YEREMIA 27:3 - Alkitab Singog In Mongondow Masa In Tanaa

³ Sia in nopotabá doman kon inakó nopotaau in koyow-Nea kon i datu mita in Edom, Moab, Amon, Tirus bo Sidon, takin pinotonsigad kon totabá mita monia inta ain namangoi in Yerusalem sin mokipodungkuḷ kon i Datu Zedekia.

YEREMIA 27:3 ပူးပေါင်းရင်းမြစ်များ

TAWARIKH 2 36:13

Ki Datu Nebukadnezar in nomakisadon kon i Zedekia mongibot pinodoyon kon i Allah kon sia in mosatiabí kon i Nebukadnezar. Táe kon singgai noiduduimai ki Zedekia nomarontak kon i Nebukadnezar. Ki Zedekia in nopotontogat in gina kon i Tuhan, Allah in Israel. Doí in sia monaḷámai kon dosanea mita bo doídon mobui mangoi kon i Tuhan.

YESAYA 23:4

Ei kotá in Sidon, kahoromatanmu ain nobuḻi! Baḷangon inta modaḷom diádon akuonnea in iko, gumannea, “Akuoi in diápabí kon dodai in onda in nononggadí, diápa kon dodai in onda nomiag kon adí ḷoḷaki andeka bobay.”

YEREMIA 27:12

Kon i Zedekia datu in Yohuda, akuoi, ki Yeremia, nopotaau in natua doman. Akuoi in moguman, “Tungkudon kon i datu in Babel. Kotoḷutui kon inia bo kon bangusanea, sinbá mosaḷamat in ki Tuang Datu.

YEREMIA 27:4

Akuoi in mustibí mopotaau kon i monia kon ki Tuhan Inta Totok in mokawasa, Allah in Israel, in noguman,

YEREMIA 28:1

Kon taong doman tatua kon buḷan iḻimanea taong inggopatnea kon pinomarentaan i Datu Zedekia, ki Hananya ki adí i Azur, nabi tobatú nongkon kotá in Gibeon, nosingog kon inakó kon Baḷoi Tuhan. Kon tayowon in imang mita bo rayat sia in noguman kon inakó

YEHEZKIEL 29:18

“Ei intau ilo-ilow, ki Datu Nebukadnezar nongkon Babel in monububí kon Tirus. Sia in mopotabábí kon tontara mita momotaan kon dodiaan mita inta mobogat totok, modapot in uḷu monia in moḷogatdon bo motompaḻí in obaga monia, táe pinomayá datu andeka tontaranea diábí nokouḻí kon onu in sinayak onukabí in siniḷopían tua.

AMOS 1:9

Ki Tuhan in noguman, “Intau in Tirus ain nopobui-buimai in binaradosa, tuamai in notantú bidon kon hukumon-Ku in mosia. Mosia in nogakutdon nodait kon bangusa tobatú komintan pinobayá in pinoḷumbúan, bo nobogoi kon Edom; mosia in iḻimimpatdon kon dodandian yoyobayatan.