YEREMIA 39:3 - Alkitab Singog In Mongondow Masa In Tanaa

³ bo Yerusalem inagow. Dá bayongan in pojabat mita in datu in Babel namangoi bo minayá iḻimitú kon Bonawang Toyuak. Kon sigad monia tua oyúon in ki Nergal-Sarezer, Samgar Nebo, Sarsekim tongguḷu in tombonu in komaḻig, ki Nergal-Sarezer Rabmag bo porwira mita ibanea.

YEREMIA 39:3 ပူးပေါင်းရင်းမြစ်များ

DATU MITA 2 17:30

Intau in Babel nomia kon patong i Dewa Sukot-Benot, intau in Kuta nomia kon patong i Nergal, intau in Hamat patong i Asima,

YEREMIA 1:15

Akuoi in mopotabá kon bayongan in bangusa kon dotá in utuan mamangoi mongawasa kon Yerusalem. Dinding mita in kotá tanaa takin ḷoḻingkop in bonawangnea bo bayongan in kotá kon Yohuda in agowonbí monia.

YEREMIA 21:4

nopotaau kon i Zedekia kon ki Tuhan, Allah in Israel, noguman nanaa, “Zedekia, Akuoi in monaḷowbí kon tontaramu inta tanaa koyogot in noparang nonayow kon i datu in Babel takin tontaranea. Pakakat mita in parang in tontaramu in sipunon-Ku kon yua-yuak in kotá.

YEREMIA 38:17

Bo akuoi in noguman kon i Zedekia kon ki Tuhan Inta Totok in mokawasa, ki Allah inta sinumba in intau in Israel, noguman nanaa, “Aka iko tumungkud kon pojabat mita i datu in Babel, iko in diábí ḻimodon, bo kotá tanaa in diábí doman turubon. Iko takin motoḷuadímu in mosaḷamatbí.

YEREMIA 39:13

Dá ki Nebuzaradan takin doyowa in porwira moḷantudnea, ki Nebusyazban bo ki Nergal-Sarezer takin bayongan in porwira in Babel ibanea,

YEHEZKIEL 26:10

Kabaḷo mita monia in totuu mobayong, dá goḷopak in bayáannea mopoḷayug in ḷobud bo momumbun kon inimu. Singog dowawá in tontara tumotakoi kon kabaḷo inta nogugut kon kereta pinodatogan kon tongkaaḷ bo kereta in parang in mokogugur kon dindingmu mita kon dodai in mosia tumaḻib kon bonawang mita tumuot kon kotá inta nobaḻídon apug tua.