YEREMIA 51:56 - Alkitab Singog In Mongondow Masa In Tanaa

⁵⁶ Mosia in mamangoi sin momoguyaat kon Babel, modomok kon tontaranea mita bo momutoḷ kon pakakat mita in parang monia. Akuoibí in Tuhan inta mohukum kon aid moraat, bo Babel in tuḻían-Kubí podudui in aidnea.

YEREMIA 51:56 ပူးပေါင်းရင်းမြစ်များ

KINOBAḺIAN 49:24

Táe kokaḷ i Yusup umuran motorindog, umuran moropot in piotnea, sin kawasa I Gombala Inta totok in moropot, ki Allah i Yakub, in Mogogoḻiung in Israel.

MAZMUR 137:8

Ei Babel, iko in yopúonbí! Pia in kamang in intau inta motuḻí kon inimu aid moraat inta pinopoaidmu kon inami.

MAZMUR 37:15

Táe intau moraat in kotumbukanbí in kedangnea tontaní, puḷu in piot monia in putoḷonbí.

MAZMUR 46:9

Igai, indoiaika mongo onu in pinomia i Tuhan, totuu mokoherang in oaidan-Nea kon dunia!

MAZMUR 76:3

Yerusalem in pogogogaian-Nea; Tombuḷud in Sion in pogogutunan-Nea.

YESAYA 21:2

Akuoi in nokoontong kon oontongon onu mita inta mobaḻí inta mokoondok; soaḷ pomaḷidawaan bo pomutúan. Monikdon, tontara in Elam, tubudon! Ei tontara in Madai, kopungdon! Ki Allah in mogimpaḷutbí kon bayongan in roriga inta pinopisí in Babel.

YESAYA 34:8

Tuata in wakutu i Tuhan moduḷu kon Sion bo motuḻí kon musung-Nea mita.

YESAYA 35:4

Poguman kon i monia inta mointok in gina, “Korigon in ginamu, dika moondok, ki Allahmu in mamangoi mohukum kon musung, Sia in mamangoi sin moposaḷamat kon i monimu.”

YESAYA 59:18

Sia in motuḻí kon musung-Nea mita podudui in aid monia. Nodapot in bangusa mita kon ḻibuton mita inta moyayú in diábí kotaḻiban in hukuman-Nea.

YEREMIA 49:35

Ki Tuhan in noguman, “Akuoi in moḻimodbí kon bayongan in intau inta mongotoyang momiot inta nokoropot totok kon Elam.

YEREMIA 50:10

Babel in pogagowanbí, bo intau inta mogagow in mogamábí kon bayongan yagi-yagi kinooibogbí in ginanea. Akuoi, ki Tuhan, ain nosingog.”

YEREMIA 50:36

Moyopúdon in nabi mita in Babel! Mosia in mouboḷ bo dondunguḷ. Moyopúdon in tontara in Babel inta mongotorindog! Totokdon in moondok in mosia!

YEREMIA 51:24

Ki Tuhan in noguman, “Indoiaidon tontaní naonda in Akuoi in tanaa motuḻí kon Babel bo intaunea bayongan in aid moraat inta inaidan monia kon Yerusalem.

YEREMIA 51:30

Tontara in Babel in nogogaidon in noparang bo nogutun kon benteng mita. Mosia in noinggamádon in barani bo diádon kodaya. Bonawang mita in kotá dinangatandon, bo baḷoi mita in sinurub.

YEREMIA 51:48

Bayongan inta kon ḷangit bo kon butá in morogiowbí pia in gina aka Babel moiḷabú kon bonu in kawasa in bangusa nongkon utuan inta mamangoi sin morimumud kon inia.

YEREMIA 51:53

Umpakabí Babel mokotakod kon ḷangit bo moposindog in tampat poḷoḷukadan inta diá kodapotan, Akuoi in tantúbí mopotabá kon intau sin momoguyaat kon tua. Akuoi, ki Tuhan, in nosingog.”

YEREMIA 51:6

Posaḷamatdon in awakmu! Poḷaguidon nongkon Babel, dika modapot in moiko moitakin koḻimodan popisí in dosanea! Sin naadon in wakutunea Akuoi motuḻí kon aid moraat in Babel, bo mohukum kon inia podudui in oaidnea.

OMBAḶ 3:64

Hukumdon in mosia podudui in aid monia, o Tuhan.

YEHEZKIEL 39:3

Kon tua pangkáan-Ku in puḷu in piotnea modapot in moḷabú kon ḻima koḷoiginea, bo tontakon-Ku in piotnea mita nongkon ḻima koḷanannea.

YEHEZKIEL 39:9

Intau mita kon kotá in Israel in ḷumuaibí moyo-moyodudui sin mosipun kon pakakat in parang inta ain sinaḷáan, ná kaḻeaw bo kedang, puḷu in piot bo piotnea takin tungkud bobobak. Tua mita in baḻíondon monia kayu podungú, bo tugatbí pakéon pitu notaong intua.

AMOS 2:15

Momomiot in diábí mokotongod, mororibatuk moḻikat diábí mokoḷagui, bo inta sinumakoi kon kabaḷo in diábí mosaḷamat.

OBAJA 1:15

“Totuu, nodiug bidon in singgainea, Akuoi, ki Tuhan, monisig kon bangusa mita. Onu in pinomia in Edom tuḻíanbí kon inia. Sia in mokonanambí doman kon onu inta ain inaidannea.

HABAKUK 2:8

Iko in nogagowdon kon nobayong in bangusa, táe bangusa mita inta nokoḷagui in mogagowbí bui kon inimu, popisí in pinoḻimodan inta ain inaidanmu, bo popisí in koḷoḻingámu kon ḻipú mita, bo kon kotá mita takin intaunea mita kon tua.

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.

TESALONIKA 2 1:6

Onu inta irai i Allah moadil dá tua in aidan-Nea, bo tuḻían-Nea in intau inta mopoyoyigamai kon i monimu.

WAHYU 17:16

Tungoi mopuḷú bo mahaḷuk inta inontongmu tua, moyaatbí in ginanea kon sundaḷ tatua. Daitonbí agowon monia in bayongan kapunyaannea, bo pilangan monia. Kaanonbí monia in tapúnea bo payongon monia in tuḷu.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

WAHYU 19:2

Sin pohohakim-Nea in moadil bo mobijaksana! Sia ain nopoḷabú in hukuman kon sundaḷ moḷoben, inta nomoguyaat kon dunia naa takin aidnea inta mokotor. Ki Allah ain nohukum kon sundaḷ tatua, sin sia in noḻimod kon intau mita inta nogaid kon oaidan i Allah.”

SAMUEL 1 2:4

Ropot in pahlawan in noputoḷdon, táe modugangdon moropot in intau inta moyangkó.