YEREMIA 52:7 - Alkitab Singog In Mongondow Masa In Tanaa

⁷ dinding in kotá dinangatan in musung. Doḷom tua, umpaka intau in Babel koyogot in mongopung kon kotá tatua, bayongan in tontara in Yohuda noḷagui mopobayá in Ḷopá in Yordan. Mosia in nongin taman in komaḻig, bo iḻumuai nongin bonawang inta nopoyoguput in dinding doyowa kon tampat tatua.

YEREMIA 52:7 ပူးပေါင်းရင်းမြစ်များ

DATU MITA 2 25:4

dinding in kotá dinangatandon in musung. Doḷom tua, umpaka intau in Babel koyogot mongopung kon kotá tatua, bayongan in tontara in Yohuda noḷagui nopobayá in Ḷopá in Yordan. Mosia in nongin taman in komaḻig, bo iḻumuai nongin bonawang inta nopoyoguput in dinding doyowa tatua.

YEREMIA 34:22

Parentaan-Kubí in mosia sinbá mobuidon mangoi kon kotá tanaa, poḷat monubu, mogagow, bo monurub. Kotá mita in Yohuda in baḻíon-Ku naonda bo padang gurun inta diá inutunan in intau. Akuoi, ki Tuhan, ain nosingog.”

YEREMIA 39:2

Kon singgai in siownea buḷan inggopatnea taong impuḷú bo mita kon pinomarentaan i Datu Zedekia, dinding in kotá dinangatan in musung,

YEREMIA 49:26

Kon singgai tatua tayowmobiagnea mita in matoidon kon daḷan mita in kotánea, bo bayongan in tontaranea rimumudon.

YEREMIA 51:32

Tampat ḷoḷoḷanan iḻitúandon in musung, bo benteng mita poḷoḷukadan in sinurub. Tontara in Babel diádon kotaauan monia onu in aidan.

YEREMIA 6:5

Maníka tubuon naton doḷom, bo rimumudon in dinding mita in kotá tatua.”

YEHEZKIEL 12:12

Kon bonu in sindip in doḷom ki datu monia in momotaanbí kon binantaḷnea bo mobuat. Intau mita in moḷombangbí kon dinding sinbá mokoḷuai in sia. Bilogonneabí in matanea dá diádon ontongonnea in daḷan inta bayáannea.

YEHEZKIEL 33:21

Kon singgai noginḻima buḷan impuḷúnea, kon taong impuḷú bodoyowá kon sempo in pinoḷumbúan kon inami, intau tobatú inta nokoḷagui nongkon Yerusalem namangoi kon inakó bo nopotaau kon Yerusalem in noḷabúdon.

IMAMAT 26:17

Hukumon-Ku in moiko, modapot in moiko taḷowondon in musungmu mita moiko kawasaandon in intau mita inta mosaturu kon i monimu. Agían totok in ondok moiko dapot in moḷagui moiko, umpaka diá in mogaḷow.

IMAMAT 26:36

Intaumu mita inta kon pinoḷumbúanpa kon butá intau, popogonúan-Kudon in ondok moḷoben, modapot in umpaka tongá singog in daun irupon tompot yo poḷaguian monia. Moiko in moḷagui naonda bo inaḷowan kon bonu in parang, bo moḷabú umpaka diá in musung kon diugmu.

AMOS 4:3

Moiko in irudonbí pobayá ná Hermon bo pogambat kon ḷuai, kon batúannea bubú in dinding inta nodiug. Akuoi ki Tuhan ain noguman.”

ULANGAN 28:25

Aka moiko diá motoindudui kon i Tuhan Allahmu, baḻíon-Nea in moiko taḷowon in musungmu mita. Motompiabí in pononubú monimu, táe posibayádon in moḷagui. Bayongan in bangusa kon dunia mokoningkimdon mokoontong kon kososoemu.

ULANGAN 32:30

Naonda in intau tobatú mogaḷow kon intau toribu, bo intau doyowa mokopoguntun kon intau mopuḷú noribu modapot in moḷagui? Ki Tuhan, Allah monia, nopotaḷuidon kon i monia; mosia in sinaḷáandon i Allah inta moroton totok.