YEREMIA 40:8 - Alkitab Singog In Mongondow Masa In Tanaa

⁸ Dá ki Ismael ki adí i Netanya, ki Yohanan ki adí i Kareah, ki Seraya ki adí i Tanhumet, bo ki adí mita i Epai nongkon Netopa, bo ki Yezanya nongkon Maakha minayá takin intau mita monia kon i Gedalya kon Mizpa.

YEREMIA 40:8 ပူးပေါင်းရင်းမြစ်များ

SAMUEL 2 10:6

Onda intua intau in Amon nosadardon kon aid monia tua in nokopomukádon kon saturu i Daud kon i monia. Tuamai in nonondan in mosia kon 20.000 in tontara in Siria inta nogutun kon Bet-Rehob bo Zoba, bo 12.000 in tontara nongkon Tob, takin datu in butá in Maakha bo intaunea 1.000.

SAMUEL 2 10:8

Intau in Amon iḻumuai nomia kon pipidan monia kon tayowon in ngara moḷoben in Raba ibukotá monia, yo intau in Siria, intau in Tob bo Maakha nomia kon pipidan monia kon tampat monia tontaní.

DATU MITA 2 25:23

Naonda in porwira mita bo tontara in Yohuda inta doí sinumungkud kon Babel nokodongog kon pinoduían tatua, mosia komintan in namangoi kon i Gedalya kon Mizpa. Porwira mita tatua in ki Ismael ki adí i Netanya, ki Yohanan ki adí i Kareah, ki Seraya ki adí i Tanhumet nongkon kotá in Netopa, bo ki Yazanya nongkon kotá in Maakha.

DATU MITA 2 25:25

Táe kon buḷan impitunea kon taong tatua ki Ismael ki adí i Netanya ki ompu i Elisama inta buípa in datu, minayá noyotakin in intau mopuḷú kon Mizpa. Mosia in nonubu bo noḻimod kon i Gedalya takin intau in Yohuda bo intau in Babel inta noyotakin i Gedalya kon tua.

TAWARIKH 1 2:48

Ki Kaleb in ko pahang doman inta tangoinea in ki Maakha. Kon inia naa kinouḻían i Kaleb kon adí ḷoḷaki doyowa inta tangoinea in ki Seber bo ki Tirhana;

TAWARIKH 1 2:54

Ki Salma inta noposindog in kotá in Betlehem in mogoguyang in intau in Netopa, intau in Atarot Bet-Yoab, bo intau in Zori, inta tobatú nongkon doyowa noinanakan inta nogutun kon Manahti.

EZRA 2:2

Itoi mita monia in ki Zerubabel, ki Yesua, ki Nehemia, ki Seraya, ki Reelaya, ki Mordekhai, ki Bilsan, ki Mispar, ki Bigwai, ki Rehum bo ki Baana. Naa in tangoi mita in motoḷuadí in Israel, takin kobayong in intau nongkon batúan in inanakan inta nobui nongkon pinoḷumbúan:

NEHEMIA 7:26

Intau mita inta mogoguyang monia nogutun kon kotá mita inta noiduduimai naa inta nobui doman nongkon pinoḷumbúan: Kotá Betlehem bo Netopa – 188 Anatot – 128 Bet-Azmawet – 42 Kiryat-Yearim, Kepira bo Beerot – 743 Rama bo Gaba – 621 Mikhmas – 122 Betel bo Ai – 123 Nebo inta ibanea – 52 Elam inta ibanea – 1.254 Harim – 320 Yerikho – 345 Lod, Hadid bo Ono – 721 Senaa – 3.930

YEREMIA 37:15

Sinumorú totok in mosia kon inakó, bo nomarenta sinbá bongkugon in akuoi bo kurungon kon baḷoi i Yonatan, momomais in negara. Baḷoi tatua in binaḻídon ponjara.

YEREMIA 37:20

Tanaa, Tuang datu inta momulia, indongogaipa kaasí in oigumku tanaa. Dikadon pokidia bui i Tuang datu in akuoi kon ponjara kon baḷoi i Yonatan tua, sin matoi in akuoi kon tua.”

YEREMIA 38:26

Potaaudon kon iko in nodondouḷug kon inakó sinbá akuoi in diádon mokidia bui kon inimu kon ponjara bo matoi kon tua.”

YEREMIA 40:11

Kon dodai intua bayongan intau in Israel inta kon butá in Moab, Amon, Edom, bo kon butá mita ibanea, nokodongog kon ki datu in Babel ain nobogoi kon tongosilai in intau in Israel nogutun kon Yohuda, bo sia in noduí domandon kon i Gedalya nobaḻí gubernur.

YEREMIA 40:13

Noiduduimai kon tua, ki Yohanan bo porwira inta diá sinumungkud kon musung, namangoi kon i Gedalya kon Mizpa

YEREMIA 40:14

bo noguman, “Kinotaauanmu degá kon ki Baalis datu in Amon nopotabádon kon i Ismael moḻimod kon inimu?” Táe diábí in ki Gedalya nopirisaya kon singog monia.

YEREMIA 40:15

Bo inumado-adop noguman in ki Yohanan kon i Gedalya, “Biódon mako bayáanku ḻimodon in ki Ismael; diábí tobatúmai in intau in mokotaau kon ki ine in noḻimod. Nongonu sin mustibí pomayá mako in sia in moḻimod kon inimu? Tua in mokopopisíbí kon bayongan in intau in Yohuda inta ain noyosipun kon naa takinmu, moiraritdon bui, bo tua in mokorimumudbí kon bayongan in rayat inta ki agatnea kon Yohuda.”

YEREMIA 40:6

Akuoi in minayá kon i Gedalya kon Mizpa, bo nogutun kon inia kon yua-yuak in rayat inta sinaḷáan kon butá in Yohuda.

YEREMIA 41:1

Kon buḷan noginpitu kon taong tatua ki Ismael ki adí i Netanya ki ompu i Elisama minayá noyotakin in intau taya mopuḷú minayá in Mizpa sin moyodungkuḷ i Gedalya. (Ki Ismael naa in tobatú buí in datu, porwira moḷantud tobatú in dodatuan.) Koyogot in mosia nongaan noyotakin,

YEREMIA 41:11

Ki Yohanan ki adí i Kareah bo bayongan in porwira inta noyotakinnea nokodongogdon kon aid moraat i Ismael.

YEREMIA 41:2

ki Ismael takin intaunea taya mopuḷú tua in norabut kon kedang monia bo noḻimod kon i Gedalya, gubernur inta dinuí in intau in Babel tatua.

YEREMIA 42:1

Nopaḷut mako intua bayongan in intau, moḷoben mointok, takin porwira mita, noitakin doman in ki Yohanan ki adí i Kareah bo ki Azarya ki adí i Hosaya namangoi

YEREMIA 42:8

Dá inoiníku in ki Yohanan bo porwiranea mita bo bayongan in intau ibanea inta namangoi takinnea.

YEREMIA 43:2

Bo ki Azarya ki adí i Hosaya bo ki Yohanan ki adí Kareah takin bayongan in intau inta mododia tua in noguman kon inakó, “Mouboḷ in iko. Ki Tuhan Allah naton in diábí nopotabá kon inimu moḷamboi kon inami in mayá mogutun kon Mesir.

YEREMIA 43:5

Ki Yohanan bo bayongan in porwira tatua in nodia minayá in Mesir in bayongan in intau inta oyúonpa kon Yohuda, bo bayongan doman intau inta ain nobui nongkon butá ibanea inta kinoraritan monia.

ULANGAN 3:14

Yair nongkon suku Manasye nogamá kon bayongan wilayah Argob, inta nongkon Basan nodapot in pinosigadan Gesur bo Maakha. Sinangoiannea in ḻipú mita tatua pinodayan kon tangoinea tontaní, bo dapot in tanaa mako umuranpabí kinotaauan saḷaku ḻipú mita i Yair.)

YOSUA 12:5

Butá kinawasanea in nongkon Buḷud in Hermon, Salkha, bo bayongan in Basan nodapot in kinoyoyayú in butá in Gesur bo Maakha; bo noitakin doman in tobotak in butá in Gilead nodapot in kinoouput in butá inta kinawasa i Datu Sihon kon kotá in Hesybon.