YEREMIA 41:1 - Alkitab Singog In Mongondow Masa In Tanaa

¹ Kon buḷan noginpitu kon taong tatua ki Ismael ki adí i Netanya ki ompu i Elisama minayá noyotakin in intau taya mopuḷú minayá in Mizpa sin moyodungkuḷ i Gedalya. (Ki Ismael naa in tobatú buí in datu, porwira moḷantud tobatú in dodatuan.) Koyogot in mosia nongaan noyotakin,

YEREMIA 41:1 ပူးပေါင်းရင်းမြစ်များ

SAMUEL 2 3:27

Naonda in ki Abner nodapotdon kon Hebron, inanutan i Yoab in sia minayá sinimí nopobayá in diug in ngara moḷoben, naonda bo oyúon in oumanon inta diá motaau kodongogan in intau ibanea. Bo daḻídon sinumbuk i Yoab kon sian in ki Abner nodapot in minatoi in sia. Ki Abner minatoi iḻimod i Yoab sin nonuḻí kon kinopatoian i ai-ainea ki Asael.

DATU MITA 2 11:1

Naonda in kinotaauan i Atalya kon ki Datu Ahazia, ki adínea in minatoidon, pinarentaanneadon sinbá bayongan in ginaḷum motoḷuadí i Ahazia in ḻimodon.

DATU MITA 2 25:22

Nopaḷut mako kon tua ki Datu Nebukadnezar in noduí kon i Gedalya ki adí i Ahikam ki ompu i Sapan, nobaḻí gubernur kon Yohuda sin momarenta kon bayongan in intau inta nogutunpa kon tua.

DATU MITA 2 25:25

Táe kon buḷan impitunea kon taong tatua ki Ismael ki adí i Netanya ki ompu i Elisama inta buípa in datu, minayá noyotakin in intau mopuḷú kon Mizpa. Mosia in nonubu bo noḻimod kon i Gedalya takin intau in Yohuda bo intau in Babel inta noyotakin i Gedalya kon tua.

TAWARIKH 2 22:10

Kon tungkuḷ in kinotaauandon i Atalya kon ki Datu Ahazia ki adínea in minatoidon, nomarenta in sia sinbá bayongan in motoḷuadí i datu kon Yohuda in ḻimodon.

MAZMUR 109:5

Aidku mopia kon i monia tuḻían monia in moraat, bo tabiku in tuḻían monia in yaat in gina.

MAZMUR 41:9

Guman monia, “Takitnea in mobogatdon totok, diábí doman inta mobangonpa bui in sia.”

AMSAL 13:10

Ḷoḷatú tongábí mokopopisí kon porogenggengan; intau inta mobijaksana moibog motarima kon totundú.

AMSAL 27:4

Torú tua in moromú bo mokorimumud, táe tumayow kon intoi ki ine in mokoigon?

YEREMIA 36:12

Bo minayá in komaḻig in sia, kon kantor in momomais in negara. Kon tua, bayongan in pojabat koyogot nobakid. Ki Delaya ki adí i Semaya, ki Elnatan ki adí i Akhbor, ki Gemarya ki adí i Sapan, ki Zedekia ki adí i Hananya, ki Elisama momomais tobatú, bo pojabat mita ibanea inta kon tua.

YEREMIA 36:20

Pojabat mita tatua nogukat kon ḻitodan in buk tatua kon gopot i Elisama, momomais tatua, bodongka minayá kon i datu bo nopotaau in bayongan tua.

YEREMIA 39:14

nogamá kon inakó nongkon palas in komaḻig. Bo akuoi in inogoi kon i Gedalya ki adí i Ahikam ki ompu i Sapan, inta musti mogatod kon inakó mobui takin saḷamat. Dá nogutundon in akuoi kon sigad in rayat.

YEREMIA 40:13

Noiduduimai kon tua, ki Yohanan bo porwira inta diá sinumungkud kon musung, namangoi kon i Gedalya kon Mizpa

YEREMIA 40:5

Kon dodai in diápa minayá, ki Nebuzaradan in noguman, “Aka moibog, iko in motaaubí mobui mayá kon i Gedalya ki adí i Ahikam ki ompu i Sapan, inta ain dinuí i datu in Babel nobaḻí gubernur kon kotá mita in Yohuda. Iko in motaaubí mogutun takinnea kon sigad in rayat, andeka mayábí in onda in koibogmu.” Bo inogoiannea in tongkaaḷ kaanon bo tombuinag in akuoi, bo inogoineadon in akuoi minayá.

YEREMIA 40:6

Akuoi in minayá kon i Gedalya kon Mizpa, bo nogutun kon inia kon yua-yuak in rayat inta sinaḷáan kon butá in Yohuda.

YEREMIA 40:7

Ki Datu in Babel ain noduí kon i Gedalya nobaḻí gubernur kon Yohuda sin momarenta kon bayongan intau inta nogutunpa kon Yohuda, intau mita inta nobiag totok in nobogá. Tongosilai nongkon porwira mita bo tontara in Yohuda inta diá sinumungkud kon intau in Babel, nokodongogdon kon pinoduían kon i Gedalya tua.

YEREMIA 40:8

Dá ki Ismael ki adí i Netanya, ki Yohanan ki adí i Kareah, ki Seraya ki adí i Tanhumet, bo ki adí mita i Epai nongkon Netopa, bo ki Yezanya nongkon Maakha minayá takin intau mita monia kon i Gedalya kon Mizpa.

YEHEZKIEL 17:13

Bo piniḻínea in intau tobatú nongkon motoḷuadí in datu in Yohuda tatua, nomia kon dodandian takinnea, bo nopotabá kon inia nongibot kon motoindudui kon inia. Ki Datu in Babel tatua in nodomok kon intau mita mongoponting,

YOHANES 13:18

Onu in pinoguman-Ku naa in deemanbí soaḷ moiko komintan. Kotaauan-Kubí ki ine inta ain piniḻí-Ku, táe bá mobaḻídon onu inta pinais kon bonu in Buk Motusi nanaa, ‘Intau inta ain nongaan noyotakin-Ku, in moḷawangbí kon i-Nakó.’