YEREMIA 3:5 - Alkitab Singog In Mongondow Masa In Tanaa

⁵ Iko in noguman doman kon Akuoi in diábí umuran tumorú kon inimu. Tuata inta siningogmu, ei Israel, táe kon dodai doman intua aidanmu doman in bayongan inta moraat inta motaau aidanmu.”

YEREMIA 3:5 ပူးပေါင်းရင်းမြစ်များ

TAWARIKH 2 29:10

Tanaa in moibog in akuoi momia kon dodandian takin i Tuhan, Allah in Israel, sinbá diádon in Sia tumorú kon inaton.

MAZMUR 85:5

Tompiadon bui in kami, o Allah mopoposaḷamat nami, dikadon tumorú kon inami.

MAZMUR 85:6

Modapot degá in mononoi Iko in tumorú kon inami, bo umuran tumorú modapot in adí bo ompu?

YESAYA 57:16

Diábí modapot in mononoi Akuoi in mopotaḷá kon umat-Ku, diábí mononoi in tumorú in Akuoi, sinbá mosia in diá kobuḻian in ibog, bokaka Akuoibí in inta nomiag kon i monia.

YESAYA 64:9

Dá dikadon tumorú totok, kaasí Tuhan, dikadon monoro-norop kon dosa nami; indoiaidon kaasí in kami naa umat-Mu.

YEREMIA 3:12

Ki Tuhan in nopotabá kon inakó mayá sin mopotaau in naa kon Israel: “Ei Israel inta diá mosatia, pobuidon mangoi kon i-Nakó! Akuoi in totokbí in motabi bo diábí mononoi in torú-Ku kon i monimu.

YEREMIA 8:5

Táe nongonu sin moiko, umat-Ku in umuranbí monoḻikud bo monaḷámai kon i-Nakó? Moiko in rimigonbí in kumadai kon berhalamu, bo doí mobui mangoi kon i-Nakó!

YEREMIA 8:6

Inindongogan-Kudon kinopia, táe moiko in diábí nosingog noitutui. Diábí tobatúmai in kon sigad monimu in nomanasaḷ sin nogaidon kon inta moraat. Diábí in moguman, ‘Onu in taḷáku?’ Moiko komintan in dinumudui kon daḷanmu tontaní naonda bo kabaḷo nonubu kon pinoparangan.

YEHEZKIEL 22:6

Bayongan in itoi in Israel mopongata in ropotnea tontaní bo moḻimod.

MIKHA 2:1

Moboditodon in intau mita inta monomayá kon inta moraat kon dodai in mosiug mako kon tosiugan kon tungkuḷ in doḷom, bo mogaid kon tua kon dodai in doḷo-doḷom popisí in oyúon in ropot monia mogaid kon tua.

MIKHA 7:3

Komintandon mopandoi in mogaid kon inta moraat. Pojabat bo hakim moigum kon doit pompon in bibig, bo tongguḷu in intau mobayong in momakisadon kon koibognea, natuata in yopopog monia moyotakin.