YEREMIA 47:4 - Alkitab Singog In Mongondow Masa In Tanaa

⁴ Noiangoidon in wakutunea intau in Pilistin yopúon komintan, dá Tirus bo Sidon in diádon mokouḻí kon totuḷung. Akuoi, ki Tuhan, in moḻimod kon bayongan in intau in Pilistin inta kinotaḷáan nongkon Kreta.

YEREMIA 47:4 ပူးပေါင်းရင်းမြစ်များ

KINOBAḺIAN 10:15

Ki adí mita i Kanaan, in ki Sidon in guya-guyang, bo ki Het.

TAWARIKH 1 1:12

Patrusim, Kasluhim, bo Kreta. Mosia tuata inta nobaḻí mogoguyang in intau in Pilistin.

AYUB 9:13

Ki Allah in diábí motagú kon torú bo patú in gina-Nea; mototuḷung mita i Rahab in noondok doman kon i-Nia.

MAZMUR 37:13

Táe kosinganbí i Tuhan in intau moraat, sin kinotaauan-Neabí in imbuit in kobiagan in intau tatua in nodiugdon.

YESAYA 10:3

Onu in pomiaan monimu kon singgai ki Allah mohukum kon i monimu? Onu in aidanmu kon dodai in Sia mopoangoi in anib nongkon ḻipú inta moyayú? Ki ine in pokituḷungan monimu? Kon onda in pobunian monimu kon kaoyúonanmu tatua?

YESAYA 14:31

Pogamuidon bo pomaḷúdon mopoigum in totuḷung, ei kotá mita in Pilistin! Kodoḻiokdon in moiko komintan popisí in moondok! Goḷom in ḷobud mokompoḷ nongkon utuan nobaḻí tomponuot kon kinoangoian in tontara in musung; diábí in moondok in kon sigad monia.

YESAYA 20:6

Kon tungkuḷ intua intau mita inta nogutun kon bingkí in dagat in mogumandon, ‘Indoiaika onu inta nobaḻí kon bangusa inta pinongata naton sin moḷukad kon i naton nongkon datu in Asyur. Umpaka yo mosaḷamat in kita?’ ”

YESAYA 31:8

Asyur in yopúonbí kon parang, táe deemanbí podoyon kon ropot in intau. Intau in Asyur in moḷaguibí nongkon tampat popoparangan, bo intau mita monia inta mongobagupa in baḻíon bobantung.

YEREMIA 46:10

Táe akuoi, ki Yeremia in noguman kon naa in singgai i Tuhan Inta Totok in moḷantud bo mokawasa; kon singgai tatua Sia in notuḻí kon bayongan in musung-Nea. Pitow-Nea in mokaanbí kon i monia modapot in mobotug, bo monginum kon dugú monia modapot in moguḻí. Singgai naa ki Tuhan Inta Totok in mokawasa, noratá kon kuruban-Nea mita kon utuan, kon bingkí in Ongkag in Eprat tatua.

YEHEZKIEL 21:25

Bo Akuoi in moguman kon i datu in Israel, ‘Ei datu inta moraat bo binaradosa! Pohukuman imbuitnea kon inimu in nodiugdon.

YEHEZKIEL 21:29

Oontongon inta inontong monimu in diábí totuu oontongon, bo toḻindap inta siningog monimu in diá doman totuu bo uboḷ. Moiko in moraat bo binaradosa, bo wakutu pohukuman kon inimu pangabisan in nodiugdon. Kedang tatua in momongkóbí kon sigogowmu.

YEHEZKIEL 25:16

Tuamai in potaau-Ku kon Akuoi in monububí kon intau mita in Pilistin bo moyopú kon i monia. Batúan in intau inta kiagatnea kon butá in Pilistin in ḻimodon-Kubí.

YEHEZKIEL 30:8

Aka turubon-Ku in Mesir bo moḻimod kon bayongan in totakinnea, yo kotaauandon monia kon Akuoibí in ki Tuhan.

YEHEZKIEL 7:12

Wakutunea in ḷagidon moiangoi, singgainea in nodiugdon! Ki inta mototaḷui bo ki inta mopopotaḷui in diábí mokouḻí kon kauntungan onu bo onu, sin hukuman i Allah in moiantug kon bayongan in intau.

HOSEA 9:7

Noiangoidon in wakutunea pohukuman, wakutu motarima kon tontuḻínea kon bayongan in oaid. Israel in mokonanambí kon tua! Moiko in moguman, “Nabi inta kinawasa in roho tanaa in dondunguḷ! Nobundai in sia!” Moiko in noguman natua sin moiko in doí totok kon inakó bo dosamu in totuu moḷoben.

AMOS 9:7

Ki Tuhan in noguman, “Ei umat in Israel, Akuoi in nonaridimai kon intau in Sudan ná pinononaridi-Kumai kon i monimu. Akuoi in nodiadon kon intau in Pilistin nongkon Kreta bo intau in Siria nongkon Kir ná pinododia-Ku kon i monimu nongkon Mesir.

LUKAS 21:22

Sin singgai mita tatua in ‘Singgai bidon Pohukuman’, sinbá mobaḻídon onu inta ain pinais kon bonu in Buk Motusi.

ULANGAN 2:23

Butá kon kino ouput in pintad in Dagat Toyuak iḻitúan in intau mita nongkon pulau Kreta. Mosia ain noyompat kon intau in Awi, intau inta muna-munamai nogutun kon butá tatua, bo dongka iḻimitú kon butá tatua nodapot in toḷatan kinoyoyayúbí in kotá in Gaza.)

YOSUA 22:30

Bayongan in inta pinoguman in intau mita nongkon suku i Ruben, i Gad bo suku i Manasye kon dotá in pomukaan tatua dinongog i Imang Pinehas bo in guhanga mita in ḻipú intau in Israel inta mopuḷú nongkon dotá in toyopan kon Ongkag in Yordan. Dá nopiadon in gina monia in nokodongog kon tua.