YEREMIA 9:2 - Alkitab Singog In Mongondow Masa In Tanaa

² Aka kuma bo kon padang gurun bo kouḻíanku kon tampat pogogaian in intau inta kon binayáan! Dá taḷaankubí in bangusaku, bo moḷagui mayá intua sin yumayú kon i monia. Mosia in momomaḻidaw komintan pinosipunan in intau inta diá mosatia,

YEREMIA 9:2 ပူးပေါင်းရင်းမြစ်များ

YESAYA 59:3

Moiko in kotaḷá popisí in nonguboḷ bo nonombogá, sin ain nogaid kon inta moraat bo noḻimod.

YEREMIA 12:1

“Aka diaanku in pelekaraku kon tayowon-Mu, o Tuhan, yo notantú bidon kon moniatabí kon Ikobí in noitutui. Táe moibogbí doman in akuoi in moḻibó kon inta moadil kon ini-Mu: Nongonu sin intau moraat in mobiagbí mooyúon? Nongonu sin intaubí inta diá motuḻid in mokodapot kon inta koibog monia?

YEREMIA 12:6

Iko in pinomaḻidawandon noidapot in ki utatmu tontaní; mosia in dinumudui doman nonubu kon inimu. Dikabí mopirisaya kon i monia, umpaka mopia in singog monia.”

YEREMIA 13:22

Degá moḻibó in moiko nongonu sin tua komintan in moiantugbí kon inimu, nongonu sin ḷambungmu in binerakbí bo moiko in pinakisa siniugan. Pokotaaudon kon tua in nobaḻí popisí in dosamu noiḻiudon in barong.

YEREMIA 23:10

Butá naton nopuḻing in intau inta diá mosatia kon i Tuhan. Mosia in nobiag moraat bo noitaḷá in nopomaké in kawasa monia. Popisí in kutukan i Tuhan, bonok kon rawang noingkag bo sinangkub in butá nonogumatoi.

YEREMIA 4:22

Ki Tuhan in noguman, “Mobodok totok in umat-Ku tatua, mosia in diábí nonotaau kon i-Nakó. Mosia in naonda bo mongoadí mita inta pamandot diábí in topiḻikmai in pomomangaḻe; mopandoi in mogaid kon inta moraat, diá mokoaid kon inta mopia.”

YEREMIA 5:1

Ei intau in Yerusalem, tutuiaidon in daḷan mita kon kotamu mita! Tayakdon kon bayongan tampat, bo sakusiaidon tontaní. Pirikisadon kon rawang mita in kotá mongo oyúonpa in intau motuḻid inta moḷongasi mokopotoindudui kon i Allah. Aka oyúon, dá ki Tuhan in mongampungbí kon Yerusalem.

YEREMIA 5:11

Umat in Israel bo Yohuda in totu-totuudon ain nomaḻidawan kon i-Nakó. Akuoi, ki Tuhan, ain nosingog.”

YEREMIA 5:2

Moiko in moguman kon moiko in mosumba kon Tuhan, bokaka deemanbí natua in makusud monimu.

HOSEA 4:2

Mosia in mongibot, táe diábí totuuon monia; mosia in monguboḷ, moḻimod, monakow bo monuaḻing. Aid moraat modugang, bo poḻimodan in moyo-moyodudui.

HOSEA 5:7

Mosia in diá motoindudui kon i Tuhan; ki adí mita monia in deemanbí ki adínea. Tuamai, diádon moonggot in mosia bo yopúon poyotakinon in gobá mita monia.

HOSEA 6:7

Táe naonda bo kon Adam, moiko in nonaḷámai kon dodandianmu takin-Ku.

HOSEA 7:4

Mosia komintan momomaḻidawan bo intau inta diá motoindudui. Yaat in gina monia in naonda bo tuḷú kon bonu in doḷuong inta diá kinokaban i mogogaid kon roti kon tungkuḷ in kukis diápa noisadia tubáan.

MIKHA 6:12

Intau mita inta nooyúon kon kotámu in mondorot kon intau nobogá, bo moiko komintan in mongopopak.

ZEPANYA 3:4

Nabi-Nea mita diábí in ibog monotaaumai bo diá motaau pirisayaanmai; imang mita noponajisdon kon onu inta ain sinondí ogoi kon i Tuhan bo nopoyotutui in hukum mita i Allah sin potayakan kon kauntungan monia tontaní.

MALEAKHI 2:11

Umat in Yohuda ain iḻimimpat kon dodandian i Allah takin i monia bo nogaidon kon inta mokokoningkim kon Yerusalem bo sinangkub in butá. Mosia in nongotordon kon Baḷoi i Tuhan inta kinotabinea bo notonibuḷoi in bobay mita inta nosumba kon dewa mita in bangusa ibanea.

MALEAKHI 2:14

Moiko in moḻibó nongonu sin doíbí in Sia motarima. Popisí in kinotaauan i Tuhan in moiko kon diá motoindudui kon bobay inta sinonibuḷoi monimu kon dodai in noguodpa. Bobay tatua in yobayat kon kobiaganmu, táe moiko in nomaḻidawandon kon inia, Umpaka kon tayowon i Allah moiko in nodandidon kon umuran motoindudui kon i-Nia.

YAKOBUS 4:4

Moiko nion in intau inta diá mosatia! Diá kinotaauan monimu degá kon aka moiko moyobayat in dunia naa, yo moiko in mobaḻí saturu i Allah! Dá ki ine in moibog mobaḻí yobayat in dunia naa, yo mangaḻenea kon tua, baḻíonnea in sia saturu i Allah.

HAKIM MITA 2:10

Noiduduimai kon tua bayongan in topobiagnea minatoi domandon mita. Bo mosia inta nobiag noidudui kon tua diádon nonotaau kon i Tuhan, sin mosia in diá nokouma kon onu inta pinomia i Tuhan kon bangusa in Israel.