YEREMIA 3:6 - Alkitab Singog In Mongondow Masa In Tanaa

⁶ Kon tungkuḷ in pinomarentaan i Datu Yosia, ki Tuhan in noguman nanaa kon inakó, “Inontongmudon degá in onu inta inaidan in Israel, bobay inta diá motoindudui tatua? Sia in nonaḷámai kon i-Nakó bo sinumundaḷ kon bayongan tudu in buḷud inta moḷantud bo kon siungon in bayongan pangkoi in kayu inta mobambar.

YEREMIA 3:6 ပူးပေါင်းရင်းမြစ်များ

DATU MITA IMITÁNEA 14:23

Kon tudu mita in buḷud bo kon siungon in pangkoi mita in kayu inta moḷoben, noposindog in mosia kon tampat mita pososumbaan kon berhala, bo noposindog in tugu mita bo patong mita i dewi Asyera sin sumbáan.

TAWARIKH 2 34:1

Ki Yosia umur waḷu notaong kon dodai in sia nobaḻí datu kon Yohuda, bo sia in nomarenta kon Yerusalem toḷu nopuḷú bo mita notaong in koonggotnea.

MAZMUR 106:39

Popisí in aid mita monia tatua dá mosia in nonajisdon, bo diá notoḷutui kon i Allah.

YESAYA 57:3

Táe moiko inanakan mogogaid kon dosa, angoidon sin adilon! Moiko in diábí noiḻiu kon mososihir, intau inta moibog monuaḻing bo mopopotaḷui in awak!

YESAYA 57:7

Moiko in mayá kon tudu mita in buḷud sin moposumba in kuruban bo mopoorop in ibog in awakmu.

YEREMIA 1:2

Ki Tuhan in nosingog kon i Yeremia kon taong impuḷú bo toḷúnea kon pinomarentaan i Yosia ki adí i Amon datu in Yohuda.

YEREMIA 11:10

Mosia in nogaidon kon dosa inta pinomia in mogoguyang monia inta doí motoindudui kon i-Nakó, Mosia in nosumba kon ilah mita ibanea bo doí dumudui kon parenta-Ku. Pinomayá Israel andeka Yohuda iḻimimpatdon kon dodandian inta ain pinomia-Ku takin mogoguyang monia.

YEREMIA 17:2

Intaumu mita in moibada kon mezbah mita bo kon oigi mita in berhala inta ain pinosindog kon i Dewi Asyera kon pomuḷoi in pangkoi in kayu inta mobambar, kon tudu mita in tombuḷudnea,

YEREMIA 31:22

Modapot in toonu moḻia-ḻiaw in ginamu, ei bangusa inta diá motoindudui kon i-Nakó? Akuoi in nomaḻídon kon inta mobagu kon dunia, tobatú inta diá notombuḷoi – naonda bo bobay diá motombuḷoi in moḷukad kon ḷoḷaki.”

YEREMIA 5:11

Umat in Israel bo Yohuda in totu-totuudon ain nomaḻidawan kon i-Nakó. Akuoi, ki Tuhan, ain nosingog.”

YEREMIA 7:24

Táe mosia in doíbí mokidongog bo doí monondudut. Mosia in tongábí dinumudui kon ibog in gina monia tontaní inta motogat bo moraat tua. Mosia in deemanbí nobaḻí mopia táe nodugangbí moraat.

YEHEZKIEL 16:31

Kon rawang in kotá bo kon pomuḷoi in daḷan pinoposindoganmu in tampat mita pososumbaan kon berhala bo sumundaḷ. Táe iko in deemanbí ná sundaḷ biasamai inta moparaḷu kon doit.

YEHEZKIEL 16:35

Ei Yerusalem, sundaḷ, indongogai onu in pinoguman i Tuhan Inta Totok in moḷantud, “Iko in noḷongkutdon kon ḷambungmu, bo saḷaku sundaḷ inogoimudon in awakmu kon inta kinoibogmu mita bo kon berhalamu mita inta mokorongó tua. Ki adímu mita iḻimodmu bo pinokurubanmu kon berhala mita tatua.

YEHEZKIEL 20:28

Dinia-Ku in mosia minayá in butá inta ain pinodandi-Ku kon i monia. Kon tungkuḷ in mosia nokoontong kon tombuḷud mita inta moḷantud bo pangkoi mita in kayu inta mobambar, mosia in mobogoi in sosumba kon tampat mita tatua. Mosia in nokopomuká kon torú-Ku popisí in kuruban mita payongon bo sosumba mita anggur monia.

YEHEZKIEL 23:11

Ki Oholiba, ki ai-ainea in nokoontongdon kon onu inta nobaḻí tatua, táe ibognea in moḷobe-ḷoben nongkon i Ohola in mogaid kon totuaḻingan.

YEHEZKIEL 23:4

Guya-guyang ki Ohola in tangoinea, sia in nobaḻí lambang in Samaria. Ki ai-ainea in ki Oholiba in tangoinea; sia in nobaḻí lambang kon Yerusalem. Akuoi in notonibuḷoi i nayadua tua bo nokouḻí kon adí kon inayadua.

HOSEA 11:7

bo tumontogat kon monaḷámai kon i-Nakó. Dá mosia in kodorotanbí, táe diábí in mopoḷuat kon i monia umpakabí mosia momaḷú mokituḷung.”

HOSEA 4:13

Kon tampat mita pososumbaan kon berhala inta kon tudu mita in tombuḷud bo buḷud, moiko in moposumba in kuruban, bo motubá kon kamania kon siungon in pangkoi mita in kayu moḷoben inta nongobambar kon tua sin tampat tatua in nooḷom. Táe onu in bungainea? Mongodeagamu mita nobaḻí sundaḷ bo mototakamu mita bobay in nokituaḻing!

HAKIM MITA 2:17

Táe diábí indoianmai monia in itoi mita tatua. Mosia in umuranbí nosumba kon ilah mita ibanea, bo diá doman mosatia kon i Tuhan. Mosia in diábí dinumudui kon oaid mopia in mogoguyang monia inta mongotoḷutui kon parenta mita i Tuhan.