YEREMIA 3:3 - Alkitab Singog In Mongondow Masa In Tanaa

³ Tuamai in tubig nongkon ḷangit diá moḷabú, bo uyan kon sempo in pononubú diá doman moiango-angoi. Iko in naonda bo bobay sundaḷ, bo diá kotoguoyá.

YEREMIA 3:3 ပူးပေါင်းရင်းမြစ်များ

KINOBAḺIAN 19:34

Nopoikoḷomai kon singgai, ki adínea guya-guyang noguman kon i ai-ainea, “Kogobíi akuoi ain nosiug takin i amá! Bain doḷom bo poinumon bui naton in ki amá dapot in moḷoḷangu bui. Bodongka iko mosiug takinnea. Bá kitada in tumpaḷadon mokouḻí kon adí.”

NEHEMIA 9:17

Mosia in diá motoindudui, bayongan in kopopia-Mu iḻiongdon, bo bayongan in oaid-Mu inta mokoherang diádon kinotoropan monia. Takin kaḷakuang nomiḻí in mosia kon itoi, sin modia kon i monia mayá in Mesir, bui mobaḻí ata. Táe Iko in ki Allahbí inta moibog mongampung, mosabar, mopia in gina bo nopuḻing in tabi. Tabi-Mu in diábí in poḻiuan; Diábí sinaḷáan-Mu in mosia.

AMSAL 21:29

Intau motuḻid in moyakinbí kon awaknea; intau moraat in diá kooyá.

YESAYA 5:6

Pomayá-Kubí mako in sia in kobiagan in bonok. Pangkoi in anggurnea diábí rapadan-Ku, bo diábí tuyangan-Ku. Modapotbí in pomayá-Ku mako kokoḷoban in mainggoa bo bonok, nodapot in goḷom mita diá ogoi-Ku mopoḷabú in uyan kon tudunea.”

YEREMIA 14:1

Ki Tuhan in nopotaau kon inakó kon pononinggai inta moonggot,

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

YEREMIA 14:3

Bobantung mita in intau nooyúon pinoki tayakan magí mako in tubig; mosia in minayá noindoi kon bayongan in parigí táe tubig in nodaitdon komintan. Diádon in bonu in kendi inta dinia bui mangoi monia. Takin ḻia-ḻiaw in gina bo kinobuḻian in kamang nooyá in mosia bo nomompon kon pogot.

YEREMIA 14:4

Uyan diá moḷabú bo butá in moingkag mopobota-botak; monononggobá mogoḻingoi kon pogot sin mogagawangdon totok.

YEREMIA 36:2

“Gamádon in ḻitodan in buk tobatú, bo paisdon kon tua in bayongan inta ain pinoguman kon inimu soaḷ Israel bo Yohuda, soaḷ bayongan in bangusa. Paisdon in bayongan tosingogon-Ku pinangkoi kon dungkuḷ totok Akuoi nosingog kon inimu kon tungkuḷ in pinomarentaan i Datu Yosia nodapot in singgai naa.

YEREMIA 5:24

Diábí kon dodai in onda in kinotoropan monimu in mohoromat kon i-Nakó, bokaka Akuoibí in inta nopoangoi in uyan, Akuoi doman in nobogoi kon inimu in sempo in posipunan kon boyó muḷoi in taong.

YEREMIA 5:25

Táe dosamu mita tatuata inta noḷamboi kon bayongan inta mopia tatua dá moiko in diá noikaan kon tua.

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

YEREMIA 6:15

Mustibí in mosia tua mooyá sin nogaidon kon bayongan inta mokooyá tua. Táe mosia tua in nobunodon in pogot bo diá kooyá. Tuamai in moḷabúbí in mosia ná intau ibanea; modaitdon in ouman monia aka Akuoi mohukum kon i monia. Akuoi, ki Tuhan, ain nosingog.”

YEREMIA 8:12

Ei umat-Ku, sabanarnea in mustibí in moiko mooyá sin nogaidon kon bayongan inta mokooyá tua! Táe moiko in mobunod in pogot bo diá kooyá. Tuamai in moḷabúbí in moiko ná intau ibanea inta ain noḷabú; mopopatdon in ouman kinobiaganmu aka hukumon-Kudon in moiko.

YEREMIA 9:12

Akuoi in noḻibó, “Tuhan, nongonu sin butá tanaa in pinomayábí mako in noḷogat bo noingkag naonda bo padang gurun nodapot in diádon in tumaḻib? Oyúon degá in mopandoi totok sinbá momangaḻe kon naa komintan? Ki ine in pinoginsilangan-Mu sinbá sia in mokopoyaput kon intau ibanea?”

YEHEZKIEL 3:7

Táe bangusa in Israel in doíbí mokidongog kon inimu, nodapot in Akuoi in diábí doman pinandungmai monia. Mosia komintan pamandot bo moibog momaḷawang.

IMAMAT 26:19

Moiko totuu mododia, táe potungkudon-Kubí in moiko. Diá bidon monguyan, dá butámu in moingkag bo motogat naonda bo uatoi.

AMOS 4:7

Diá pinoonag-Ku in uyan kon tungkuḷ in pinomuḷamu moparaḷudon kon tubig. Akuoi in nopoonag in uyan kon kotá tobatú bo diábí in kon kotá ibanea. Gobá tobatú in inonag in uyan, táe gobá ibanea in noingkag.

AMOS 4:8

Kon tongonumai in kotá, intaunea mita inta noḷungkoyódon popisí in morogang, motayak kon tubig kon kotá ibanea, táe tubig kon tua in diá tugat. Umpaka natua, moiko in diábí doman nobui mangoi kon i-Nakó.

ZEPANYA 2:1

Ei bangusa inta diá kooyá, kosadardon

ZEPANYA 3:5

Táe ki Tuhan in oyúonpabí in kon kotá tatua; Sia in umuranbí mopobayá in onu inta mobanar bo diábí kon dodai in onda in inta moitaḷá. Pomuḷoi in doḷo-doḷom notantúbí kon Sia in mobogoi in inta moadil kon umat-Nea. Táe, intau inta diá nonotaau in inta moadil kon kotá tatua in umuranbí mogaid kon inta moraat bo diábí in oya-oyá mako.

HAGAI 1:11

Pinopoangoi-Kudon in inta mokoingkag kon butá bo kon tombuḷud mita, kon gobá mita in gandum bo kon buḷud mita in anggur bo kon gobá mita in zaitun, bo kon bayongan in pinomuḷa kon butá tanaa, nodapot in kon bayongan in intau bo mahaḷuk takin bayongan yagi-yagi inta iramuji monimu.”

ULANGAN 28:23

Diádon monguyan bo butámu in tumogatdon ná uatoi.

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!