YEREMIA 38:23 - Alkitab Singog In Mongondow Masa In Tanaa

²³ Akuoi in noguman doman, “Bayongan in adí bo buḷoi i Tuang datu in diaanbí doman ḷumuai bo ogoi kon intau in Babel. Ki Tuang doman tontaní in diábí moisimparut kon i monia. Ki Tuang datu in domokonbí i datu in Babel, bo kotá tanaa in payongonbí.”

YEREMIA 38:23 ပူးပေါင်းရင်းမြစ်များ

DATU MITA 2 25:7

Ki adínea mita in iḻimod kon tayowonnea. Nopaḷut mako kon tua ki Zedekia in sinurak doman kon mata, bo inumantungan poḷat dinia kon Babel.

YEREMIA 21:10

Akuoi in nonantúdon kon morimumud kon kotá tanaa, bo diábí motabi kon inia. Kotá tanaa in ogoibí kon i datu in Babel; turubonneabí modapot in mopayong komintan. Akuoi, ki Tuhan, ain nosingog.”

YEREMIA 32:4

bo ki Datu Zedekia in diábí mokoḷagui. Sia in ogoibí kon i datu in Babel, bo tumayow kon i datu tatua poḷat mongonguman tontaní takinnea.

YEREMIA 34:3

Iko in diábí mokoḷagui, táe domokonbí bo ogoi kon inia. Iko in moyodungkuḷbí bo mongonguman takinnea, bo iko in mayá in Babel.

YEREMIA 37:8

Bo intau in Babel in mobui mangoi bo monubu kon kotá tanaa, poḷat monaḷow bo monurub.

YEREMIA 38:18

Táe aka iko doí tumungkud, yo kotá tanaa in moḷabú kon ḻima in intau in Babel. Turubonbí monia modait, bo iko in diábí mokoḷagui.”

YEREMIA 38:24

Bo ki Zedekia in noguman, “Dika potaau kon i ineka in onu inta inouman naton naa, sinbá nyawamu in diá gamáan monia.

YEREMIA 39:5

Táe dinuduran in tontara in Babel in mosia bo nodomok kon i Zedekia kon ḷopá in Yerikho. Onda intua sia in dinia kon i Datu Nebukadnezar kon kotá in Ribla kon daerah in Hamat, bo pinopoḷabúan in hukuman minatoi.

YEREMIA 39:6

Kon kotá doman tatua ki adínea mita in iḻimod kon tayowonnea, bo bayongan in pojabat in pomarenta in Yohuda in iḻimod doman.

YEREMIA 41:10

Onda intua ki Ismael in nodomok kon adí mita bobay i datu bo bayongan in intau mita inta oyúonpa kon Mizpa inta ain inogoi i Nebuzaradan kon bonu in kawasa i Gedalya. Dinakop i Ismael in mosia bodongka nobuat minayá takin i monia nopobayá ná butá in Amon.

YEREMIA 6:12

Baḷoi monia in ogoibí kon intau ibanea, natua doman in gobá bo buḷoi bobay mita monia. Intau mita kon butá tanaa in hukumon-Ku.

YEHEZKIEL 14:9

Aka nabi tobatú bo inuboḷandon dá nobogoidon in tubag noitaḷá, yo Akuoibí in inta ain nonguboḷ kon inia. Akuoi ki Tuhan Inta Totok in moḷantud in nopoyayúdon kon inia nongkon intau mita in Israel.

YEHEZKIEL 17:15

Táe datu in Yohuda nomarontak bo poḷat nopotabá in totabá minayá in Mesir sinbá mokouḻí kon kabaḷo bo tontara mobayong. Degá kodapotannea intua? Degá pomayá mako in sia mosaḷamat? Diábí doman sia inta nonoḻikud kon dodandian bo diá popoḷabúan in hukuman!

YEHEZKIEL 43:3

Oontongon tatua in notongkai in inta inontongku kon dodai in ki Allah namangoi sin morimumud kon Yerusalem, bo ná inta inontongku kon Ongkag in Kebar. Bo inumumpag in akuoi bo nosundud.