YEREMIA 7:6 - Alkitab Singog In Mongondow Masa In Tanaa

⁶ Dikadon mondorot kon intau ango-angoi, kon adí uno-unon, kon boba-bobay mita. Dika moḻimod kon intau inta diá kotaḷá kon butá tanaa. Dika mosumba kon ilah ibanea, sin tua in mokoputú kon i monimu.

YEREMIA 7:6 ပူးပေါင်းရင်းမြစ်များ

DATU MITA 2 21:6

Ki Adínea in pinosumbanea nobaḻí kuruban payongon. Ki Manasye in nomaké doman in mongonggaing, bo mododoyangow, ponggaing, bo mopoigum in totundú kon dimukud mita. Binaradosadon totok in sia kon i Tuhan noidapot in nokopomukádon kon torú-Nea.

DATU MITA 2 24:4

noiḷontú totok popisí in pinoḻimodan inta inaidannea kon intau mita inta diá kotaḷá. Ki Tuhan in doíbí mongampung kon i Manasye sin popisí in aidnea mita tatua.

MAZMUR 106:38

Mosia in nopobutak in dugú in intau diá kotaḷá, dugú i adí mita monia tontaní, sin pokuruban kon berhala mita; dá butá tatua in kinotor monia.

AMSAL 23:10

Dika mokoimontanmai in momamping kon sigad in butá tonsilai andeka mogamá kon butá kapunyaan in intau uno-unon.

YESAYA 59:7

Moiko in umuranbí monomayá kon inta moraat, bo moibogdon ḷagi mogaid kon tua. Diábí in ondok moiko in moḻimod kon intau inta diá kotaḷá. Kon ondakabí in bayáanmu, moiko in monaḷámaidon kon inta morumbun bo inta mokoyopú.

YEREMIA 13:10

Bangusa inta moraat tanaa totok in pamandot bo diá motoḷutui kon i-Nakó. Mosia in moibada bo mosumba kon ilah mita ibanea. Tuamai mosia in mobaḻí naonda bo bintoḷ nopoḷok inta diá in mangaḻenea tua.

YEREMIA 19:4

Tua in aidan-Ku sin bangusa tanaa in nonaḷádon kon i-Nakó. Mosia in noponajisdon in tampat tanaa pinongin noposumba in kuruban kon dewa mita inta diá kinotaauan monia, kon i mogoguyang monia bo kon datu mita in Yohuda. Mosia in nomonu doman kon tampat tanaa in dugú in intau mita inta diá kotaḷá.

YEREMIA 2:30

Diábí in mangaḻenea in pohukuman-Ku kon i monimu sin moiko in doíbí motarima kon toboḷow. Ná singa inta koyogot in tumorú, natuata in moiko moḻimod kon nabimu mita.

YEREMIA 2:34

Ḷambungmu in notamak in dugú in intau bogá bo in intau inta diá kotaḷá, deemanbí dugú in mononakow inta kinodomokan. Tongá umpaka natua,

YEREMIA 26:15

Táe torop, aka moiko moḻimod kon inakó, moiko bo intau in kotá tanaa in mobaba kon taḷá kon pinoḻimodan kon intau inta diá kotaḷá. Sin, ki Tuhanbí inta nopotabá kon inakó mobogoi in tompoingat tatua kon inimu.”

YEREMIA 26:23

Bo dinia monia in sia nobui minayá kon i Datu Yoyakim. Onda intua pinoki ḻimod in datu in sia, bo mayatnea in iḷumbú kon poḷoḷobongan kon bayongan in intau.

YEREMIA 35:15

Tantúbí in Akuoi mopotabá kon i monimu in bayongan mogogundoi-Ku nabi mita, bo mosia in nonongginadon kon i monimu kon bá monombaḷui kon oaidmu bo mogogai in mogaid kon inta moraat. Mosia in mobogoi in toingat kon i monimu sinbá diá mosumba kon ilah mita ibanea bo diá doman mogundoi kon i monia, sinbá moiko in umuran motaau mogutun kon butá tanaa inta ain inogoi-Ku kon inimu bo kon mogoguyangmu. Táe moiko in doíbí moindoimai bo doí mokidongog kon i-Nakó.

YEREMIA 5:28

bo moḷongó bo mobiag motompia. Aid monia moraat diá in imbuitnea. Mosia in diábí moadil kon pelekara in adí mita uno-unon, bo diá moduḷu kon hak in intau mita inta dinorot.

YEREMIA 7:5

Baḷuiaidon in kobobiagmu bo dodiamu. Pokoadildon kon tumpaḷa intau.

YEREMIA 7:9

Moiko in monakow, moḻimod, monuaḻing, mosakusi kon uboḷ, mobogoi in sosumba kon Baal, bo mosumba kon dewa mita inta diá kinotaauan monimu.

OMBAḶ 4:13

Táe tua in nobaḻí bidon, popisí in dosa in imang mita bo nabi. Mosia in nopobutakdon in dugú, in intau mita inta diá kotaḷá.

YEHEZKIEL 18:6

Sia in diá nosumba kon berhala in intau Israel andeka nokaan kon kuruban inta pinosumba kon tampat mita pososumbaan kon dewa mita. Sia in diábí kon dodai in onda in nodondouḷug kon i buḷoi in intau ibanea andeka nosiug takin bobay inta inangoinea.

YEHEZKIEL 22:7

Diábí tobatúmai in intau inta nogutun kon inimu in mohoromat kon guyanganea. Iko in monompobaḻik kon intau ango-angoi bo motayak kon kauntungan nongkon roriga in boba-bobay bo uno-unon.

IMAMAT 19:33

Dika mopoaid in diá mopia kon intau angoi-angoi inta nogutun kon butámu.

IMAMAT 25:17

Dika monguboḷ kon tumpaḷa intau Israel, táe kotoguondokbí in moiko kon i Tuhan, Allahmu.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

MATIUS 27:25

Bayongan in intau inta kon tua in notubag, “Pomayádon mako bain kami bo ki adí nami in motarima kon hukuman kon kopatoian-Nea!”

MATIUS 27:4

Bo noguman, “Binaradosadon in akuoi sin noposarakan in dugú in intau inta diá kotaḷá!” Táe mosia notubag, “Deemanbí urusan nami intua? Tua in urusanmubí tontaní!”

ULANGAN 11:28

Táe moiko in kinutukbí aka diá motoindudui kon bayongan parenta mita i Tuhan Allahmu, modapotbí in monoḻikud bo mayá mosumba kon ilah mita ibanea inta diá dodai onda sinumba monimu.

ULANGAN 24:17

Dika mogagow kon hak in intau ango-angoi bo in adí uno-unon, bo dika mogamá kon pakeang in boba-bobay tobatú sin baḻíon jaminan.

ULANGAN 27:19

‘Kinutuk in intau inta mogagow kon hak in intau ango-angoi, adí uno-unon bo inta dongka boba-bobay.’ ‘Amin!’

ULANGAN 8:19

Dika mokoḻiong kon i Tuhan Allahmu bo dika mayá kon ilah mita ibanea sin mosumba bo mogundoi kon i monia. Singgai in naa akuoi moponorop kon i monimu kon aka aidanpa doman monimu intua, yo notantú bidon kon yopúon i Tuhan in moiko.

YAKOBUS 1:27

Podudui ibog i Allah, ibada inta moitutui in motuḷungbí kon adí mita inta uno-unondon bo kon i monia inta dongkadon boba-bobay inta nobiag moyoyiga, poḷat doman moḷukad kon awak tontaní sinbá diá poguyaaton in dunia naa.