YEREMIA 27:4 - Alkitab Singog In Mongondow Masa In Tanaa

⁴ Akuoi in mustibí mopotaau kon i monia kon ki Tuhan Inta Totok in mokawasa, Allah in Israel, in noguman,

YEREMIA 27:4 ပူးပေါင်းရင်းမြစ်များ

IḶUAIAN 5:1

Onda intua ki Musa bo ki Harun minayá kon tayowon i datu in Mesir bo noguman, “Nanaa in parenta i Tuhan, ki Allah Israel, ‘Ogoiaidon in kasampatan bangusa-Ku mayá sinbá mosia in motaau moibada kon i-Nakó kon padang gurun.’ ”

YEREMIA 10:10

Táe Iko, Tuhan, Allah inta mobanar, Ki Allah in mobobogoi in kobiagan, datu mononoi. Aka Iko tumorú, modandú in dunia, aka Iko rumogi yo bangusa mita in diábí mokotongod. (

YEREMIA 10:16

Ki Allah i Yakub in diábí notongkai in berhala mita tatua; Sia in momomaḻí kon bayongan in yagi-yagi. Tangoi-Nea in ki Tuhan Inta Totok in mokawasa; Sia in nomiḻídon kon Israel nobaḻí umat-Nea.

YEREMIA 25:27

Bo ki Tuhan in noguman kon inakó, “Pogumandon kon intau mita tatua kon Akuoi, ki Tuhan Inta Totok in mokawasa, Allah in Israel, nopotabá kon i monia nonginum nodapot in noḷoḷangu bo nototuka. Binaḻí-Ku in mosia noḷabú bo diádon mokobangon bui popisí in parang inta popoangoi-Ku kon i monia.

YEREMIA 27:3

Sia in nopotabá doman kon inakó nopotaau in koyow-Nea kon i datu mita in Edom, Moab, Amon, Tirus bo Sidon, takin pinotonsigad kon totabá mita monia inta ain namangoi in Yerusalem sin mokipodungkuḷ kon i Datu Zedekia.

YEREMIA 27:5

“Pinongin kawasa-Ku inta moḷoben bo pinongin ropot-Ku binaḻí-Ku in dunia bo intau takin bayongan in mahaḷuk, bo tua in motaau-Kubí ogoi kon i ineka in koibog-Ku pobogoian.

YEREMIA 28:14

Ki Tuhan Inta Totok in mokawasa, Allah in Israel, in noguman kon Sia in mopopakébí in tombuḻigan uatoi kon sindun in bayongan bangusa tanaa, bo mosia in mobaḻíbí ata kon i Nebukadnezar, datu in Babel. Ki Tuhan in noguman doman kon mahaḷukpa moraat in ogoi-Neabí doman kon bonu in kawasa i Nebukadnezar.”

YEREMIA 51:19

Ki Allah i Yakub in diábí notongkai in berhala mita tatua; Sia in nomaḻí kon bayongan in yagi-yagi. Tangoi-Nea in ki Tuhan Inta totok in mokawasa; Sia in nomiḻídon kon Israel nobaḻí umat-Nea.