YEREMIA 40:6 - Alkitab Singog In Mongondow Masa In Tanaa

⁶ Akuoi in minayá kon i Gedalya kon Mizpa, bo nogutun kon inia kon yua-yuak in rayat inta sinaḷáan kon butá in Yohuda.

YEREMIA 40:6 ပူးပေါင်းရင်းမြစ်များ

TAWARIKH 2 16:6

Bo ki Datu Asa in nonongganutdon kon intau mita nongkon sinangkub in Yohuda sin mogakut kon batu bo kayu inta pinaké i Baesa kon Rama sin moginropot kon kotá tatua. Pakakat mita tatua in pinaké i Asa moginropot kon kotá in Geba bo Mizpa.

YEREMIA 39:14

nogamá kon inakó nongkon palas in komaḻig. Bo akuoi in inogoi kon i Gedalya ki adí i Ahikam ki ompu i Sapan, inta musti mogatod kon inakó mobui takin saḷamat. Dá nogutundon in akuoi kon sigad in rayat.

YEREMIA 41:1

Kon buḷan noginpitu kon taong tatua ki Ismael ki adí i Netanya ki ompu i Elisama minayá noyotakin in intau taya mopuḷú minayá in Mizpa sin moyodungkuḷ i Gedalya. (Ki Ismael naa in tobatú buí in datu, porwira moḷantud tobatú in dodatuan.) Koyogot in mosia nongaan noyotakin,

HAKIM MITA 20:1

Dá namangoidon in bayongan umat in Israel nongkon Dan kon utuan nodapot in Bersyeba kon toḷatan, bo Gilead kon pomukaan, sin dumudui kon oiní tatua. Mosia in noyosipun bo notobatú kon Mizpa kon tayowon i Tuhan.

HAKIM MITA 21:1

Kon tungkuḷ in intau in Israel noyosipun kon Mizpa, mosia in nodandidon kon i Tuhan kon diábí in tobatúmai in kon sigad monia in mobogoi kon i adí monia bobay inta pobuḷoion in intau in Benyamin.