YEREMIA 6:4 - Alkitab Singog In Mongondow Masa In Tanaa

⁴ Mosia in mogumanbí, “Igai, posadiadon monubu kon Yerusalem! Koḻigai in kita monubu singgai in naa!” Táe onda intua mosia in moguman doman, “Ado, nolatdon! Singgai moungkoḷomdon, oḻinow mita in kobanat-kobanatdon.

YEREMIA 6:4 ပူးပေါင်းရင်းမြစ်များ

AYUB 7:2

naonda bo ata inta mogoḷat mako kon totuḷung; naonda bo mogogaid inta mogoḷat mako kon tondan in pinogaidannea.

DONDONG MOḶANTUD 2:17

modapot in tompot doḷo-doḷom mogirup inta monginggamá kon sindip in doḷom. Pobuidon mangoi, batoḷ in dodobku, naonda bo kijang, naonda bo ki adí in rusa kon buḷud in Beter.

YEREMIA 15:8

Butámu in mopuḻing in boba-bobay, moiḻiu kon kobayong in bungaion kon pintad. Intau mita in ḻimodon-Ku kon dodai in moguodpa dá ki iná monia in mororiga. Kon dodai in singgai poangoi-Ku kon i monia in moḷoḻimod tobatú dá angoian in ondok in mosia bo moḻia-ḻiaw in gina.

YEREMIA 15:9

Ki iná inta kinobuḻian in adí ḷoḷaki taya pitu in sinogopuḷong sin mosisí in poginaannea. Singgai kinobiagannea in nosindipdon, kinorasaannea kon sia in pinopoompámai bo pinokopo oyámai. Musungmu mita pokiḻimodan-Ku in inta nobiagpa kon sigad monimu. Akuoi, ki Tuhan, ain nosingog.”

YEREMIA 5:10

Akuoi in mopotabábí kon musung sin momoguyaat kon gobá in anggur monia, táe deemanbí makusud moyopú. Akuoi in mopotabábí kon musung tatua momongkó kon tanga mita in pangkoi mita in anggur monia, sin tanganea mita tatua in deemanbí Akuoi in kitogi.

YEREMIA 6:23

Mosia in nodia kon piot bo pandong; mosia in moraat bo diábí in ampung. Ná singog in dagat modoḷodok natuata in singog in sioḷ in kabaḷo monia inta sinakoian monia sin mamangoi monubu kon Yerusalem.”

YEREMIA 8:20

Umat in Israel in nokuani, “sempo in ponoḻisían bo sempo in poninggai tanaa in noitaḻibdon, táe kita in diápa doman nosaḷamat.”

YOËL 3:9

Potaaudon in naa kon bangusa mita: Posadiadon sin moparang bo poridomok! Pokisindogaidon in intau mita mongobarani bo moḷoḷaki; sipundon in bayongan in tontara, bo bayádon!

OBAJA 1:1

Naa in toḷanow i Obaja; sia nopoyaput in koyow i Tuhan Inta Totok in moḷantud soaḷ bangusa in Edom: Ki Tuhan ain nopotabá in totabá-Nea namangoi in bangusa mita, bo kita in nokodongogdon kon koyow mita inta dinianea noiduduimai naa, “Posadiadon moparang! Igai mayá in kita monubu kon Edom.”

MIKHA 3:5

Bangusaku inakaḷan in nabi mita inta nonoḻindap kon inta mopia kon intau inta mobogoi in doit, táe mosaturu bo mopoompámai kon intau inta diá mobogoi. Kon i monia nabi mita inta natua, ki Tuhan in noguman,

ZEPANYA 2:4

Kon kotá in Gaza diá in tobatúmai in intau in posaḷamaton. Askelon in moingongowdon diádon in mogogutunnea. Intau in Asdod in poguntunon kon wakutu in daḻíon tubuon kon dodai in moutu in singgai bo intau in Ekron in potabá mayá nongkon kotá monia.