YEREMIA 42:2 - Alkitab Singog In Mongondow Masa In Tanaa

² kon inakó bo noguman, “Amá, ná inta inontong tontaní i Amá, kami naa dungkuḷmai in nobayong, tanaa in dongkadon topiḻik. Poigumon nami kaasí sambayanganpa i Amá in kami kon i Tuhan Allah inta sinumba i Amá. Sambayangaipa in kami inta ki agatneapa naa,

YEREMIA 42:2 ပူးပေါင်းရင်းမြစ်များ

DATU MITA IMITÁNEA 13:6

Bo ki Datu Yerobeam nogumandon kon i nabi tatua, “Tuḷungaipa kaasí sambayangai in akuoi kon i Tuhan Allahmu. Poigumaipa kon totabi-Nea sinbá undaman-Neapa in kokaḷku!” Nosambayang in nabi tatua kon i Tuhan, bo nopiadon in kokaḷ i datu.

MAZMUR 119:170

Biódon mako in oigumku modapot kon ini-Mu, posaḷamatpa in akuoi podudui in dandi-Mu.

IḶUAIAN 8:28

Ki datu in noguman, “Mopia, ogoikudon moiko mayá in padang gurun sin moposumba in kuruban kon i Tuhan, Allahmu, asaḷbí bo moiko in diá mayá moyayú. Bo toropdon, sambayangai doman in akuoi!”

IḶUAIAN 9:28

Posambayangdon kon i Tuhan; totokdon in moyoyiga in kami popisí in gotup bo uyan eis tanaa. Pomayákudon mako in moiko mayá. Donaaidon mogutun kon naa in moiko.”

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

YESAYA 1:9

Aka ki Tuhan Inta Totok in mokawasa diá noposaḷamat kon tongonumai in intau kon i naton, yo kita in noyopú bidon komintan, naonda bo Sodom bo Gomora.

YESAYA 37:4

Datu in Asyur ain nopotabá in porwiranea moḷantud sin moningkuḻe kon i Allah inta nobiag. Dika-dika bo ki Tuhan ain nokodongog kon singkuḻe tatua bo mohukum kon i monia inta nosingog kon tua! Tuamai in posambayangdon kon i Allah kon kopontingan in intau mita naton inta nobiagpa.”

YESAYA 42:20

Israel, nobayong in inontongmu, táe diá sinaridianmumai, bongoḷanmu in nobuká, táe iko in diá nokidongog.”

YEREMIA 15:11

Tuhan, aka akuoi bo diá nopobayá in oaidanku kinopira, bo diá notuḷung kon musung mita kon tayowon-Mu kon dodai in mosia kinoantugan in anib bo roriga, yo biódon mako in kobaḻían in onu inta pinogodi-godi in intau mita tatua. (

YEREMIA 2:27

Moiko in pokopooyáanbímai, sin kayu topongkó oiníon monimu ki amá bo batu tobatú oiníonmu iná. Moiko in deemanbí mamangoi kon i-Nakó, táe nonaḷábímai kon i-Nakó. Táe aka moiangoidon in roriga, yo Akuoibí in oiníon monimu sinbá mamangoi moposaḷamat kon i monimu.

YEREMIA 21:2

“Poigumdon kon topotundú kon i Tuhan sin kopontingan naton, sin ki Nebukadnezar datu in Babel takin tontaranea in koyogotdon mongopung kon kotá naton. Dika-dika bo ki Tuhan in mogaidbí kon inta mokoherang kon inaton, bo momakisa kon i Nebukadnezar mopotabá umundok in tontaranea.”

YEREMIA 36:7

Dika-dika bo popisí in nokodongogdon bo mosia in mosambayangdon kon i Tuhan, bo mogogaidon in mogaid kon inta mongoraat. Ki Tuhan in sinumorú totok kon i monia bo nonindoyó kon i monia.”

YEREMIA 37:20

Tanaa, Tuang datu inta momulia, indongogaipa kaasí in oigumku tanaa. Dikadon pokidia bui i Tuang datu in akuoi kon ponjara kon baḷoi i Yonatan tua, sin matoi in akuoi kon tua.”

YEREMIA 37:3

Ki Datu Zedekia in nopotabá kon i Yukhal ki adí i Selemya, bo ki Imang Zepanya ki adí i Maaseya sin mopoigum sinbá akuoi in mosambayang kon i Tuhan Allah sin kopontingan in bangusa.

YEREMIA 38:14

Kon singgai tobatú, ki Datu Zedekia nopotabá kon intau nodia kon inakó minayá in tayowonnea kon ngara intoḷunea kon Baḷoi Tuhan. Sia in noguman kon inakó, “Akuoi in moḻibó kon inimu, bo iko in mustibí motubag kon inakó taran-tarangan. Dikabí mobuni kon onu bo onu.”

YEREMIA 40:15

Bo inumado-adop noguman in ki Yohanan kon i Gedalya, “Biódon mako bayáanku ḻimodon in ki Ismael; diábí tobatúmai in intau in mokotaau kon ki ine in noḻimod. Nongonu sin mustibí pomayá mako in sia in moḻimod kon inimu? Tua in mokopopisíbí kon bayongan in intau in Yohuda inta ain noyosipun kon naa takinmu, moiraritdon bui, bo tua in mokorimumudbí kon bayongan in rayat inta ki agatnea kon Yohuda.”

YEREMIA 42:20

kon moiko in nogaidon kon taḷá moḷoben. Moiko in nopoigum sinbá akuoi in mosambayang kon i Tuhan Allah naton sin kopontingan monimu, bo moiko in nodandi kon dumuduibí kon bayongan inta pinoguman i Tuhan.

OMBAḶ 1:1

Totuubí kaasí kon moingongow in Yerusalem in tanaa mako, kotá inta dungkuḷmai totok in morame. Dungkuḷmai in noiḷontú kon sigad in bangusa mita, tanaa in nobaḻídon naonda bo boba-bobay. Dungkuḷmai in kotá inta totok in dinuí-duímai, tanaa in nobaḻídon ata.

YEHEZKIEL 12:16

Tongosilai moyakag kon i monia in posaḷamaton-Ku nongkon parang, nongkon malarat in kaanon, bo nongkon yampoi in takit, sinbá kon yua-yuak in bangusa mita ibanea tatua yo mosia in monotaaudon kon mosia in nogaidon kon inta totok in moromú. Dá akuondon monia kon Akuoibí in ki Tuhan.”

HOSEA 8:10

Táe sipunon-Kubí bo hukumon in mosia. Diádon moonggot bo mosia in mogongot popisí in monakit, aka mosia dorotondon i datu in Asyur.

IMAMAT 26:22

Popoangoi-Ku kon yua-yuak monimu in mahaḷuk mita moraat. Mahaḷuk mita tatua modomok kon i adí mita monimu, momatoi kon biagmu bo mokaan kon i monimu komintan, dá moiko in moyakagdon totok, bo daḷan mita kon butá monimu moingongowdon totok.

AMOS 7:2

Pangkoḷá mita tatua in gogió bo nokopodait nokaan kon bayongan in pinomuḷa kon butá. Bo akuoi in noguman, “Tuhan Inta Totok in moḷantud, ampungaidon kaasí in umat-Mu! Mosia in moiḻiubí in intok bo moyangkó, yo umpaka mokotongod in mosia?”

MATIUS 24:22

Bo aka kuma bo wakutunea naa bo diá impoḷokan; yo kon bayongan inta nobiag diábí in mosaḷamat. Tongá popisí in intau mita inta sinokopiḻídon dá wakutu tatua inimpoḷokandon.

OUMAN IN RASUL MITA 8:24

Dá ki Simon in noguman kon i Petrus bo kon i Yohanes, “Dá aka natua yo tuḷungaipa poigum kon i Tuhan sinbá diá tobatúmai in siningog monimu nion in mobaḻí kon i nakó.”

ULANGAN 28:62

Umpaka kobayong monimu in nádon kobayong in tundi kon ḷangit, tongádon topiḻik in kon sigad monimu in mobiagpa, sin moiko in diá motoindudui kon i Tuhan Allahmu.

ULANGAN 28:63

Ná pia in gina i Tuhan nobogoi in kobiagan motompia kon inimu bo modugang kon kobayongmu, yo natua doman in kososanang in gina-Nea moyompat bo moyopú kon i monimu. Moiko in poḷuaiondon nongkon butá inta diádon moonggot in ḻitúan monimu.

ULANGAN 4:27

Poyayitonbí i Tuhan in moiko kon sigad in bangusa mita ibanea bo tongádon topiḻik in mobiag in kon sigad monimu.

YAKOBUS 5:16

Tuamai moiko in musti mosi akuan kon taḷá bo mosi sambayangan, sinbá undaman in moiko. Sambayang in intau inta dinumudui kon ibog i Allah, moḷoben in kawasanea.

SAMUEL 1 12:19

Bo nogumandon in mosia kon i Samuel, “Tuḷungaipa, Amá, posambayangaipa in kami kon i Tuhan Allahmu, sinbá diá in kami matoi. Tanaa in kinotaauandon nami kon koḻikud in dosa nami koḻipod, kami in dinosadon bui sin kami ain noigum kon datu tobatú.”

SAMUEL 1 12:23

Soaḷ akuoi, poigumon mako akuoi in diá modapot in mogaid kon dosa kon i Tuhan sin diádon nosambayang kon kopontingan monimu. Táe akuoi in umuranbí motundú kon inimu kon soaḷ mita inta mopia bo inta noitutui.

SAMUEL 1 7:8

Mosia in noguman kon i Samuel, “Dikadon mogoga-gogai in mosambayang kon i Tuhan Allah naton sinbá posaḷamaton-Nea in kita nongkon intau in Pilistin.”