YEREMIA 32:4 - Alkitab Singog In Mongondow Masa In Tanaa

⁴ bo ki Datu Zedekia in diábí mokoḷagui. Sia in ogoibí kon i datu in Babel, bo tumayow kon i datu tatua poḷat mongonguman tontaní takinnea.

YEREMIA 32:4 ပူးပေါင်းရင်းမြစ်များ

YEREMIA 21:7

Iko bo pogawaimu mita takin intau mita inta noisimparut kon parang, gogoy bo yampoi in takit, komintan pomayá-Ku mako in domokon i Datu Nebukadnezar bo in musung mita inta moibog moḻimod kon inimu. Ki Nebukadnezar in moḻimodbí kon i monimu komintan takin diá in ampung bo diá in tabi. Akuoi, ki Tuhan, ain nosingog.”

YEREMIA 25:35

Moiko in notantú bidon kon diá mokoḷagui.

YEREMIA 34:21

Ki Zedekia datu in Yohuda bo pojabat mita in pomarentaanea in ogoi-Ku kon intau mita inta moibog moḻimod kon i monia. Ogoi-Kubí in mosia kon tontara in Babel, inta tanaa mako ain nonaḷámai kon i monimu.

YEREMIA 34:3

Iko in diábí mokoḷagui, táe domokonbí bo ogoi kon inia. Iko in moyodungkuḷbí bo mongonguman takinnea, bo iko in mayá in Babel.

YEREMIA 37:17

Onda intua ki Datu Zedekia nopotabá kon intau sin modia kon inakó pobayá in komaḻig kon inia. Kon tua inumuni uni in sia noḻibó kon inakó mongo oyúon in koyow nongkon i Tuhan. “Oyúon,” tubagku. Bo akuoi in noguman, “Ki Tuang datu in ogoi kon i datu in Babel.”

YEREMIA 38:18

Táe aka iko doí tumungkud, yo kotá tanaa in moḷabú kon ḻima in intau in Babel. Turubonbí monia modait, bo iko in diábí mokoḷagui.”

YEREMIA 38:23

Akuoi in noguman doman, “Bayongan in adí bo buḷoi i Tuang datu in diaanbí doman ḷumuai bo ogoi kon intau in Babel. Ki Tuang doman tontaní in diábí moisimparut kon i monia. Ki Tuang datu in domokonbí i datu in Babel, bo kotá tanaa in payongonbí.”