YEREMIA 4:8 - Alkitab Singog In Mongondow Masa In Tanaa

⁸ Tuamai, pongombaḷ bo pogamuidon, pakédon in daing karong nobaḻí tomponuot in pinonogumatoian. Sin torú i Tuhan inta tumaga-tagab diápa doman nopiong nongkon Yohuda.

YEREMIA 4:8 ပူးပေါင်းရင်းမြစ်များ

MAZMUR 78:49

Sia in nopouma in torú-Nea inta modoko-dokot takin nopotabá mangoi in tongopaanan in malaekat momomatoi inta nokopobaḻí kon i monia kinobuḻian in kamang.

YESAYA 10:4

Ukurmu in tongábí ḻimodon kon parang andeka diaan nobaḻí intau inta dinakop. Táe ki Tuhan in umuranpabí tumorú bo tantú mohukum.

YESAYA 13:6

Pogamuidon, sin singgai i Tuhan in nodiugdon, tuata in singgai koyopúan inta pinoangoi i Tuhan Inta Totok in mokawasa.

YESAYA 22:12

Kon tungkuḷ intua ki Tuhan Inta Totok in moḷantud bo Inta Totok in mokawasa nopotabá kon i monimu nongombaḷ bo nogamui, nongarug kon buok bo nogibintoḷ.

YESAYA 32:11

Nodapot in tanaa mako moiko in nobiagpa nosanang noiḷuat nongkon roriga. Táe tanaa, mourotdon sin moondok! Ḷongkutdon in ḷambungmu bo pogibingkoḷotdon in bintoḷ ponogumatoian.

YESAYA 5:25

Ki Tuhan in sinumorú kon bangusa-Nea. Sia in nosadiadon kon mohukum kon i monia. Buḷud mita in modandú, mayat mita posiyayit naonda bo apat kon daḷan. Táe ki Tuhan in sinumorúpabí bo tantúbí mohukum.

YESAYA 9:12

Bangusa in Israel diápa doman nomanasaḷ, umpakabí ain ihukum i Tuhan Inta Totok in mokawasa; mosia in diápa doman in tobat kon i-Nia.

YESAYA 9:17

Kororaat in bangusa tatua in nonurub naonda bo tuḷú inta noḷeḷep kon dogami. Dokotnea in naonda bo kayuon noturub inta nopodamonik in poyok mobarong.

YEREMIA 25:34

Ei itoi mita, ei gombala mita in umat i Tuhan! Pongombaḷdon koropot! Ponangkuḻitodon kon ḷobud, sin noiangoidon in wakutunea ḻimodon in moiko, bo inta mokoḷagui in porariton. Moiko in nádon kuyon koboḻi inta noḷabú bo noḷosi.

YEREMIA 48:20

Mosia in motubagbí, ‘Moab ain noḷabú bo mokooyádon, tuamai in ombaḷaidon in sia. Potaaudon kon kinoouput in Ongkag in Arnon kon Moab in norimumudon.’ ”

YEREMIA 6:26

Ki Tuhan in noguman kon umat-Nea, “Pakédon in daing karong bo ponangkuḻitodon kon ḷobud. Ponogumatoidon bo pogamuidon takin roriga in gina naonda bo intau inta nongombaḷ sin kinopatoian i adínea tuḷong, sin momomutú in daḻídon monubu kon i monimu.”

OMBAḶ 1:12

“Ei intau mita inta tumaḻib kon daḷan, indoiai bo taridiai! Oyúon degá in roriga inta ná kobogat in rorigaku tanaa, sikisa inta pinopoantug i Tuhan kon inakó, popisí in torú-Nea inta moḷoben totok tua?

YEHEZKIEL 21:12

Ei intau ilo-ilow, pogamuidon bo pomaḷú! Sin kedang tatua in nosadiadon monayow kon umat-Ku. Itoi mita in Israel takin bayongan in bangusa tumbukonbí in kedang tatua modapot in matoi. Dá tokapdon in dodobmu takin robonoḷ,

YEHEZKIEL 30:2

“Ei intau ilo-ilow, ponoḻindapdon bo potaaudon kon bangusa mita in Mesir onu inta poguman-Ku, Tuhan Inta Totok in moḷantud kon i monia. Pomaḷúdon bo pogamuidon: Adodoia! Singgai i Tuhan in nodiugdon! Ḷagidon in Sia mopobayá in oaidan-Nea. Singgai tatua in mosindip bo nonggoḷom, kon dodai in bangusa mita motarima kon hukuman.

YOËL 1:13

Ei imang mita inta nogundoi kon mezbah, pakédon in kaeng karong, bo pongombaḷdon. Tuotdon kon bonu in Baḷoi Tuhan sin mogamui kinoouput in doḷom, sin diádon in kuruban anggur bo gandum kon i Allahmu.

AMOS 8:10

Porameanmu mita in baḷuian-Kubí mobaḻí kopatoian, bo dondongmu mita in mobaḻí amui. Baḻíon-Kubí in moiko mongarug kon buokmu bo mopomaké in kaeng karong saḷaku tomponuot kon morobonoḷ in gina. Moiko in mobaḻíbí naonda bo ki amá bo ki iná inta nongombaḷ kon kinopatoian i adínea inta tongá totobatú. Singgai tatua in mopaḷutbí táe totok in mokorobonoḷ kon gina.”

MIKHA 1:16

Ei intau in Yohuda, gonsingaidon in buokmu mobaḻí tomponuot kon pinonogumatoian kon adí mita monimu inta kinotabi monimu. Karugaidon in uḷumu modapot in moḷogat naonda bo ḷagapan mokokaan kon mahaḷuk minatoi, sin ki adí mita monimu in akuton kon poḷumbúan.

PINOGIAPAN 25:4

“Domokdon in bayongan intau inta nobaḻí itoi mita in bangusa tatua bo ḻimod in mosia kon tayowon in intau mobarong sin moponiata mogaid kon onu inta pinarenta-Ku, sinbá Akuoi in diádon tumorú bui kon bangusa tatua.”