YEREMIA 38:1 - Alkitab Singog In Mongondow Masa In Tanaa

^1-3 Ki Tuhan in nopotabá kon inakó nopotaau in koyow tanaa kon rayat, “Kotá tanaa in ogoi-Ku kon tontara in Babel, bo mosia in monaḷowbí. Ki ine in mogutun kon bonu in kotá in matoibí kon bonu in parang, andeka matoi in gogoy andeka matoi in yampoi in takit. Táe ki ine in ḷumuai bo mobogoi in awak monia kon intau in Babel, yo diábí ḻimodon; nyawanea in mosaḷamatbí.” Ki Sepaca ki adí i Matan, ki Gedalya ki adí i Pasyhur, ki Yukhal ki adí i Selemya, bo ki Pasyhur ki adí i Malkia in nokodongog doman kon bayongan inta pinoguman-Ku tua.

YEREMIA 38:1 ပူးပေါင်းရင်းမြစ်များ

TAWARIKH 1 6:40

ki Mikhael, ki Baaseya, ki Malkia,

EZRA 2:3

Inanakan i Paros – 2.172 i Sepaca – 372 i Arah – 775 i Pahat-Moab (buí i Yesua bo i Yoab) – 2.812 i Elam – 1.254 i Zatu – 945 i Zakai – 760 i Bani – 642 i Bebai – 623 i Azgad – 1.222 i Adonikam – 666 i Bigwai – 2.056 i Adin – 454 i Ater (dinonoi doman ki Hizkia) – 98 i Bezai – 323 i Yora – 112 i Hasum – 223 i Gibar – 95

NEHEMIA 11:12

Kobayongnea in 822 in imang mita inta nopobayá in oaidan monia kon Baḷoi Tuhan. Ki Adaya ki adí i Yeroham, ki ompu i Pelalya. Tongonumai in kon sigad in mogoguyang monia in naa: ki Amzi, ki Zakharia, ki Pasyhur bo ki Malkia.

YEREMIA 25:2

Akuoi in noguman kon bayongan in bangusa in Yohuda bo intau inta nogutun kon Yerusalem,

YEREMIA 39:17

Táe Akuoi, ki Tuhan, in moḷukadbí kon inimu. Iko in diábí ogoi kon intau mita inta kinoondokmu.

OUMAN IN RASUL MITA 5:28

Kainia, “Aindon ilarang totok nami in moiko sinbá diádon mayá bo mopotaa-taau mako in tangoi intau tatua. Táe tanaa indoiaika, onu in inaidan monimu! Moiko in minaya-mayábí doman mako bo nopohabar in soaḷ intau tatua kon bayongan butá in Yerusalem bo moguman doman kon kamibí naa in nokopopisí kon kinopatoian-Nea.”