YEREMIA 4:12 - Alkitab Singog In Mongondow Masa In Tanaa

¹² táe tompotbí moropot inta namangoi pinodoyon kon parenta i Tuhan tontaní sin mopoḷabú in hukuman kon umat-Nea.

YEREMIA 4:12 ပူးပေါင်းရင်းမြစ်များ

MAZMUR 11:6

Intau moraat ihukum-Nea in bodito, takin tuḷú, balerang bo tompot inta mokopokak.

YEREMIA 1:16

Akuoi in mohukumbí kon umat-Ku, popisí in mosia binaradosa bo nonoḻikud kon i-Nakó. Mosia in noposumbadon in kuruban mita kon ilah mita ibanea, bo nomiadon kon patong mita poḷat sinumba monia.

YEREMIA 4:11

Wakutunea in moiangoibí intau in Yohuda bo intau in Yerusalem mokouḻí kon habar kon tompot mopatú nongkon padang gurun koyogotdon in mogirup mamagí kon i monia. Tompot tatua in deemanbí tompot biasamai inta tongá mopoḷayug in baḻeká,

YEREMIA 4:13

Indoiai, musung in moitukat ná goḷom. Kereta mita in parangnea in naonda bo deḷang, kabaḷonea mita in moḻika-ḻikat nongkon ḷagapan boniá. Ado, mobodito in kita! Moputú in kita!

YEREMIA 51:1

Ki Tuhan in noguman, “Popoangoi-Kubí in tompot pomoguyaat inta mogirup mopobayá in Babel bo kon intaunea mita.

YEHEZKIEL 5:8

Dá Akuoi, ki Tuhan Inta Totok in moḷantud, noponiata kon Akuoi in musungmu. Iko in hukumon-Kubí kon tayowon in bangusa mita ibanea.

HOSEA 13:15

Umpakabí Israel motomoman naonda bo bonok inta noḷumbá, táe Akuoi in mopoangoibí in tompot in pomukaan inta mopatú nongkon padang gurun. Tompot tatua in mogingkag kon bayongan in bokaká bo ḻimbuong mita, dá moinggamádon in bayongan inta koboḻi.

HABAKUK 1:11

Bo ná koḻikat in tompot nobuatdon in intau mita inta nopongata in ropotnea tontaní tatua.”