YEREMIA 4:3 - Alkitab Singog In Mongondow Masa In Tanaa

³ Ki Tuhan in noguman kon intau mita inta nogutun kon Yohuda bo kon Yerusalem, “Tonggobádon in butámu inta diápa sinonggobá; dika moponimboi in bibit kon yuak in dugi.

YEREMIA 4:3 ပူးပေါင်းရင်းမြစ်များ

KINOBAḺIAN 3:18

Bonganga bo dugi mita poḷuaion in butá kon inimu, bo mobobiag mita inta tongá kino bia-biagnea in mobaḻí kokaanonmu.

IḶUAIAN 23:11

Táe kon taong noginpitu, pomayápa mako in butá tatua. Kon bonu in taong tatua donaaipa in moiko mogamá kon onuka in nobiag tontaní kon gobámu. Pomayádon mako intua sinbá intau mita bogá kon sigad monimu mokouḻípa kon kaanon monia, bo onu in diá ginamá monia kaanondon in mahaḷuk mita inta kaḻig. Natua doman pomia kon gobá in anggur bo pangkoi mita in zaitunmu.

HOSEA 10:12

Akuoi in moguman, ‘Ei Israel! Bukádon in gobá mobagu kon inimu, ponimboidon in bibit in kooadil, bo koyutdon in barakat inta pinomungai in tabimu inta totu-totuu kon i-Nakó. Sin, wakutuneadon iko in motayak kon i-Nakó, ki Tuhanmu. Akuoi in mamangoibí bo mopoinggú in barakat-Ku kon inimu.’

MATIUS 13:22

Bibit inta noḷabú kon yua-yuak in díat, tua in mangaḻenea, intau inta nokodongog kon Pirman tatua tongá mohawatir kon kapunyaan kon dunia naa bo moibog mobiag mooyúon. Ibog monia kon in dunia tua in monisí kon Pirman tatua, dá diá momungai.

MATIUS 13:7

Oyúon doman in noḷabú kon yua-yuak in díat. Dugi tatua nobiag bo nonisí kon biag in pinomuḷa tatua dapot in minatoi.

MARKUS 4:7

Oyúon doman bibit inta noḷabú kon yua-yuak in díat. Díat mita tatua nobiag bo nonisí kon biag in bibit mita tatua nodapot in minatoi, sahingga diá nokopomungai.

LUKAS 8:14

Bibit inta noḷabú kon yua-yuak in díat, tua in ibarat intau inta ain nokidongog kon Pirman, tongá gina monia umuran sinisí in kapunyaan inta inanggap monia mokosanang kon kobiagan monia kon dunia naa, sahingga diá notuoi in bungainea.

LUKAS 8:7

Oyúon doman in noḷabú kon yua-yuak in díat. Díat tatua nobiag noyotakin in bibit tatua poḷat doman monisímai kon bibit tatua nodapot in minatoi.