YEREMIA 4:23 - Alkitab Singog In Mongondow Masa In Tanaa

²³ Mataku in ḷumongow monag kon butá, diá in koontongan bo noingkag, ḷumangag in akuoi kon ḷangit, uḻe, diábí in monindar.

YEREMIA 4:23 ပူးပေါင်းရင်းမြစ်များ

KINOBAḺIAN 1:2

dunia naa in diápa notompiamai, bo diápa doman in tombonunea, nosindipabí komintan, bo Roho i Allah in maya-mayá mako kon tudu in tubig.

YESAYA 13:10

Batúan in tundi bo pinosipunan in tundi mogogai in monindar; mata in singgai in simindip kon dodai in sia momuká, bo buḷan in diá bidon monindar bui.

YESAYA 5:30

Kon singgai tatua kon sinangkub in Israel kinodongogandon in kokow pinoparangan naonda bo koropot in boḷontung in bokoḷ. Indoiaika, sinangkub in ḻipú tatua nosindip bo nosisídon totok. Bayag in nobaḻídon sindip totok.

YEREMIA 2:12

Manangka intua, ei ḷangit, kodandúdon! Moitongau bo kourotdon!

YEREMIA 9:10

Akuoi, ki Yeremia, noguman, “Akuoi in mongombaḷ bo mononogumatoi sin rawang in bonok kon ḷopá bo kon buḷud mita inta ain noingkag totok bo diádon sinaḻiban in intau. Singog in bobiagon diádon kodongogan, manuk bo mahaḷuk mita ibanea noḷaguidon bo nobuḻi.”

OMBAḶ 3:2

Koyayú-koyayúdon in popogambatan-Nea kon inakó kon bonu in tampat inta totok in mosindip.

YOËL 2:10

Kon tungkuḷ in mosia minayá butá nogugur, bo ḷangit in nodandú doman. Bo nosindipdon in mata in singgai bo buḷan, bo sindar in tundi mita noinggamádon.

AMOS 8:9

Moiangoibí in wakutunea baḻíon-Ku in mata in singgai tumoyop moutupa in singgai bo dunia in simindipdon kon dodai in singgaipa. Akuoi, ki Tuhan, Inta Totok in moḷantud, ain nosingog.

ZAKHARIA 14:6

Aka singgai tatua moiangoi, yo diá bidon in tompot motumping andeka eis.

MATIUS 24:29

“Naonda in mopaḷutdon roriga wakutu intua, yo mata in singgai mosindip, bo buḷan diádon monindar. Bo tundi mita in mongoḷabú nongkon ḷangit, bo kawasa mita kon baḷangon moirangkap.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.