YEREMIA 48:2 - Alkitab Singog In Mongondow Masa In Tanaa

² noinggamádon inta nokoyunggagá kon Moab. Musung in nogagowdon kon Hesybon bo kon tua mosia in nonomayá kon monginggamá kon sinangkub in bangusa in Moab. Singog mita kon kotá in Madmen in pogogaiondon, sin kotá tatua in tubuondon in tontara.

YEREMIA 48:2 ပူးပေါင်းရင်းမြစ်များ

YESAYA 15:1

Naa in koyow i Tuhan kon Moab. Kotá in Ar bo Kir iyompat tongá tonggobii, bo butá in Moab mobaḻí moingongow totok.

YESAYA 15:5

Akuoi in motabi kon Moab! Intaunea in noḷagui minayá in kotá in Zoar bo kon Eglat-Selisia. Oyúon in notakod kon daḷan nopobayá ná Luhit sindaḷan nongombaḷ; oyúon in noḷagui minayá in Horonaim sindaḷan kumarak sin kinoantugan in bodito.

YESAYA 16:14

Bo tanaa in ki Tuhan in noguman, “Toḷupa notaong naa, bayongan in kaoyúonan inta pinoyunggaga in Moab in moinggamádon. Rayatnea inta mobayong in mobaḻídon moyakag bo moyangkó.”

YESAYA 25:10

Ki Tuhan in moḷukadbí kon Buḷud in Sion, táe Moab in ritakanbí naonda bo wawa kon yoyatan.

YEREMIA 25:15

Ki Tuhan, Allah in Israel, noguman kon inakó, “Gamádon in galas in anggur tanaa inta ain binonuan-Ku in anggur in torú-Ku. Diadon kon bayongan in bangusa kon onda in popotabáan-Ku kon inimu, bo pokiponginumaidon in mosia in anggur tanaa.

YEREMIA 25:17

Dá inabatanku in galas in anggur tatua nongkon ḻima i Tuhan, bo minayá kon bayongan in bangusa inta pinopotabáan i Tuhan kon inakó, bo pinoki inumanku in mosia in anggur tatua.

YEREMIA 31:36

Ki Tuhan in nodandi, “Aka hukum in dunia naa bo diápa mobaḷui yo Israel in tantúbí oyúon saḷaku bangusa.

YEREMIA 33:24

“Sinaridianmudon degá onu inta pinoguman in intau kon Israel bo Yohuda? Mosia in noguman kon Akuoi in noḷumbúdon kon bangusa doyowa tatua inta ain piniḻí-Ku tatua. Tuamai in inanggapdon monia noompá in umat-Ku, bo diádon inanggap monia saḷaku tobatú bangusa.

YEREMIA 46:28

Dá dikabí moondok, ei umat-Ku, Akuoi in mamangoibí sin moposaḷamat kon i monimu. Bangusa mita, inta pinoporaritan-Ku kon i monimu, komintanbí yopúon-Ku, táe moiko in diábí pomiaan-Ku natua. Totuu kon moiko in diábí moiḷagui nongkon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan, ain nosingog.”

YEREMIA 48:17

Ei moiko negara mita kon diug in Moab inta nonotaau kon kinotonsimboróannea, ponogumatoidon kon inia! Singogdon, ‘Moab in diá bidon mongawasa, koḷoḷoben bo koropotnea in noinggamádon!’

YEREMIA 48:42

Moab in morimumudbí bo diádon naonda bo bangusa tobatú, sin mosia in dinumodia kon i-Nakó.

YEREMIA 48:45

Inanakan in moḷoḷagui inta kinodaitan in daya in minayá nogadop kon Hesybon, táe kotá tatua in koyogotdon in mopokak bo komaḻig i Datu i Sihon in kaanon domanmai in tuḷú. Tuḷú in nomokakdon kon butá pinosigadan bo buḷud in Moab, butá in intau mita inta moibog moparang.

YEREMIA 49:3

Ei intau in Hesybon, pongombaḷdon sin kotá in Ai in norimumudon! Ei bobay mita in kotá in Raba, pogamuidon! Pogidaingdon in daing karong tomponuot kon morobonoḷ in gina. Poribatukdon magí mako sin motoboḻingo. Milkom dewamu in akutonbí pobayá in poḷumbúan moyotakin in imang mita bo pojabat mita in pomarentanea!

YEREMIA 49:37

Poondokon-Kubí in intau in Elam moondok kon musung inta moibog moḻimod kon i monia. Akuoi in totokbí in sinumorú kon i monia bo morimumud kon i monia. Potabá-Kubí mangoi in tontara inta momarang kon i monia modapot in mokopodait kon i monia komintan.

PINOGIAPAN 32:37

Suku i Ruben noposindog bui in kotá mita in Hesybon, Eleale, Kiryataim,