YEREMIA 40:1 - Alkitab Singog In Mongondow Masa In Tanaa

¹ Ki Tuhan in nosingog kon inakó naonda in ki Nebuzaradan, itoi in tontara tatua, nopoḷuai kon inakó kon Rama. Akuoi in diniadon kon tua koumantu-antungpa takin bayongan intau ibanea nongkon Yerusalem bo Yohuda inta inakut saḷaku inta dinakop pinobayá in Babel.

YEREMIA 40:1 ပူးပေါင်းရင်းမြစ်များ

TAWARIKH 2 16:1

Kon taong intoḷu nopuḷú bo onom kon pinomarentaan i Datu Asa kon Yohuda, ki Baesa datu in Israel nonubu kon Yohuda bo noginropot kon kotá in Rama sin moḷamboi kon daḷan ḷumuai tumuot kon Yohuda.

MAZMUR 107:16

Sin Sia in nogumpag kon ngara mita bitú, bo nomutuk kon bilabag mita uatoi.

MAZMUR 68:6

Ki Allah inta nogutun kon Baḷoi-Nea inta motusi in ki amá in adí uno-unon bo mododuḷu kon inta dongkadon boba-bobay.

YEREMIA 31:15

Ki Tuhan in noguman, “Kon Rama kinodongogan in ombaḷ, bo amui inta takindon in ajar in gina. Ki Rahel in nongombaḷ kon i adínea mita, sia in doíbí ḻipoion sin diádon in mosia.

YEREMIA 39:9

Imbuitnea rayat inta kon kotápa, takin intau mita inta ain noḷagui bo dinumotá kon intau mita in Babel, inakut pinobayá in Babel i Nebuzaradan itoi in tontara in Babel.

YEREMIA 42:7

Mopuḷú nosinggai noiduduimai kon tua ki Tuhan in nosingog kon inakó.

YEHEZKIEL 33:21

Kon singgai noginḻima buḷan impuḷúnea, kon taong impuḷú bodoyowá kon sempo in pinoḷumbúan kon inami, intau tobatú inta nokoḷagui nongkon Yerusalem namangoi kon inakó bo nopotaau kon Yerusalem in noḷabúdon.

OUMAN IN RASUL MITA 21:13

Táe ki Paulus in noguman kon i monia, “Nongonu sin mongombaḷbí in moiko naníon, bá kotaauan monimu kon ombaḷ monimu nion totokbí in mokororiga kon ginaku! Akuoi in diá bidon moondok, deemanbí tongá togoton, umpakabí modapot in matoi kon Yerusalem sin mopotaau in Habar Mopia nongkon i Tuhan.”

OUMAN IN RASUL MITA 28:20

Tuamai in akuoi mopoigum sinbá motaau moyodungkuḷ monimu bo mongonguman takin i monimu; sin akuoi naa in sinokig nanaa tongábí in nopohabar kon onu inta inoḷat mako in intau mita in Israel.”

EPESUS 6:20

Lantaran Habar Mopia tuata, akuoi in nobaḻí totabá bo tanaa in binonu kon ponjara. Sambayangaibí sinbá mobarani in akuoi in mosingog kon soaḷ Habar Mopia tatua, ná inta patus singogonku.

YOSUA 18:25

Bo mopuḷú doman bo opat in kotá noiduduimai naa takin ḻipú mita inta kon diugneamai, Gibeon, Rama, Beerot, Mizpa, Kepira, Moza, Rekem, Yirpeel, Tarala, Zela, Elep, Yebus (inta Yerusalem), Gibea bo Kiryat-Yearim. Tuata in butá mita inta inogoi kon motoḷuadí mita inta kon bonu in suku i Benyamin sin binaḻí kapunyaan monia.

SAMUEL 1 7:17

Umuranbí natua bo mopaḷut mako mobuidon in sia kon baḷoinea kon Rama. Kon tua sia nobaḻí hakim kon intau in Israel bo noposindog doman in mezbah tobatú kon i Tuhan.