YEREMIA 4:20 - Alkitab Singog In Mongondow Masa In Tanaa

²⁰ Bodito in mamangoi diá moobo-obot morimumud kon sinangkub in butá. Daḻídon in ḷoḷaiganku pinoguyaat, daingnea mita in binisi-bisí.

YEREMIA 4:20 ပူးပေါင်းရင်းမြစ်များ

MAZMUR 42:7

Kon butá pinoḷumbúan tanaa mororiga totok in ginaku, tuamai in kinotoropanku in ki Tuhan. Dimukudku in dinia in robonoḷ in gina, akuoi in inuntag in ḷunud kotombaukan; naonda bo tubig kon popoḷabúan in Ongkag in Yordan nongkon Buḷud in Hermon bo Buḷud in Mizar.

MAZMUR 72:19

Dinayo-dayowdon in tangoi-Nea inta moḷantud dapot in mononoi; igumon mako sinangkub in butá mopuḻing in kamuliaan-Nea! Natuadon in mobaḻí. Amin!

YESAYA 13:6

Pogamuidon, sin singgai i Tuhan in nodiugdon, tuata in singgai koyopúan inta pinoangoi i Tuhan Inta Totok in mokawasa.

YESAYA 15:5

Akuoi in motabi kon Moab! Intaunea in noḷagui minayá in kotá in Zoar bo kon Eglat-Selisia. Oyúon in notakod kon daḷan nopobayá ná Luhit sindaḷan nongombaḷ; oyúon in noḷagui minayá in Horonaim sindaḷan kumarak sin kinoantugan in bodito.

YESAYA 33:20

Indoiaidon in kotá in Sion, tampat poramean naton kon singgai mita in agama. Indoiaidon in Yerusalem! Totuu moaman in tampat tatua pogutunan, naonda bo ḷoḷaigan inta diá kon dodai in onda in pinamping, patoknea in diá kon dodai in onda in irabut bo tontogotnea in diá kon dodai in onda in nobontow.

YESAYA 47:9

Táe tongábí tokokiap monag, tongo singgai, doyowa tua in mobaḻí moyododai. Umpaka iko mopomaké in sihir bo sinotaau, yo ki buḷoimu bo ki adímu in gamáanbí doman.

YESAYA 54:2

Pokooḷadon in ḷoḷaigan mita pogogutunanmu; koḷanggó in tontogotnea mita bo koroton in oiginea!

YEREMIA 12:11

Oo, Akuoi nokoontong kon i monia nomaḻí kon ḻipú-Ku nobaḻí tampat moingongow inta mokonakit kon gina. Komintan pinomayá mako, diá in noindoimai.

YEREMIA 17:18

Igumon mako intau inta nogaḷow bo nondorot kon inakó, pokopooyáan-Mumai bo poangoian-Mu in ondok. Táe dikabí intua poaid kon inakó, o Tuhan. Poangoidon in bodito kon i monia modapot in mosia morimumud moputú.

YEREMIA 4:21

Modapot in toonu intua in ontongonku intau simimpatoi in moparang? Modapot in toonu in dongogonku singog in torompet inta mokobongoḷ?

YEREMIA 4:27

Ki Tuhan in noguman kon sinangkub in dunia in mobaḻí padang gurun, táe Sia in diábí momutú kon tua komintan.)

YEREMIA 4:6

Tundúdon in daḷan mayá in Sion, Buḷud i Tuhan, ḷagidon poḷagui dika tongá kibio-biómai. Ki Tuhan in koyogotdon in mopoangoi in bodito bo korimumudan moḷoben nongkon utuan.

YEREMIA 9:18

Intau in Yohuda noguman, “Ḷagidon pokidondongai in mosia in dondong ponogumatoian kon inaton komintan, sinbá motutug in ḷuá momuntad kon putongi naton.”

OMBAḶ 3:47

kami in kinoantugan in bodito bo kinorimumudan, bo nobiag kon bonu in anib bo ondok.

YEHEZKIEL 14:21

Ki Tuhan Inta Totok in moḷantud in noguman, “Akuoi in mopoḷabú in opat in hukuman-Ku inta totok in motoyang kon Yerusalem sin moyopú kon intau andeka mahaḷuk. Naa in hukuman mita tatua: parang, malarat in kaanon, mahaḷuk moraat bo yampoi in takit.

YOËL 1:15

Singgai i Tuhan in nodiugdon, singgai inta mokokoningkim; wakutu ki Inta Totok in Mokawasa morimumud.

IMAMAT 26:18

Aka naonda in mokouḻí mako kon hukuman tatua bo diápa doman in moiko mokopotoindudui kon i-Nakó, yo hukuman kon i monimu dugangan-Ku in kobogatnea kopitu nongkon tua.

IMAMAT 26:21

Aka moiko umuranpa doman monoḻikud kon i-Nakó bo doí mokopotoindudui kon i-Nakó, dá hukumanmu in dugangan-Ku bui inta kobogatnea kopitu ná tatua.

IMAMAT 26:24

dá bouton-Kudon in moiko bo hukumon-Ku in moiko inta kobogat in hukuman tatua kopitu ná inta ain pinopoaid-Ku muna.

IMAMAT 26:28

Dá tumorúdon totok in Akuoi poḷat mosambok kon i monimu, bo mohukum kon i monimu inta kobogat in hukuman tatua in kopitu nongkon ná inta ain pinopoaid-Ku kon i monimu.

HABAKUK 3:7

Inontongku in rayat in Kusyan inaputan in ondok, bo intau in Midian urot mako.

PINOGIAPAN 16:21

“Undokdon in moiko nongkon intau mita tanion; Yopúon-Kudon in mosia nion tanaa doman mako.”

PINOGIAPAN 16:45

“Pokoyayúdon kon intau mita tanion. Yopúon-Kudon in mosia nion kon tampat doman tanion!” Taya dua tua dinumokó bo nosumba,

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

TESALONIKA 2 1:9

Mosia naa inta motarima kon hukuman mokoyoyang modapot in kopaḷutannea bo ḷumbúon koyayúon nongkon tayowon i Tuhan bo nongkon kawasa-Nea inta moḷoben;