YEREMIA 47:3 - Alkitab Singog In Mongondow Masa In Tanaa

³ Mosia in mokodongogbí kon goḷopak in sioḷ in kabaḷo, koḷangká in bayáan in kereta, bo goḷotak mako in bolanea. Guyanga in mobaḻíbí moḷungkoyó bo diá bidon morai kon i adínea.

YEREMIA 47:3 ပူးပေါင်းရင်းမြစ်များ

YESAYA 5:28

Piotnea in moruit bo puḷunea in kosadi-sadia pomiot. Konuku in kabaḷonea ná kopanggit in batu tuḷú, bo bola in keretanea moburow naonda bo uḷu in tompot.

YEREMIA 46:9

Poribatukdon, ei kabaḷo! Bayádon, ei kereta! Unadon, ei intau mita mongobarani inta nodia kon kaḻeaw nongkon Sudan bo Libia. Bo moiko doman, ei inta mongotoyang momiot nongkon butá in Lidia.’ ”

YEREMIA 50:42

Mosia in nodia kon piot bo pandong; mosia in morongut bo diábí kotaauan monia in ampung. Nádon gonugur in bokoḷ kon dagat natuata in singog in sioḷ in kabaḷo monia inta moribatuk sin mamangoi monubu kon Babel.

YEREMIA 8:16

Musung in kon kotádon in Dan; kurik in kabaḷo in kodongogandon, bo sinangkub in butá noondokdon. Musung in namangoi sin morimumud kon sinangkub in butá naton, bo kotá doman naton bo bayongan in intau inta nogutun kon tua.”

YEHEZKIEL 23:24

Tubuon monia in iko nongkon utuan takin tontara inta mobarong, takin doman kereta mita in parang bo kereta mita pododatogan kon tongkaaḷ. Kokada-kadai in kaḻeaw bo nogisapoyo in uwaja, mamangoi in mosia moḻibut kon inimu. Pomayá-Kubí mako in mosia monisig kon inimu podudui in hukum mita monia.

NAHUM 2:4

Kon daḷan, kereta mita mayá diá in ḷambo-ḷamboinea. Kon lapangan, mosia in mogogaḷowan. Koontongan naonda bo poḷombow inta nodokot moḷoben, mogogaḷowan noḻikat totok naonda bo gotup.

NAHUM 2:8

Rayat in Niniwe noḷagui noirangkap, naonda bo tubig inta iḻumuai nongkon tepel inta nobokat. Oyúon in karak, “Pogogai, pogogai!” táe diábí in moibog mobui mangoi.

WAHYU 9:9

Dodob monia inoḻingoian in naonda bo ḷambung uatoi. Singog in koḻikip monia in naonda bo singog in kereta mita inta inugut in kabaḷo mayá moparang.

HAKIM MITA 5:22

Moḻikat in sioḷ in kabaḷo in mayá inta sinakoian in tumotakoinea.