YEREMIA 30:3 - Alkitab Singog In Mongondow Masa In Tanaa

³ Sin moiangoibí in wakutunea Akuoi mopoguḻit bui in kaadaan in umat-Ku Israel bo Yohuda. Diaan-Kubí bui in mosia mayá in butá inta ain inogoi-Ku kon mogoguyang monia. Butá tatua in buibí mouḻí monia. Akuoi, ki Tuhan, ain nosingog.”

YEREMIA 30:3 ပူးပေါင်းရင်းမြစ်များ

EZRA 3:1

Kon buḷan impitunea, intau mita in Israel nogutundon notantú kon kotánea-kotánea. Kon singgai imitánea buḷan tatua mosia in noyosipun kon Yerusalem,

EZRA 3:12

Nobayong in kon sigad in imang mita, intau mita in Lewi bo tongguḷu mita in inanakan inta ain nogoguyang in nokoimontandon nokoontong kon Baḷoi Tuhan inta muna. Naonda in mosia nokoontong kon pinogukatan kon pondasi in Baḷoi Tuhan tanaa, nongombaḷdon totok in mosia. Táe intau mita ibanea inta kon tua in nonggoḷokap sin noḷunganga in gina,

EZRA 3:8

Dá kon buḷan induanea, kon taong nogindua naonda in intau in Israel nobui kon Yerusalem, nomangkoidon in mosia noposindog bui in Baḷoi Tuhan. Ki Zerubabel, ki Yesua, bo topobayat monia tobangusa, imang mita, intau in Lewi, impoḷok mako in singog, komintan intau inta nokoimontandon iḷumbú, sinumakin nogaid. Intau mita in Lewi inta umur 20 notaong bo namonik sinundú pinoki indoian in oaidan kon poposindogan in Baḷoi Tuhan.

MAZMUR 126:4

O Tuhan, poguḻídon in kaadaan nami, naonda bo ongkag noingkag bo buidon oyúon in tubig kon tungkuḷ in uagat.

MAZMUR 53:6

Intau moraat in totokbí in angoian in ondok, bokaka diábí in mokoondok, sin ki Allah in moporaritbí in tuḷan in intau inta nongopung kon i monimu; mosia in kinodoídon i Allah, dá taḷowonbí monimu in mosia.

YEREMIA 16:15

táe podoyon bidon kon i-Nakó, Allah inta nobiag, inta nodia kon umat in Israel iḻumuai nongkon butá tobatú kon utuan bo nongkon bayongan in butá ibanea inta pinoporaritan-Ku kon i monia. Mosia in diaan-Kubí mobui kon butá monia, butá inta ain inogoi-Ku kon mogoguyang monia.”

YEREMIA 23:5

Ki Tuhan in noguman, “Moiangoibí in wakutunea, Akuoi in moduí kon datu tobatú inta moadil nongkon buí i Daud. Datu tatua in momarenta takin bijaksana, bo mogaid kon onu inta moadil bo inta totuu kon sinangkub in butá.

YEREMIA 27:11

Táe bangusa inta moibog mokiompu bo moibog mobaḻí ata i datu in Babel in pomayá-Kudon mako in mogutun kon butánea tontaní, bo monompinomuḷa kon tua, Akuoi, ki Tuhan ain nosingog.”

YEREMIA 29:10

Ki Tuhan in noguman, ‘Aka motompodon in wakutu pitu nopuḷú notaong kon Babel, yo bui-Ku in moiko indoian, bo mogintompod kon dandi-Ku modia kon i monimu mobui kon tampat tanaa.

YEREMIA 29:14

Totuu, moiko in mokodungkuḷbí kon i-Nakó. Moiko in sipunon-Kubí nongkon yuak in bayongan bangusa bo nongkon bayongan in butá inta pinoporaritan bo pinoḷumbúan. Moiko in diaan-Kubí bui kon butámu tanaa bo monompia bui kon kobiaganmu. Akuoi, ki Tuhan, ain nosingog.’

YEREMIA 3:18

Israel in dumugangdon kon Yohuda, bo moyotakindon mamangoi nongkon butá pinoḷumbúan kon dotá in utuan. Mosia in mobuidon kon butá inta ain inogoi-Ku nobaḻí butá kapunyaan kon mogoguyangmu.”

YEREMIA 30:10

Umat-Ku Israel, dikadon moondok! Mogogundoi-Ku Yakub, dika mourot! Moiko bo buímu in posaḷamaton-Kubí nongkon butá moyayú, tampat pinodakopan kon i monimu. Moiko in mobuibí bo mogutun kon butámu takin moaman. Moiko in mobiagbí motomoman; diá bidon in koondok monimu.

YEREMIA 30:18

Ki Tuhan in noguman doman bui: “Moiko, umat-Ku in totabion-Kubí bo poguḻiton-Ku bui in kaadaanmu kon butámu tontaní Yerusalem in posindogonbí bui, bo komaḻignea in tompiaan.

YEREMIA 30:4

Ki Tuhan in noguman kon umat in Israel bo Yohuda,

YEREMIA 31:16

Gogaiai in ombaḷmu bo paḻitai in ḷuámu! Diábí doman inta diá in mangaḻenea in inta iḷongasimu kon i adímu mita. Kon inimu oyúonbí in tontuḻínea, ki adímu mita in mobui nongkon butá in musung.

YEREMIA 31:23

Ki Tuhan Inta Totok in mokawasa, Allah in Israel in noguman, “Aka umat-Ku binaḻí-Kudon ponango-nangoian ná dungkuḷmai, dá kon butá in Yohuda bo kon ḻipúnea mita yo kodongogandon bui intau in moguman, ‘Igumon mako ki Tuhan in momarakat kon tombuḷud motusi kon Yerusalem tampat pogutunan inta ain sinantú kon i-Nia.’

YEREMIA 31:27

Akuoi, ki Tuhan, in noguman kon moiangoibí in wakutunea butá in Israel bo Yohuda puḻingan-Ku in intau bo bobiagon.

YEREMIA 31:31

Ki Tuhan in noguman, “Moiangoibí in wakutunea Akuoi momia kon dodandian mobagu takin umat in Israel bo Yohuda.

YEREMIA 31:38

Ki Tuhan in noguman, “Moiangoibí in wakutunea bayongan in Yerusalem posindogon bui saḷaku kotá-Ku, nongkon Ḷangkeang in Hananeel modapot in Bonawang Sikunea.

YEREMIA 32:37

Akuoi in mosipunbí kon bangusa tanaa nongkon bayongan butá tampat pinoporaritan-Ku kon i monia popisí in torú-Ku bo rogi-Ku kon i monia. Mosia in diaan-Kubí bui kon tampat tanaa bo ogoi-Kudon mogutun kon naa takin moaman.

YEREMIA 32:44

Surat totaḷuiannea in tekengonbí, bo kompitan in segel, bo irigonan in sakusi mita. Tua in mobaḻíbí kon butá in Benyamin, kon ḻipú mita kon diugmai in Yerusalem, kon kotá mita in Yohuda, kon kotá mita kon butá mita kon buḷud, kon butá kon siḻigonmai in buḷud, bo kon Yohuda toḷatan. Bangusa tanaa in tompiaan-Kubí bui in kaadaannea kon butá tanaa. Akuoi, ki Tuhan, ain nosingog.”

YEREMIA 33:26

natua doman in Akuoi in tantú mokadai kon dodandian-Ku takin buí i Yakub bo takin in mogogundoi-Ku ki Daud. Intau tobatú nongkon buí i Daud in piḻíon-Ku momarenta kon buí i Abraham, i Ishak, bo i Yakub. Akuoi in monotabibí kon umat-Ku, bo mopobaḻí kon i monia mooyúon bui.”

YEREMIA 51:60

Bayongan in bodito inta moiantug kon Babel bo soaḷ mita ibanea kon butá tatua ain pinaisku kon ḻitodan in buk.

YEHEZKIEL 20:42

Aka moiko bo diaan-Kudon mobui kon butá in Israel, butá inta pinodandi-Ku kon mogoguyangmu, yo kotaauandon monimu kon Akuoibí in ki Tuhan.

YEHEZKIEL 34:13

Poḷuaion-Kudon in mosia nongkon yua-yuak in bangusa mita bo nongkon butá mita in intau, bo sipunon-Ku pobayá in butánea tontaní. Mosia in ḷukadan-Ku bo pokaanon kon buḷud mita bo kon ḷopá mita in Israel bo diaan-Ku in mosia kon rawang mita in bonok inta moodom.

YEHEZKIEL 36:24

Nongkon batúan in bangusa bo butá, moiko in sipunon-Kubí bo popobui-Ku kon butá monimu tontaní.

YEHEZKIEL 47:14

Akuoi in nongibotdon kon butá tatua in ogoi-Kudon kon mogoguyangmu. Tuamai in gamádon in butá tatua bo silaidon koadilon kon sigad monimu.

YOËL 3:1

Ki Tuhan in noguman, “Kon singgai tatua Yerusalem bo Yohuda in poguḻiton-Ku in kobiagannea motompia.

ZEPANYA 2:7

Intau in Yohuda inta mokoḷagui, in mogutunbí kon butámu tatua. Mosia in momiagbí kon bobiagon kon butá tatua, bo kon dodai in doḷom mosia in mosiugbí kon baḷoi mita in intau in Askelon. Sin ki Tuhan, Allah monia in moḷukadbí bui kon i monia bo mopobaḻí bui kon i monia motomoman.

ZEPANYA 3:20

Moiangoibí in orasnea, intaumu inta noirarit in kapiton-Ku mobui. Moiko in baḻíon-Kudon ponango-nangoian kon sinangkub in butá, bo kototomomanmu in poguḻiton-Kudon bui.” Ki Tuhan in nosingogdon.

LUKAS 17:22

Ki Yesus in noguman kon murí-Nea mita nanaa, “Moiangoibí in wakutunea, moiko in moibog moindoi kon tobatú singgai nongkon singgai mita i Adí Intau tatua, táe moiko in diábí mokoontong.

LUKAS 19:43

Sin moiangoibí in wakutunea saturumu mamangoi moḻipung kon inimu takin ropot monia. Kopungon bo sisíon monia in moiko nongkon bayongan tampat.

LUKAS 21:6

“Oyúonbí in wakutunea porumbunan kon onu inta inontong monimu tanion; diábí in tobatúmai batu in pomayápa mako in moiguntuḷ motompia kon tampatnea inta muna!”

ULANGAN 30:3

dá ki Tuhan Allahmu in monotabibí kon i monimu. Moiko in diaan-Neabí bui nongkon bangusa mita inta pinoporangkapan kon i monimu, bo bui ogoian in kobiagan motompia.

ULANGAN 30:5

Dá buidon mouḻí monimu in butá inta koḻipod pinogutunan in mogoguyangmu. Bo moiko in baḻíondon mobiag totok motompia, bo baḻíon-Neadon in moiko mobayong moiḻiu kon kobayong in mogoguyangmu.

IBRANI 8:8

Lantaran kinouḻíandon i Allah kon taḷá in umat-Nea, sahingga noguman in Sia nanaa: “Pokotorop, pokotorop, moiangoibí in wakutunea, Akuoi in mogaid kon dodandian mobagu takin bangusa Israel, bo takin bangusa Yohuda.