YEREMIA 51:8 - Alkitab Singog In Mongondow Masa In Tanaa

⁸ Táe daḻídon noḷabú in Babel bo noḷosi. Ombaḷaidon in sia, bo potayakaidon kon undam pongundam kon kekebnea mita, dika-dika bo mopiapabí in sia.

YEREMIA 51:8 ပူးပေါင်းရင်းမြစ်များ

YESAYA 21:9

Indoiaidon, tuata in mosia! Tontara inta sinumakoi kon kabaḷo inta namangoi tumododoyowa. Onda intua moḷoḷukad tatua nopotaau, “Babel ain noḷabú! Patong mita inta sumbaanmai monia norimumud positabud kon butá.”

YESAYA 47:11

Táe iko in koantuganbí in bodito, totaau in sihirmu diábí mokopoḷagui kon inia. Iko in angoionbí in bodito, bo diábí mokotongod in monayow. Koyopúan in daḻídon moiangoi, bo diábí muna kinoraianmu.

YESAYA 47:9

Táe tongábí tokokiap monag, tongo singgai, doyowa tua in mobaḻí moyododai. Umpaka iko mopomaké in sihir bo sinotaau, yo ki buḷoimu bo ki adímu in gamáanbí doman.

YEREMIA 46:11

Ei intau in Mesir, bayádon kon Gilead sin motayak kon undam! Umpaka natua táe diábí in undam inta mokopia kon i monimu.

YEREMIA 48:20

Mosia in motubagbí, ‘Moab ain noḷabú bo mokooyádon, tuamai in ombaḷaidon in sia. Potaaudon kon kinoouput in Ongkag in Arnon kon Moab in norimumudon.’ ”

YEREMIA 48:31

Tuamai Akuoi in mongombaḷ totok sin moiko komintan bo popisí in intau mita kon Kir-Heres, ki iná in kotámu.

YEREMIA 50:2

“Posindogdon in tomponuot bo potaaudon kon bangusa mita kon Babel in ain noḷabú! Dika bunion in tua! Ki Merodakh dewanea in ain irimumud, bo patongnea mita inta mokotor in nobotak noirarit, takin doman berhalanea mita in totokbí in siningkuḻe.

YEREMIA 51:41

Ki Tuhan in noguman, “Babel inta dinayow in sinangkub in dunia ain inagow bo iḻitúan! Totok in mokokoningkim in butá tatua kon bangusa mita.

YEREMIA 8:22

Onu degá in nokopopisí nodapot in bangusaku nodapot in tanaa mako diápa doman nopia? Degá kon sinangkub in Gilead, Diá in dokter andeka undam?

YEHEZKIEL 30:2

“Ei intau ilo-ilow, ponoḻindapdon bo potaaudon kon bangusa mita in Mesir onu inta poguman-Ku, Tuhan Inta Totok in moḷantud kon i monia. Pomaḷúdon bo pogamuidon: Adodoia! Singgai i Tuhan in nodiugdon! Ḷagidon in Sia mopobayá in oaidan-Nea. Singgai tatua in mosindip bo nonggoḷom, kon dodai in bangusa mita motarima kon hukuman.

DANIEL 5:24

Tuamai in ki Allah nopotabá mangoi in ḻima tatua sin momais kon koyow-Nea.

NAHUM 3:19

Ḷogit in awakmu diábí motaau undaman, bo kekebmu mita diádon mopia. Bayongan in intau inta mokodongog kon habar kinorimumudanmu monggoḷokap pia in gina. Sin bayongan in intau aindon nororiga popisí in aidmu moraat inta diá modai-dait tua.

WAHYU 14:8

Malaekat induanea in dinumudui kon malaekat inta muna bo sindaḷan mopobaḷú, “Ain noḷabú! Kotá in Babel inta moḷoben tatua ain noḷabú! Sia inta ain nopoḷoḷangu kon bayongan in bangusa takin tubig in anggur – tuata in anggur nongkon ibognea inta mokotor!”

WAHYU 18:2

Nanaa in pinobaḷúnea: “Ain noḷabú! Babel kotá moḷoben tua ain noḷabú! Tanaa sia in nobaḻídon tampat in dimbuḷó bo dimukud mita moraat. Bo kon bonunea in nobiagdon norupa-rupamai in ḷagapan inta nonajis bo inta kinodoí in intau.