YEREMIA 3:2 - Alkitab Singog In Mongondow Masa In Tanaa

² Ḷangagka, kon tudu mita in buḷud! Tampat táonda inta diápa dodai in onda in inangoianmu sin sumundaḷ? Naonda bo intau in Arab kon padang gurun, natuata in iko ḻimitú kon bingkí in daḷan mogoḷat mako kon intau inta moibog mopogogitog kon totabian. Iko in moponajis in butá tanaa pongin tuaḻing bo aidmu inta moraat.

YEREMIA 3:2 ပူးပေါင်းရင်းမြစ်များ

KINOBAḺIAN 38:14

Dá sia in nomaḷui kon pakeangnea nobaḷu takin pakeang ibanea. Pogotnea inoḻingoiannea, bo minayá in sia iḻimitú kon ngara in kotá Enaim, inta noiukat kon daḷan mopobayá in Timna. Kinotaauan totok i Tamar kon ki Syela, ki adí i Yohuda inta muit tua ain noḷoben, táe sia in diápa doman pinotonibuḷoi takin tayowmobiag tatua.

DATU MITA IMITÁNEA 11:3

Pitu nogatut in adí bobay in intau moḷoben in pinobuḷoi i Salomo, bo toḷu nogatut in pahangnea. Ki buḷoinea mita tatuata inta nokopopisí kon i Salomo in nonoḻikud kon i Allah.

DATU MITA 2 23:13

Ná doman tua in mezbah mita kon dotá in pomukaan kon Yerusalem kon dotá in toḷatan Buḷud in Koraatan pinonajis. Mezbah mita tatua in pinosindog i Datu Salomo sin posumbaan kon dewa mita inta mokorongó – inta ki Asytoret dewi in bangusa in Sidon, Kamos dewa in bangusa in Moab, bo Milkom dewa in bangusa Amon.

MAZMUR 106:38

Mosia in nopobutak in dugú in intau diá kotaḷá, dugú i adí mita monia tontaní, sin pokuruban kon berhala mita; dá butá tatua in kinotor monia.

AMSAL 23:28

Mosia in moḷabot naonda bo mogogagow bo mokopopisí kon mobayong in ḷoḷaki monuaḻing.

YEREMIA 12:12

Nongkon ḷoḷan in padang gurun kon buḷud, intau mita mamangoi sin mogagow. Akuoi in nopoangoi in parang sin momoguyaat kon bayongan in ḻipú dá diádon tobatúmai in mobiag modame.

YEREMIA 2:20

Ki Tuhan in noguman, “Ain noonggot iko in doí mogundoi kon i-Nakó; doí dumudui andeka mosumba kon i-Nakó. Kon bayongan tudu in buḷud inta moḷantud, bo kon siungon in bayongan in pangkoi in kayu inta mobambar iko in mosumba kon dewa mita mopoḷumbá.

YEREMIA 2:23

Totuu mokobaḻí in iko in mosingog kon iko in diá moromú, bo Baal in diábí kon dodai in onda in dinuduianmu! Indoiai in dodiamu kon ḷopá, torop in aidmu moraat bo akudon! Iko in naonda bo unta kobaayan inta iḷanúan in ibog, moribatuk mamagí mamako diádon koḷamboian,

YEREMIA 2:7

Mayá in butá inta mopia inatod-Ku in mosia sin mokaan kon bungai mita in pinomuḷa bo bayongan in inta mopia kon tua. Táe kon tua butá-Ku in pinonajisdon monia bo kapunyaan-Ku in binaḻí monia mokorongó.

YEREMIA 3:1

Ki Tuhan in noguman, “Aka buḷoi bobay gaaton i buḷoinea ḷoḷaki, bo bobay tatua in mobaḻídon ki buḷoi in intau ibanea, dá ki buḷoinea dungkuḷ in diá bidon motaau mogamá bui kon inia mobaḻí buḷoi, sin aid natua in mokogoguyaatbí kon butá tanaa. Iko Israel, in nobayongdon totok in ki buḷoimu, umpaka yo tanaa iko in moibog bui mamangoi kon i-Nakó!

YEREMIA 3:13

Akudon kon iko in kotaḷá bo ain nomarontak kon i Tuhan, Allahmu. Akudon kon bayongan siungon in pangkoi in kayu inta mobambar iko in nobogoidon in tabimu kon ilah mita in bangusa ibanea, bo diá dinumudui kon parenta-Ku mita. Akuoi, ki Tuhan ain nosingog.”

YEREMIA 3:21

Kon tudu in buḷud mita kinodongogan in dowawá; tua in singog in umat in Israel inta nongombaḷ bo noigum totok, popisí in mosia ain binaradosa, bo nokoḻiongdon kon i Tuhan Allah monia.

YEREMIA 3:9

bo beresibí diá inagían in oyá. Sia in nonuaḻing popisí in nosumba kon batu bo pangkoi in kayu, dá butá tanaa in nobaḻídon nonajis.

YEREMIA 7:29

Ki Tuhan in noguman, “Uḻe intau in Yerusalem, pononogumatoidon! Pongkódon in buokmu bo ḷumbúdon! Podondongdon in dondong oamui kon tudu mita in buḷud, sin Akuoi, ki Tuhan, koyogot in sinumorú bo ain nondoí kon i monimu komintan.

YEHEZKIEL 16:16

Tongosilai in pakeangmu pinakému pinoḷambá kon tampat pososumbaanmu kon berhalamu. Iko in nobaḻí sundaḷ bo nobogoi in awakmu kon bayongan in ḷoḷaki.

YEHEZKIEL 20:28

Dinia-Ku in mosia minayá in butá inta ain pinodandi-Ku kon i monia. Kon tungkuḷ in mosia nokoontong kon tombuḷud mita inta moḷantud bo pangkoi mita in kayu inta mobambar, mosia in mobogoi in sosumba kon tampat mita tatua. Mosia in nokopomuká kon torú-Ku popisí in kuruban mita payongon bo sosumba mita anggur monia.

HOSEA 2:5

Ki inámu in sundaḷ diá kotoguoyá. Sia in noguman, ‘Akuoi in mayábí kon inta kinotabiku mita inta nobogoi kon inakó in kaanon bo inumon, wol bo kaeng linen, ḷana in zaitun bo anggur.’

LUKAS 16:23

Kon dunia in intau minatoi sia mororiga totok. Bo wakutu in sia iḷumangag nongkon tampatnea tatua, inontongnea in ki Abraham, bo ki Lazarus in iḻimitú doman mako kon diugneamai.

ULANGAN 12:2

Naonda in moiko tumuot kon butá tatua musti rimumudon monimu in tampat mita pososumbaan kon tudu in buḷud mita moḷantud, kon buḷud mita moompá bo kon kayu mita inta mongobambar, tampat pososumbaan in bangusa mita tatua kon ilah mita monia.