YEREMIA 5:21 - Alkitab Singog In Mongondow Masa In Tanaa

²¹ “Indongogai, ei moiko intau bodok bo dondunguḷ! Moiko in komata táe diá moindoi, kobongoḷan táe diá mokidongog!

YEREMIA 5:21 ပူးပေါင်းရင်းမြစ်များ

MAZMUR 94:8

Ei bangusaku, dikabí námai tua in kobobodok, balajar paké in akaḷmu!

AMSAL 17:16

Diá baraguna in intau bodok mokopodait kon doit motayak kon hikmat, sin sia in diábí koraian inta mosehat.

YESAYA 27:11

Aka tanganea mita moingkagdon bo moputoḷ, bobay mita in mamangoi mogamá sin pondungú. Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.

YESAYA 43:8

Ki Allah in noguman, “Potabádon in mosia mamangoi in muna bangusa-Ku inta bilog, umpaka komata; inta bongoḷ, umpaka kobongoḷan.

YESAYA 44:18

Totuu mobodok in intau mita ná tatua! Mosia in momilog kon mata bo gina monia dá diá momangaḻe kon onu bo onu.

YEREMIA 10:8

Pamandot bo bodok in mosia komintan sin dewa monia in tongábí kayu, diábí motaau motundú kon inta oyúon in mangaḻenea.

YEREMIA 4:22

Ki Tuhan in noguman, “Mobodok totok in umat-Ku tatua, mosia in diábí nonotaau kon i-Nakó. Mosia in naonda bo mongoadí mita inta pamandot diábí in topiḻikmai in pomomangaḻe; mopandoi in mogaid kon inta moraat, diá mokoaid kon inta mopia.”

YEREMIA 5:20

Ki Tuhan in nopotabá kon inakó nopotaau in koyow-Nea tanaa kon buí i Yakub inta nogutun kon Yohuda,

YEREMIA 5:4

Akuoi in norai, “Ah, mosia in tongábí rayat biasa inta diá nonotaau in onu bo onu. Mosia in nogaid kon inta bodok, popisí in diá nonotaau mongo onu in kinoibog bo inta sinuntut i Tuhan Allah kon i monia.

YEREMIA 6:10

Akuoi in notubag, “Tuhan, ki ine in posingoganku, bo ki ine in ogoianku in tompoingat? Mosia in pamandot bo doí monaridi. Kosingan monia bo kodoí monia in koyow-Mu inta pinotaauku kon i monia.

YEREMIA 7:13

Umpaka mopobui-buimai in Akuoi mosingog kon inimu, moiko in doíbí mokidongog. Moiko in mogaidbí kon bayongan in dosa tatua, bo doí tumubag aka oiníon-Ku.

YEREMIA 8:7

Ḷagapanpa bangow in kotaauanneabí in wakutunea mobui; tarangkuku, ḷagapan tansibí bo murai in monotaau doman kon wakutunea momamping kon tampat. Táe moiko, umat-Ku, in diábí nonotaau in hukum mita inta inogoi-Ku kon inimu.

YEHEZKIEL 12:2

“Ei intau inta ilo-ilow, iko in nogutun kon yua-yuak in intau momomarontak. Mosia tua in komata, táe diá moindoi; kobongoḷan, táe diá mokidongog, popisí in moibog in mosia momarontak.

HOSEA 7:11

Israel in uik-untag naonda bo ḷagapan paḷoma inta bodok. Dungkuḷ intaunea mita in mokituḷung kon Mesir, onda intua mosia in noḷagui minayá in Asyur!

ZAKHARIA 7:11

Táe umat-Ku motontogat in uḷu bo totokbí in doí mokidongog; mosia in nomaḷon kon bongoḷan monia sinbá diá mokodongog.

MARKUS 4:12

sinbá ‘Umpaka umuran mosia monarukira táe diá kotaauan monia onu in mobaḻí, mosia umuran mokidongog, táe diá momangaḻe, naa mobaḻí sinbá mosia diá mokoontong bo momangaḻe bo dika in mosia mamangoi kon i Allah bo ampungan i Allah in mosia.’ ”

MARKUS 8:18

Komata in moiko, táe nongonu sin diábí moindoi? Kobongoḷan moiko, táe nongonu sin diábí mokidongog? Diádon degá kinotoropan monimu

YOHANES 12:40

“Ki Allah in noguman, ‘Binilogan-Kudon in mata monia, binaḻí-Kudon in mosia motogat in gina; sinbá mosia in diá mokoontong, bo raian monia in diá momangaḻe. Simbá mosia in diá mamangoi bui kon i-Nakó, bodongka undaman-Ku in mosia.’ ”

OUMAN IN RASUL MITA 28:26

Nanaa, ‘bayádon poguman kon bangusa tanaa bo poguman kon imonia: Moiko nion in tantúbí mokidongog, táe diábí momangaḻe; tantúbí doman tarukiraan monimu táe diábí kotaauan monimu mongo onu in nobaḻí.

SURAT I PAULUS KON JAMAAT RUM 1:20

Pinangkoipamai in Sia nomaḻí kon dunia naa, sipat mita i Allah inta diá koontongan, ná kaadaan-Nea saḷaku Allah bo kawasa-Nea inta mononoi, kinotaauan bidon in intau nongkon bayongan inta pinomia-Nea tua, sahingga intau in diábí motaau in dumodia.

SURAT I PAULUS KON JAMAAT RUM 11:8

Sin kon bonu in Buk Motusi ain pinais nanaa, “Binaḻídon i Allah in mosia naonda bo nosiug; bo dapot kon singgai naa mata monia in diá mokoontong bo bongoḷan monia in diá mokodongog.”

ULANGAN 29:3

Moiko in nokoontong domandon kon bodito mita inta motoyang, mujizat mita bo inta mokoherang mita inta pinomia i Tuhan.

ULANGAN 29:4

Táe dapot in tanaa mako diápa inogoi-Nea in moiko momangaḻe kon bayongan inta kinorasaan monimu tatua.

ULANGAN 32:6

Natua degá in pototuḻí monimu kon kopopia i Tuhan, ei intau mita dondunguḷ bo diá koraian? Diá kinotaauanmu kon Sia in ki Amámu, inta nomaḻí kon inimu inta nomia kon i monimu bangusa tobatú?