YEREMIA 51:3 - Alkitab Singog In Mongondow Masa In Tanaa

³ Dika ogoian in kasampatan in tontaranea in mopopiot in piotnea andeka mopongata in pakeang parangnea. Tayowmobiagnea mita dika bióon mako in mobiag. Rimumudon in bayongan in tontaranea!

YEREMIA 51:3 ပူးပေါင်းရင်းမြစ်များ

MAZMUR 137:9

Pia in kamang in intau inta nogamá kon adímu mita mointok bo nopogonag kon buḷud batu!

YEREMIA 50:14

Ei moiko momomiot mita! Tompiadon in pipidanmu sin mongopung bo monubu kon Babel. Popotanádon in bayongan piotmu kon Babel, sin sia in binaradosadon kon i-Nakó.

YEREMIA 50:21

Ki Tuhan in noguman kon bangusa tobatú nongkon utuan, “Tubudon in intau kon Merataim bo Pekod. Ḻimod bo yopú in mosia. Aidai onu inta pinarenta-Ku. Akuoi, ki Tuhan, ain nosingog.”

YEREMIA 50:27

Ḻimodon komintan in tontaranea! Patoi in mosia! Moboditodon in bangusa in Babel! Notompodon in wakutunea mosia in hukumon!” (

YEREMIA 51:53

Umpakabí Babel mokotakod kon ḷangit bo moposindog in tampat poḷoḷukadan inta diá kodapotan, Akuoi in tantúbí mopotabá kon intau sin momoguyaat kon tua. Akuoi, ki Tuhan, in nosingog.”

YEREMIA 9:21

Popatoi in sinumuotdon nongin jandela, sinumuotdon kon bonu in komaḻig; sia in nodomok kon mongoadí mita kon daḷan bo tayow mobiag kon rawang.

ULANGAN 32:25

Parang in modia kon kopopatoi kon daḷan mita; mokoondok in moiuma kon intau mita kon baḷoi. Tayow mobiag bo mongodeaga mita batánea in tokoyopúon, bo adí doman mointok bo intau inta nogoguyangdon.

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!