YEREMIA 26:8 - Alkitab Singog In Mongondow Masa In Tanaa

⁸ Noḻikat naonda in nopaḷut mako in akuoi nopotaau in bayongan koyow i Tuhan ná inta pinarenta-Nea, dinomok monia in akuoi poḷat nomaḷú “Iko in mustibí matoi!

YEREMIA 26:8 ပူးပေါင်းရင်းမြစ်များ

TAWARIKH 2 36:16

Táe mosia in nopoyambá in totabá mita i Allah tatua, bo kinosingan monia in nabi-Nea mita poḷat doman diá mopandungmai kon tosingogon-Nea mita. Imbuitnea ki Tuhan in sinumorúdon totok kon i monia dá diádon in daḷan ibanea kon i monia kon kotaḻiban in hukuman nongkon i-Nia.

YEREMIA 18:18

Intau in moguman, “Igai moyopopog in kita moḷawang kon i Yeremia. Deemanbí tongá sia in motaau mosingog kon i Allah. Umuranbí oyúon in imang inta motaau mobogoi in topotundú, oyúon in intau mobijaksana in motaau mobogoi in tonggina; bo oyúon in nabi in motaau mopotaau kon i naton in koyow mita nongkon i Allah. Igai pongaduon naton in sia kon pongadilan bo diádon mokidongog kon tosingogonnea mita.”

YEREMIA 18:23

Táe iko, Tuhan, nonotaau kon bayongan inta sinomayá monia sin moḻimod kon inakó. Tuamai, dika mongampung kon i monia; dika momopat kon taḷá monia. Bongkugdon in mosia modapot in moḷabú. Aidaidon kon i monia podudui in torú-Mu.”

YEREMIA 2:30

Diábí in mangaḻenea in pohukuman-Ku kon i monimu sin moiko in doíbí motarima kon toboḷow. Ná singa inta koyogot in tumorú, natuata in moiko moḻimod kon nabimu mita.

YEREMIA 32:3

i Datu Zedekia popisí in pinoponapudan kon nopotaaudon kon ki Tuhan in noguman nanaa, “Datu in Babel in pomayá-Kudon mako in mopotungkud bo mongawasa kon butá tanaa,

YEREMIA 43:1

Koyow in Tuhan Allah in Israel, inta musti potaauku kon rayat in nodaitkudon pinotaau.

AMOS 7:10

Ki Amazia, imang kon Betel, nokidia in lapuran tanaa kon i Yerobeam datu in Israel, “Ki Amos in koyogot noyopakat in rayat monayow kon i Tuang datu. Tosingogonnea mita inta monundud kon patú in rayat in mokopopisí kon butá tanaa in morimumud.

MATIUS 22:6

bo oyúon doman in nodomok kon bobantungnea mita bo pinogutú poḷat iḻimod.

MATIUS 27:20

Táe lantaran pinakisa saḷaḷu in imang mita itoi bo guhanga in ḻipú, dá intau mita kon tua nonantúdon kon mopoigum sinbá poḷuaiondon in ki Barabas bo ki Yesus in hukumon matoi.

OUMAN IN RASUL MITA 5:33

Nokodongogmai kon tua, totok in mosia sinumorú, dá ibogon monia ḻimodonbí in rasul mita tatua.

OUMAN IN RASUL MITA 7:52

Eta oyúon nabi in diá pinogutú in mogoguyangmu mita? Sinbá kotaauan monimu, nodait monia iḻimod in totabá mita i Allah koḻipod, inta namangoi sin mopotaau in koangoian in Simpaḷ i Allah inta totok in mobanar, inta aindon doman irupa-rupamai monimu poḷat iḻimod.

WAHYU 18:24

Babel ihukum sin kon bonu in kotá tatua kinokadapatandon dugú in nabi mita, dugú in umat i Allah, singogon mako kopoḷokon dugú in bayongan intau inta ain iḻimod kon dunia naa.