YEREMIA 40:9 - Alkitab Singog In Mongondow Masa In Tanaa

⁹ Ki Gedalya in noguman kon i monia, “Moiko in dikabí moondok in tumungkud kon intau in Babel. Pogutundon kon butá naton tanaa, bo koibogdon mobaḻí ata in datu in Babel. Mopirisayabí in akuoi kon mosaḷamatbí in moiko.

YEREMIA 40:9 ပူးပေါင်းရင်းမြစ်များ

KINOBAḺIAN 49:15

Inindoiannea totuu mopia in tampat tatua bo totuu mogaga in butá tatua, dá kumuyungdon in sia bo moibogdon popotakoian in datog, bo pakisaan mogaid saḷaku bobantung.

DATU MITA 2 25:24

Ki Gedalya in noguman kon i monia komintan, “Moiko in diákabí motoguondok kon intau mita inta nokadai kon pomarentaan in Babel. Pogutundon kon butá naton tanaa bo umaḻídon bobantung i datu in Babel. Ḷukadanku kon moiko in mosaḷamatbí.”

MAZMUR 128:2

Iko in mongaanbí nongkon onu inta siniḷopíanmu, mobiag motomoman bo motompia.

MAZMUR 37:3

Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

YEREMIA 27:11

Táe bangusa inta moibog mokiompu bo moibog mobaḻí ata i datu in Babel in pomayá-Kudon mako in mogutun kon butánea tontaní, bo monompinomuḷa kon tua, Akuoi, ki Tuhan ain nosingog.”

OMBAḶ 1:1

Totuubí kaasí kon moingongow in Yerusalem in tanaa mako, kotá inta dungkuḷmai totok in morame. Dungkuḷmai in noiḷontú kon sigad in bangusa mita, tanaa in nobaḻídon naonda bo boba-bobay. Dungkuḷmai in kotá inta totok in dinuí-duímai, tanaa in nobaḻídon ata.

OMBAḶ 5:9

Kon ḷuai in kotá, moḷoḻimod nodondaḷoi magí mako; diá kodimu-dimukud in kami kon dodai in motayak kon kaanon.