YEREMIA 22:8 - Alkitab Singog In Mongondow Masa In Tanaa

⁸ Mopaḷut mako kon tua mobayong in intau ango-angoi in tumaḻib kon tua bo mosiḻibóan mongo nongonu sin Akuoi, ki Tuhan, in nomia bidon kon natua kon kotá inta mogaga tatua.

YEREMIA 22:8 ပူးပေါင်းရင်းမြစ်များ

YEREMIA 16:10

Aka iko in mopotaau in naa komintan kon i monia, degá ḻibóon monia nongonu sin Akuoi in mohukumbí kon i monia námai tua in kobogatnea. Mosia in moḻibóbí onu in taḷá bo dosa monia kon i-Nakó, ki Tuhan Allah monia.

YEREMIA 40:2

Itoi in tontara tatua nogoiní kon inakó pinotontaní bo noguman, “Ki Tuhan Allahmu ain nonindoyó kon morimumud kon butá tanaa.

YEREMIA 40:3

Tanaa inaidan-Neadon intua, popisí in bangusamu ain binaradosa bo diá motoḷutui kon i-Nia.

OMBAḶ 4:12

Kon sigad in datu mita bo intau inta nogutun kon dunia diábí tobatúmai in mopirisaya kon bonawang mita in kotá in Yerusalem kinotuotandon in musung.

YEHEZKIEL 12:16

Tongosilai moyakag kon i monia in posaḷamaton-Ku nongkon parang, nongkon malarat in kaanon, bo nongkon yampoi in takit, sinbá kon yua-yuak in bangusa mita ibanea tatua yo mosia in monotaaudon kon mosia in nogaidon kon inta totok in moromú. Dá akuondon monia kon Akuoibí in ki Tuhan.”

YEHEZKIEL 14:23

Bo komangaḻeandon monimu kon bayongan in aid-Ku tua in oyúonbí in kinodoyonannea. Akuoi ki Tuhan Inta Totok in moḷantud ain nosingog.”

YEHEZKIEL 39:23

Bo bayongan in intau in monotaaudon kon intau in Israel in pinotabá minayá in pinoḷumbúan popisí in dosa monia kon i-Nakó. Mosia in sinaḷáan-Kudon bo pinomayá-Kudon mako in sinaḷow in musung bo iḻimod kon pinoparangan.

YEHEZKIEL 5:15

Aka Akuoi tumorú bo moyaat totok in gina kon inimu poḷat mohukum kon inimu, yo bayongan in bangusa kon ḻibumumai in mokoningkimbí. Singkuḻeonbí monia in iko bo morongó in mokoontong kon inimu.

DANIEL 9:7

Oo Tuhan, aid-Mu umuranbí moitombutung bo moadil, táe kami in umuranbí mokopoangoi kon oyá kon inami tontaní, tuata in kami inta nogutun kon Yudea bo kon Yerusalem bo bayongan in intau tongobangusa nami inta ain pinorangkap-Mu kon butá mita inta nongoyayú bo inta nongodiug popisí in mosia diá motoindudui kon ini-Mu.