YEREMIA 41:5 - Alkitab Singog In Mongondow Masa In Tanaa

⁵ namangoidon in intau waḷu nopuḷú nongkon Sikhem, Silo bo Samaria. Mosia in nongarugdon kon tampeng, nomerak kon ḷambung, bo nonongkekeb kon awak monia. Mosia in nodia kon gandum bo kamania sin posumba kon Baḷoi i Tuhan.

YEREMIA 41:5 ပူးပေါင်းရင်းမြစ်များ

KINOBAḺIAN 33:18

Kon binayáan nongkon Mesopotamia, noyaputdon in ki Yakub takin nosaḷamat kon kotá in Sikhem kon butá in Kanaan, bo noposindog in ḷoḷaigan kon dotá in pomukaan kon kotá tatua.

KINOBAḺIAN 34:2

Naonda in ki Sikhem, ki adí i Hemor intau in Hewi inta nobaḻí datu kon butá tatua nokoontong kon i Dina, pinoḷaguinea in mongodeaga tatua bo pinakisanea siniugan.

KINOBAḺIAN 37:12

Kon singgai tobatú kon dodai in ki guya-guyang mita i Yusup mayá in Sikhem sin moḷukad kon paanan bembé domba i amá monia,

SAMUEL 2 10:4

Bo ki Hanun in nodomok kon totabá mita i Daud tatua, nongarug kon kumi monia toḷosi, nomongkó kon pakeang monia nodapot in kayang, bodongka pinotabá nobui.

DATU MITA IMITÁNEA 12:1

Ki Rehabeam minayá in Sikhem, sin bayongan rayat in Israel dotá in utuan in noyosipundon kon tua sin moduí kon inia mobaḻí datu.

DATU MITA IMITÁNEA 12:25

Naonda in nobaḻí datu in Israel, ki Yerobeam noginropotdon kon kotá in Sikhem kon butá in buḷud in Epraim, bo nogutun kon tua notoyong. Onda intua minayá bui in sia nongkon tua bo noginropot kon kotá in Pnuel.

DATU MITA IMITÁNEA 16:24

Táe noiduduimai kon tua, notaḷui in sia kon buḷud tobatú kon i Semer, boḻinea in 6.000 in doit saḷaka. Bo noposindog in sia in kotá tobatú kon buḷud tatua bo sinangoiannea in Samaria, pinodudui in tangoi i Semer, intau inta kitogi buḷud tatua.

DATU MITA IMITÁNEA 16:29

Kon taong nogintoḷu nopuḷú bo waḷu kon pinomarentaan i Datu Asa kon Yohuda, ki Ahab ki adí i Omri in nobaḻí datu kon Israel bo nomarenta kon Samaria doyowa nopuḷú notaong in koonggotnea.

DATU MITA 2 25:9

Ki Nebuzaradan in nonurub kon Baḷoi Tuhan, komaḻig in datu, bo bayongan in baḷoi in intau mita inta ihoromat kon Yerusalem.

TAWARIKH 1 19:4

Ki Datu Hanun in nodomok kon totabá mita i Daud tatua, bo kinarugan in tampeng monia, bo nomongkó kon ḷambung monia kinodapot in kayang, bo pinotabá in mosia minayá.

MAZMUR 102:14

Iko in simindogbí bo monotabi kon Sion, nodapotdon in wakutunea monotabi kon inia.

MAZMUR 78:60

Sia in nonaḷámai kon ḷoḷaigan-Nea kon Silo, tampat pogogutunan-Nea kon sigad in intau.

YESAYA 15:2

Intau inta nogutun kon Dibon motakod kon buḷud sin mongombaḷ kon tampat pososumbaan kon dewa mita. Intau in Moab takin morobonoḷ in dodob mogamui kon kotá in Nebo bo Medeba. Mosia in nongarug kon uḷu bo kumi nobaḻí tomponuot kon norobonoḷ in dodob.

YEREMIA 16:6

Intau nooyúon bo nobogá kon butá tanaa in matoi bo diábí in moḷobong kon i monia. Diábí tobatúmai in intau in rumoriga andeka mokiḷogat in uḷunea saḷaku tomponuot nonogumatoi kon i monia.

YEREMIA 41:4

Kon singgai noiduduimai, kon dodai in diápa kinotaauan in intau in pinoḻimodan kon i Gedalya,

YEREMIA 47:5

Intau in Gaza kinoantugan in robonoḷ in gina moḷoben; intau inta kon Askelon in kibio-biómaidon. Modapot in toonu intau in Pilistin inta oyúonpa umuran mononogumatoi?

YEREMIA 48:37

Mosia komintan in nongarugdon kon buok kon uḷu bo tampeng, nonongkekeb kon kokaḷ, bo nogidaingdon in karong nobaḻí tomponuot kon norobonoḷ in gina.

YEREMIA 7:12

Bayádon in Silo, Kotá inta dungkuḷmai piniḻí-Ku nobaḻí pososumbaan kon i-Nakó. Indoiaidon onu in pinomia-Ku kon tampat tatua popisí in dosa in umat-Ku Israel.

YEREMIA 7:14

Baḷoi-Ku inta pongata monimu, bo tampat inta inogoi-Ku kon mogoguyangmu bo kon inimu naa in pomiaan-Ku naonda bo Silo dungkuḷmai.

YOËL 2:13

Bisi-bisídon in ginamu deemanbí ḷambungmu!” Pobuidon mangoi kon i Tuhan Allahmu. Sia in totuu kon mosabar bo motabi mopia in gina bo nopuḻing in tabi. Mopia in gina-Nea in mongampung bo doí mopobayá in hukuman.

ULANGAN 14:1

“Moiko nion in umat i Tuhan Allahmu. Dá aka oyúon in kinopatoian, dikabí in moiko monompaḻí kon awak ande mokibangkuḷug in buok kon dotá in pogotmu ná oaid in bangusa mita ibanea.

YOSUA 18:1

Naonda in nopotungkud mako in butá inta pinodandi i Tuhan, bayongan umat in Israel noyosipun kon Silo, bo mosia noposindog in Ḷoḷaigan Koangoian i Tuhan.

YOSUA 24:32

Tuḷan mita i Yusup dinia in umat in Israel nongkon Mesir, iḷobong kon Sikhem kon butá inta ain sinaḷui i Yakub mogatut in doit saḷaka nongkon i adí mita i Hemor, ki amá i Sikhem. Butá tatua pinononsilai kon buí i Yusup.

HAKIM MITA 18:31

Patong berhala inta pinomia i Mikha tatua umuranbí kon Lais kon dodai in Ḷoḷaigan i Tuhan kon Silo.

HAKIM MITA 9:1

Kon singgai tobatú ki Abimelek ki adí i Gideon minayá in kotá in Sikhem ḻipú in motoḷuadí i inánea. Kon tua in sia nongonguman monia, kainia,

SAMUEL 1 1:7

Tua in nobaḻí pomuḷoi in taong; aka mosia mayá in Baḷoi Tuhan, umuranbí i Penina popoyaat in ginanea. Mokakit in ki Hana mongombaḷ bo doí mongaan popisí in siningkuḻe in sia.