YEREMIA 51:54 - Alkitab Singog In Mongondow Masa In Tanaa

⁵⁴ Ki Tuhan in noguman, “Indongogai! Kon Babel intau in kumarak bo mongombaḷ morobonoḷ in gina popisí in korimumudan inta mobaḻí kon butá tatua.

YEREMIA 51:54 ပူးပေါင်းရင်းမြစ်များ

YESAYA 15:5

Akuoi in motabi kon Moab! Intaunea in noḷagui minayá in kotá in Zoar bo kon Eglat-Selisia. Oyúon in notakod kon daḷan nopobayá ná Luhit sindaḷan nongombaḷ; oyúon in noḷagui minayá in Horonaim sindaḷan kumarak sin kinoantugan in bodito.

YESAYA 25:5

naonda bo tompot mopatú kon butá inta noḷogat. Táe binaḻí-Mu in musung nami diá nokobuká kon bibig, Pinogogai-Mu in baḷú in intau mita inta moromú, naonda bo oḻiung in goḷom nonginggamá kon patú in singgai.

YEREMIA 50:22

Singog poparangan gonugur mako kon bonu in ḻipú, bo nobaḻídon in kinorimumudan noḷoben.

YEREMIA 50:27

Ḻimodon komintan in tontaranea! Patoi in mosia! Moboditodon in bangusa in Babel! Notompodon in wakutunea mosia in hukumon!” (

YEREMIA 50:43

Mokodongogmai kon habar tatua, datu in Babel kinodaitan in daya. Ginanea inagían in ondok, bo mokorasa kon mororiga naonda bo bobay inta mononggadí.

YEREMIA 50:46

Aka Babel moḷabú, yo kodongogandon in dowawá inta motoyang totok dá sinangkub in dunia modandú; karak mita in intaunea in kodongogan in bangusa mita ibanea.”

ZEPANYA 1:10

“Kon singgai tatua,” natuata in guman i Tuhan, “kodongoganbí in ombaḷ kon Bonawang in Toyá. Singog in amui in kodongoganbí nongkon ḻipú mobagu, bo singog in koumpagan inta motoyang in modoradá mako in kon tombuḷud mita.