIM MITA 2:10

Noiduduimai kon tua bayongan in topobiagnea minatoi domandon mita. Bo mosia inta nobiag noidudui kon tua diádon nonotaau kon i Tuhan, sin mosia in diá nokouma kon onu inta pinomia i Tuhan kon bangusa in Israel.