YEREMIA 26:4 - Alkitab Singog In Mongondow Masa In Tanaa

⁴ Ki Tuhan in nopotabá kon inakó moguman nanaa kon i monia, “Akuoi, ki Tuhan, ain nomarenta sinbá moiko in motoindudui kon i-Nakó bo mopobayá in hukum mita inta inogoi-Ku kon inimu.

YEREMIA 26:4 ပူးပေါင်းရင်းမြစ်များ

DATU MITA IMITÁNEA 9:6

Táe aka iko bo buímu monoḻikud kon i-Nakó bo diá motoindudui kon bayongan in hukum bo parenta-Ku poḷat doman in iko mosumba kon ilah mita ibanea,

YESAYA 1:20

Táe aka moiko moḷawang kon i-Nakó, moiko in matoibí kon poparangan. Akuoi, ki Tuhan, ain nosingog.”

YEREMIA 17:27

Bayongan intua in mobaḻíbí aka moiko motoḷutui kon i-Nakó bo mopotondí in Singgai in Sabat kon i-Nakó. Dika mogakut kon pakakat onuka bo tumaḻib kon bonawang mita in Yerusalem kon singgai tatua. Aka moiko ḻimimpat kon parenta-Ku mita tatua, bonawang mita in Yerusalem bo komaḻignea mita in daiton-Ku turubon tuḷú tatua in diábí kopiongan.’ ”

YEREMIA 22:5

Táe aka moiko bo diá dumudui kon parenta-Ku mita, dá ibotan-Ku kon komaḻig tanaa in mobaḻíbí apug. Akuoi, ki Tuhan, ain nosingog.

YEREMIA 32:23

Táe naonda in mosia namangoi in butá tanaa bo nogagow, mosia in diábí notoḷutui kon parenta-Mu mita, bo diá nobiag podudui in totundú-Mu mita. Bayongan inta pinarenta-Mu kon i monia diá tobatúmai in inaidan monia. Tuamai in pinopoangoi-Mu in bayongan bodito tanaa kon i monia.

YEREMIA 44:10

Táe dapot in singgai naa moiko in doíbí tumonsiup. Moiko in diábí mohoromat kon i-Nakó bo diá nobiag podudui in hukum inta inogoi-Ku kon inimu bo mogoguyangmu.

YEREMIA 7:14

Baḷoi-Ku inta pongata monimu, bo tampat inta inogoi-Ku kon mogoguyangmu bo kon inimu naa in pomiaan-Ku naonda bo Silo dungkuḷmai.

ULANGAN 11:32

moiko musti dumudui kon bayongan in hukum inta pinotaauku kon inimu singgai naa.”

ULANGAN 31:20

Mosia in diaan-Ku kon butá inta nooyúon bo mopia, ná inta pinodandi-Ku kon mogoguyang monia. Kon tua in mosia mobiag mosanang bo mokouḻí kon bayongan kaanon inta paraḷuon monia. Táe moiduduimai kon tua mosia in monoḻikudon bo mosumba kon ilah mita ibanea. Mosia in mondoídon kon i-Nakó bo monoḻikudon kon dodandian-Ku,

ULANGAN 4:44

Bo ki Musa nobogoi in hukum bo atorang mita i Allah kon bangusa Israel.

ULANGAN 4:8

Bo bangusabí moḷoben táonda in oyúon hukum mita inta námai tua in kooadil ná hukum mita inta sinundúku kon i monimu singgai naa?

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.