YEREMIA 47:2 - Alkitab Singog In Mongondow Masa In Tanaa

² Ki Tuhan in noguman, “Indoiai, tubig in moiḻig nongkon utuan bo moiḻebet naonda bo ongkag inta koyogot in modunuk nondangat kon butá bo tombonunea, kotá mita takin intau inta nogutun kon bonunea. Intau in momaḷúbí mokituḷung bo bayongan in rayat mogayow.

YEREMIA 47:2 ပူးပေါင်းရင်းမြစ်များ

MAZMUR 24:1

Mazmur i Daud. Ki Tuhanbí in kitogi kon butá bo tombonunea, dunia bo bayongan inta nogutun kon tua.

MAZMUR 50:12

Aka gogoyon in Akuoi, diábí bain poguman-Ku kon inimu, sin butá takin tombonunea in Akuoibí in kitogi.

MAZMUR 96:11

Koḷungangadon, ei ḷangit bo butá! Ponggonuaḷdon ei dagat bo bayongan in tombonunea!

MAZMUR 98:7

Ponggonuaḷdon ei dagat bo bayongan in tombonunea butá bo bayongan inta nogutun kon bonunea.

YESAYA 14:31

Pogamuidon bo pomaḷúdon mopoigum in totuḷung, ei kotá mita in Pilistin! Kodoḻiokdon in moiko komintan popisí in moondok! Goḷom in ḷobud mokompoḷ nongkon utuan nobaḻí tomponuot kon kinoangoian in tontara in musung; diábí in moondok in kon sigad monia.

YESAYA 15:8

Kon bayongan tampat kon pinosigadan in Moab kodongogan in karak. Amui tua in kodongogan kon Eglaim bo Beer-Elim.

YESAYA 22:1

Naa in koyow kon Ḷopá Oontongon: Ei, intau in Yerusalem, nongonu sin moiko komintan in moponikbí kon tudu in atop in baḷoi?

YESAYA 28:17

Koadilan baḻíon-Ku tontogot pogogukur, bo gina motuḻid baḻíon-Ku tontogot ponigad.” Uyan batu in mobundur mokopodarit kon bayongan in uboḷ inta pongata monimu. Ḷunud in mogiḻigbí kon pogogadopanmu.

YESAYA 59:19

Kawasa bo koagung-Nea in koondokbí in bayongan in intau nongkon pomukaan nodapot in toyopan. Sia in mamangoibí naonda bo ongkag inta motoḷog inta pinondoradak mako in tompot inta moropot.

YEREMIA 1:14

Ki Tuhan in noguman, “Nongkon utuan bodito in moiḻimpó bo moiuma kon bayongan in intau in ḻipú tanaa.

YEREMIA 46:12

Kaadaanmu inta mokooyá ain kinotaauan in bangusa mita. Karakmu in kinodongogandon in sinangkub in dunia. Tontara tobatú moidangat kon tontara ibanea; tumpaḷa in mosia moibaḻikotad kon butá.

YEREMIA 46:13

Kon dodai in ki Nebukadnezar datu in Babel namangoi nonubu kon Mesir, ki Tuhan in noguman kon inakó, kai-Nia,

YEREMIA 46:20

Mesir in naonda bo ki adí in sapi noḷomumu, táe sinuyayow in ḷangow moḷoben nongkon utuan.

YEREMIA 46:24

Intau in Mesir in pokopooyáanmai, sin sinaḷow in bangusa nongkon utuan. Akuoi, ki Tuhan, ain nosingog.”

YEREMIA 48:39

Moab in norimumudon totok. Totok in nooyá in Moab! Nongombaḷ in sia sin siningkuḻedon bo nobaḻí kokosingan in bangusa mita kon ḻibuneamai. Akuoi, ki Tuhan, ain nosingog.”

YEREMIA 6:22

Ki Tuhan in noguman, “Bangusa tobatú inta moropot in niondon tayo-tayow mangoi nongkon butá inta moyayú kon utuan. Mosia in mamangoi sin moparang.

YEREMIA 8:16

Musung in kon kotádon in Dan; kurik in kabaḷo in kodongogandon, bo sinangkub in butá noondokdon. Musung in namangoi sin morimumud kon sinangkub in butá naton, bo kotá doman naton bo bayongan in intau inta nogutun kon tua.”

DANIEL 11:22

Bayongan in tontara inta moḷawang kon inia, nodapot in Imang Moḷobenpa, in upetonneabí modait poḷat yopúon.

NAHUM 1:8

Naonda bo ḷunud moḷoben inta mondangat, rimumudon-Nea in musung-Nea mita. Mosia inta mokobaḻí moḷawang kon i-Nia inandur-Nea in popatoi nodapot in noyopú.

KORINTUS 1 10:26

Sin kon bonu in Buk Motusi ain pinais, “Dunia bo tombonunea naa in komintanbí kapunyaan i Tuhan.”

KORINTUS 1 10:28

Tongá aka oyúon in moguman kon i monimu nanaa, “Kaanon tanion ain bidon pinosumba kon dimukud moraat,” yo dikabí kaanon monimu intua sin aindon muna pinotaaunea, bo kaanon tatua in kinodoíbí in ginamu.

YAKOBUS 5:1

Utat mita, intau inta nobiag nooyúon! Indongogaidon in tongginaku naa. Moiko in musti mongombaḷ bo mogamui sin moiko in koantuganbí in roriga!

WAHYU 17:1

Onda intua tobatú malaekat nongkon malaekat pitu inta nokadai kon palo pitu tatua in namangoi kon inakó bo noguman, “Igai, bá popoontongku kon inimu in hukuman kon sundaḷ moḷoben, tuata in kotá moḷoben inta pinosindog kon bingkí in ongkag mita.

WAHYU 17:15

Malaekat tatua in noguman doman, “Tubig inta inontongmu tatua, tampat inta iḻitúan in sundaḷ tatua, tuata in bangusa mita, rayat mita, negara mita bo bahasa mita.