YEREMIA 8:8 - Alkitab Singog In Mongondow Masa In Tanaa

⁸ Mokobaḻíbí totok in moiko in moguman kon moiko in mobijaksana, bo monotaau in hukum-Ku mita! Indoiaika naonda in hukum-Ku mita tatua binaḷuian in intau mita inta nonotaau totok in agama táe motombogá!

YEREMIA 8:8 ပူးပေါင်းရင်းမြစ်များ

AYUB 11:12

Aka ki iná in keledai ḷoḷog mopononggadí in keledai inta moyonok, bain tuata bo intau bodok mobaḻí mobijak.

AYUB 12:20

Pinomponan-Nea in bibig in intau inta motoḻindat mosingog, irabut-Nea in hikmat in guyanga mita.

MAZMUR 147:19

Sia in nopotaau in koyow-Nea kon umat-Nea, atorang bo hukum-Nea kon umat inta piniḻí-Nea.

AMSAL 17:6

Inta mokoḷunganga kon intau inta ain nogoguyang in adí bo ompubí; mokoḷunganga kon adí in guyanganeabí.

YESAYA 43:27

Mogoguyangmu inta muna aindon binaradosa, itoimu mita in nomarontakdon kon i-Nakó,

YEREMIA 18:18

Intau in moguman, “Igai moyopopog in kita moḷawang kon i Yeremia. Deemanbí tongá sia in motaau mosingog kon i Allah. Umuranbí oyúon in imang inta motaau mobogoi in topotundú, oyúon in intau mobijaksana in motaau mobogoi in tonggina; bo oyúon in nabi in motaau mopotaau kon i naton in koyow mita nongkon i Allah. Igai pongaduon naton in sia kon pongadilan bo diádon mokidongog kon tosingogonnea mita.”

YEREMIA 19:7

Kon tampat tanaa pogogaion-Ku in bayongan tomayá in intau in Yohuda bo intau in Yerusalem. Mosia in pomayá-Kubí in taḷowon in musung mita monia bo ḻimodon kon poparangan. Mayat monia in pomayá-Kudon mako in kaanon in ḷagapan bo mahaḷuk mokokaan kon mahaḷuk ibanea.

YEREMIA 2:8

Imang mita diá in moḻibó kon onda in Akuoi, Tuhannea. Intau mita inta nokadai kon hukum in diá doman nonotaau mongo ki ine in Akuoi, mongongawasa mita in nomarontak kon i-Nakó. Nabi mita in mosingog podoyon kon tangoi in Baal, bo nosumba kon berhala inta diá in baragunanea.”

YEREMIA 4:22

Ki Tuhan in noguman, “Mobodok totok in umat-Ku tatua, mosia in diábí nonotaau kon i-Nakó. Mosia in naonda bo mongoadí mita inta pamandot diábí in topiḻikmai in pomomangaḻe; mopandoi in mogaid kon inta moraat, diá mokoaid kon inta mopia.”

YEREMIA 48:14

Naondabí in ḷoḷaki mita in Moab mokobaḻí in moguman, ‘Kami in pahlawan, tontara motorindog inta ain inuji kon parang?’

HOSEA 8:12

Akuoi in nomais kon nobayong totok in totundú kon i monia, táe tua komintan dinoí monia sin inanggap monia kon diábí in yoguputnea takin i monia.

MATIUS 15:6

yo intau tatua in diá bidon patus mohoromat kon guyanganea. Aka oaid monimu bo natua, yo inanggap monimu in Pirman i Allah in diádon baraguna sin popisí in adatmu tontaní in mobara-baraguna.

YOHANES 9:41

Ki Yesus in notubag, “Aka kuma bo moiko bilog, yo diábí in moiko binaradosa. Táe popisíbí in moiko noguman, ‘kami mokoontongbí,’ dá tua in mangaḻenea moiko in binaradosapa.”

SURAT I PAULUS KON JAMAAT RUM 1:22

Iraimai monia mobijaksana bidon in mosia, bokaka mosia tua in nobodokbí.