YEREMIA 40:7 - Alkitab Singog In Mongondow Masa In Tanaa

⁷ Ki Datu in Babel ain noduí kon i Gedalya nobaḻí gubernur kon Yohuda sin momarenta kon bayongan intau inta nogutunpa kon Yohuda, intau mita inta nobiag totok in nobogá. Tongosilai nongkon porwira mita bo tontara in Yohuda inta diá sinumungkud kon intau in Babel, nokodongogdon kon pinoduían kon i Gedalya tua.

YEREMIA 40:7 ပူးပေါင်းရင်းမြစ်များ

DATU MITA 2 25:12

Táe tongosilai in rayat inta totok in mobogá bo inta diá kokapunyaan in sinaḷáannea kon Yohuda bo pinoki ḷukadannea in gobá in anggur bo gobá mita in tudunea.

DATU MITA 2 25:4

dinding in kotá dinangatandon in musung. Doḷom tua, umpaka intau in Babel koyogot mongopung kon kotá tatua, bayongan in tontara in Yohuda noḷagui nopobayá in Ḷopá in Yordan. Mosia in nongin taman in komaḻig, bo iḻumuai nongin bonawang inta nopoyoguput in dinding doyowa tatua.

YEREMIA 39:10

Tongobotak in rayat inta totok in nobiag bogá bo inta diá kokapunyaan, sinaḷáan kon Yohuda bo inogoian in gobá in anggur bo gobá in tudunea.

YEREMIA 39:14

nogamá kon inakó nongkon palas in komaḻig. Bo akuoi in inogoi kon i Gedalya ki adí i Ahikam ki ompu i Sapan, inta musti mogatod kon inakó mobui takin saḷamat. Dá nogutundon in akuoi kon sigad in rayat.

YEREMIA 39:4

Kon tungkuḷ in ki Datu Zedekia bo bayongan in tontaranea nokoontong kon bayongan inta nobaḻí tatua, mosia in noḷongasi noḷagui minayá in Ḷopá in Yordan doḷom doman tatua. Mosia in nongin taman in komaḻig, bo iḻumuai nongin bonawang inta nopoyoguput in dinding in tampat tatua.

YEREMIA 39:9

Imbuitnea rayat inta kon kotápa, takin intau mita inta ain noḷagui bo dinumotá kon intau mita in Babel, inakut pinobayá in Babel i Nebuzaradan itoi in tontara in Babel.

YEREMIA 41:1

Kon buḷan noginpitu kon taong tatua ki Ismael ki adí i Netanya ki ompu i Elisama minayá noyotakin in intau taya mopuḷú minayá in Mizpa sin moyodungkuḷ i Gedalya. (Ki Ismael naa in tobatú buí in datu, porwira moḷantud tobatú in dodatuan.) Koyogot in mosia nongaan noyotakin,

YEREMIA 41:10

Onda intua ki Ismael in nodomok kon adí mita bobay i datu bo bayongan in intau mita inta oyúonpa kon Mizpa inta ain inogoi i Nebuzaradan kon bonu in kawasa i Gedalya. Dinakop i Ismael in mosia bodongka nobuat minayá takin i monia nopobayá ná butá in Amon.

YEREMIA 41:11

Ki Yohanan ki adí i Kareah bo bayongan in porwira inta noyotakinnea nokodongogdon kon aid moraat i Ismael.

YEREMIA 43:6

Ḷoḷaki, bobay, mongoadí mita bo ki adí mita bobay i datu inta inogoi i Nebuzaradan kon i Gedalya, takin doman akuoi bo ki Barukh, komintan dinia minayá in Mesir.

YEREMIA 52:16

Táe tongosilai nongkon rayat inta totok in nobogá bo diá koonu bo onu, in sinaḷáannea kon Yohuda, bo mosia komintan in nonompia kon gobá in anggur bo gobá mita in tudunea.

YEHEZKIEL 45:16

Bayongan in intau kon butá tatua in mustibí modia sosumba mita tatua kon mongongawasa inta nomarenta kon Israel.