YEREMIA 41:2 - Alkitab Singog In Mongondow Masa In Tanaa

² ki Ismael takin intaunea taya mopuḷú tua in norabut kon kedang monia bo noḻimod kon i Gedalya, gubernur inta dinuí in intau in Babel tatua.

YEREMIA 41:2 ပူးပေါင်းရင်းမြစ်များ

SAMUEL 2 3:27

Naonda in ki Abner nodapotdon kon Hebron, inanutan i Yoab in sia minayá sinimí nopobayá in diug in ngara moḷoben, naonda bo oyúon in oumanon inta diá motaau kodongogan in intau ibanea. Bo daḻídon sinumbuk i Yoab kon sian in ki Abner nodapot in minatoi in sia. Ki Abner minatoi iḻimod i Yoab sin nonuḻí kon kinopatoian i ai-ainea ki Asael.

DATU MITA 2 25:25

Táe kon buḷan impitunea kon taong tatua ki Ismael ki adí i Netanya ki ompu i Elisama inta buípa in datu, minayá noyotakin in intau mopuḷú kon Mizpa. Mosia in nonubu bo noḻimod kon i Gedalya takin intau in Yohuda bo intau in Babel inta noyotakin i Gedalya kon tua.

MAZMUR 109:5

Aidku mopia kon i monia tuḻían monia in moraat, bo tabiku in tuḻían monia in yaat in gina.

MAZMUR 41:9

Guman monia, “Takitnea in mobogatdon totok, diábí doman inta mobangonpa bui in sia.”

YEREMIA 40:14

bo noguman, “Kinotaauanmu degá kon ki Baalis datu in Amon nopotabádon kon i Ismael moḻimod kon inimu?” Táe diábí in ki Gedalya nopirisaya kon singog monia.

YEREMIA 40:16

Táe ki Gedalya in notubag, “Dika! Onu inta pinogumanmu soaḷ ki Ismael tua in diábí totuu!”

YEREMIA 40:5

Kon dodai in diápa minayá, ki Nebuzaradan in noguman, “Aka moibog, iko in motaaubí mobui mayá kon i Gedalya ki adí i Ahikam ki ompu i Sapan, inta ain dinuí i datu in Babel nobaḻí gubernur kon kotá mita in Yohuda. Iko in motaaubí mogutun takinnea kon sigad in rayat, andeka mayábí in onda in koibogmu.” Bo inogoiannea in tongkaaḷ kaanon bo tombuinag in akuoi, bo inogoineadon in akuoi minayá.

YEREMIA 40:7

Ki Datu in Babel ain noduí kon i Gedalya nobaḻí gubernur kon Yohuda sin momarenta kon bayongan intau inta nogutunpa kon Yohuda, intau mita inta nobiag totok in nobogá. Tongosilai nongkon porwira mita bo tontara in Yohuda inta diá sinumungkud kon intau in Babel, nokodongogdon kon pinoduían kon i Gedalya tua.

YEREMIA 40:8

Dá ki Ismael ki adí i Netanya, ki Yohanan ki adí i Kareah, ki Seraya ki adí i Tanhumet, bo ki adí mita i Epai nongkon Netopa, bo ki Yezanya nongkon Maakha minayá takin intau mita monia kon i Gedalya kon Mizpa.

YEREMIA 41:3

Ki Ismael in noḻimod doman kon bayongan in intau in Yohuda inta noyotakin i Gedalya kon Mizpa, bo bayongan in tontara in Babel inta noitongkaná kon tua.

YOHANES 13:18

Onu in pinoguman-Ku naa in deemanbí soaḷ moiko komintan. Kotaauan-Kubí ki ine inta ain piniḻí-Ku, táe bá mobaḻídon onu inta pinais kon bonu in Buk Motusi nanaa, ‘Intau inta ain nongaan noyotakin-Ku, in moḷawangbí kon i-Nakó.’