YEREMIA 6:2 - Alkitab Singog In Mongondow Masa In Tanaa

² Kotá in Sion mogaga totok, táe ki Tuhan in morimumud kon inia;

YEREMIA 6:2 ပူးပေါင်းရင်းမြစ်များ

YESAYA 1:8

Tongá Yerusalem in sinaḻiban, táe nobaḻídon kotá inta kinokopungan bo diádon kodaya, naonda bo ḷuḷung kon gobá in anggur andeka ḷaig kon gobá in melong.

YEREMIA 4:31

Akuoi in nokodongog kon ombaḷ mopoina-inak naonda bo bobay inta mononggadí; naonda bo bobay moguod inta monononggadí ḻinggané, natua in ombaḷ in Yerusalem inta mosisí in pogoginanea. Ḻimanea in mongokap bo mogamui in sia, “Moboditodon in akuoi – akuoi in ḻimodon in musung!”

OMBAḶ 2:1

Ki Tuhan in nogaid kon bonu in torú, Sion in inangkuban-Nea in sindip. Kamuliaan in Israel inta ná koḷantud in ḷangit, ain pinogonag-Nea kon butá. Kon dodai in ki Tuhan sinumorú, baḷoi-Nea kon Sion diá bidon pinandung-Neamai.

OMBAḶ 2:13

O Yerusalem, Kotá in Sion inta kinotabi totok, kinorumbunanmu in nádon koḷoben in baḷangon. Onu degá in motaauku singogon sin mopoḻipoi? Sin, diábí kon dodai in onda in nokouḻí kon roriga ná iko. Totuu kon diábí in mokopobui kon kaadaanmu.

OMBAḶ 4:5

Mosia inta nobiasa nokaan kon kaanon inta mopia, bo nobiag kon bonu in kaoyúonan, tanaa in kumuádon in motayak kon kaanon kon yoyatan, bo minatoi in gogoy kon daḷan mita.

ULANGAN 28:56

Modapot in bobay moḷoben inta totok in motuḻid in ginanea bo totok in nobiag nooyúon nodapot in diá dodai onda minaya-mayá in sioḷ, momia doman ná tatua. Kon dodai in musung mongopung kon kotá, bobay tatua kodaitan in ropot in ginanea popisí in gogoyon, dá sia in umado-adopdon bo mokaan kon i adínea inta bagu pinononggadí takin induanea. Diábí topiḻikmai in ogoinea kon i buḷoinea inta kinotabinea ande kon i adínea mita.