YEREMIA 40:5 - Alkitab Singog In Mongondow Masa In Tanaa

⁵ Kon dodai in diápa minayá, ki Nebuzaradan in noguman, “Aka moibog, iko in motaaubí mobui mayá kon i Gedalya ki adí i Ahikam ki ompu i Sapan, inta ain dinuí i datu in Babel nobaḻí gubernur kon kotá mita in Yohuda. Iko in motaaubí mogutun takinnea kon sigad in rayat, andeka mayábí in onda in koibogmu.” Bo inogoiannea in tongkaaḷ kaanon bo tombuinag in akuoi, bo inogoineadon in akuoi minayá.

YEREMIA 40:5 ပူးပေါင်းရင်းမြစ်များ

DATU MITA 2 22:12

Bo ki datu in nobogoi in parenta tanaa kon i Imang Hilkia, ki Ahikam ki adí i Sapan, ki Akhbor ki adí i Mikha, ki Sapan momomais in negara, bo ki Asaya totabá i datu:

DATU MITA 2 22:14

Dá minayádon in ki Hilkia, ki Ahikam, ki Akhbor, ki Sapan bo ki Asaya nopoigum in totundú kon bobay tobatú inta ki Hulda in tangoinea. Sia in nabi inta nogutun kon ḻipú mobagu kon Yerusalem. Ki buḷoinea in ki Salum adí i Tikwa, ki ompu i Harhas; sia in mononoḻisí kon pakeang in ibada kon Baḷoi Tuhan. Naonda in ki Hulda nokodongog kon katarangan monia,

TAWARIKH 2 34:20

Bo ki datu in nobogoi in parenta tanaa kon i Hilkia, kon i Ahikam ki adí i Sapan, kon i Abdon ki adí i Mikha, kon i Sapan momomais in negara, bo kon i Asaya moḷoḷukad i datu,

EZRA 7:27

Bo ki Ezra in noguman, “Dayowdon in ki Tuhan, Allah inta sinumba in mogoguyang naton! Sia in nopogonúdon kon gina i datu dá ki datu in noibogdon noindoi totok kon Baḷoi Tuhan kon Yerusalem.

EZRA 7:6

Ki Ezra in intau tobatú inta nosikoḷa bo nobayong in kinotaauannea in soaḷ Hukum inta inogoi i Tuhan, Allah in Israel kon i Musa. Popisí in ki Ezra binarakatan i Tuhan Allahnea, dá ki datu in nobogoi kon inia in bayongan inta pinoigumnea. Kon taong impitunea kon pinomarentaan i Datu Artahsasta, nobuatdon in ki Ezra nongkon Babel bo minayá in Yerusalem noyotakin in topaanan in intau Israel inta imang mita, intau in Lewi, mododondong bo moḷoḷukad kon ngara kon Baḷoi Tuhan, bo mogogaid mita.

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

AYUB 22:29

Intau inta mokaḷakuang pinoompá i Tuhan, táe inta moompá in gina in posaḷamaton.

AMSAL 16:7

Aka iko mokosanang kon gina i Tuhan, musungmu mita in baḻíon-Neabí yobayat.

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

YEREMIA 15:11

Tuhan, aka akuoi bo diá nopobayá in oaidanku kinopira, bo diá notuḷung kon musung mita kon tayowon-Mu kon dodai in mosia kinoantugan in anib bo roriga, yo biódon mako in kobaḻían in onu inta pinogodi-godi in intau mita tatua. (

YEREMIA 26:24

Táe tanaa noidoyon kon totuḷung i Ahikam ki adí i Sapan, akuoi ki Yeremia diábí inogoi kon rayat sin ḻimodon.

YEREMIA 39:14

nogamá kon inakó nongkon palas in komaḻig. Bo akuoi in inogoi kon i Gedalya ki adí i Ahikam ki ompu i Sapan, inta musti mogatod kon inakó mobui takin saḷamat. Dá nogutundon in akuoi kon sigad in rayat.

YEREMIA 40:4

Tanaa in bukaankudon in pinoumantungan kon inimu bo iko in buḻiankudon. Aka moibog in iko, yo motaaubí in dumudui mayá in Babel, bo ḷukadankubí in iko. Táe aka doí, diábí doman nongonu. Kon sinangkub in butá tanaa mobebasbí in iko in mayábí in onda in koibogmu.”

YEREMIA 41:1

Kon buḷan noginpitu kon taong tatua ki Ismael ki adí i Netanya ki ompu i Elisama minayá noyotakin in intau taya mopuḷú minayá in Mizpa sin moyodungkuḷ i Gedalya. (Ki Ismael naa in tobatú buí in datu, porwira moḷantud tobatú in dodatuan.) Koyogot in mosia nongaan noyotakin,

YEREMIA 41:2

ki Ismael takin intaunea taya mopuḷú tua in norabut kon kedang monia bo noḻimod kon i Gedalya, gubernur inta dinuí in intau in Babel tatua.

OUMAN IN RASUL MITA 27:3

Naonda in nopoikoḷomaidon kon singgai, noiyaputdon in kami kon Sidon. Mopiabí totok in ki Yulius kon i Paulus. Inogoineabí in sia minaya-mayá mako mokipodungkuḷ kon yobayatnea mita sinbá ogoian monia onu in kaparaḷuannea.

OUMAN IN RASUL MITA 27:43

Táe inimaḷowan in porwira tatua sinbá ki Paulus in diá doman ḷutamon monia. Bo pinotabánea in intau mita inta motaau ḷumanguy, bo ḷumanguy muna mayá in toba;

OUMAN IN RASUL MITA 28:10

Kami i horomat totok monia in kon tua bo naonda in kami nobuatdon nongkon tua yagi-yagidon inogoi monia inta paraḷu pakéon nami.

IBRANI 13:6

Tuamai mobaranibí in kita moguman, “Ki Tuhan in mototuḷungku, tuamai akuoi in diá moondok. Onubí in motaau aidan in intau kon inakó?”