YEREMIA 22:13 - Alkitab Singog In Mongondow Masa In Tanaa

¹³ Moboditodon in intau inta moposindog in baḷoinea inta noidoyon kon aid diá moadil, bo mogin oḷad takin aid diá motuḻid. Moboditodon in sia inta nopotabá in intau nogaid bo diá inuboḻian in pinogaidannea.

YEREMIA 22:13 ပူးပေါင်းရင်းမြစ်များ

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.

MIKHA 3:10

Moiko in moposindog in Yerusalem, kotá i Allah, podoyon kon poḻimodan bo aid diá moadil.

IMAMAT 19:13

Dika momakisa mogamá ande mogagow kon kapunyaan in tumpaḷa intau. Aka tondan in pinogaidan intau kon inimu dika tahangonmu mako, umpaka tongáka tonggobii.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

YEREMIA 22:18

Tuamai in soaḷ ki Yoyakin datu in Yohuda, ki adí ḷoḷaki i Yosia, ki Tuhan in noguman nanaa, “Kopatoiannea in diábí ombaḷan; diábí in moguman, ‘Adodoia kaasí, yobayatku, adodoia.’ Diábí in monogumatoi andeka momaḷú, ‘Kaasí in ki tuang datu!’

TAWARIKH 2 36:5

Ki Yoyakin umur 25 notaong kon dodai in sia nobaḻí datu kon in Yohuda, bo sia in nomarenta kon Yerusalem 11 notaong in koonggotnea. Sia in binaradosa kon i Tuhan Allahnea.

YESAYA 5:8

Moboditodon in moiko inta motaḷui kon baḷoi mita bo kinotuo-tuotnea kon gobá mita sin podugang kon kapunyaanmu! Diádon moonggot modaitdon in tampat kon intau ibanea bo tongádon moiko in mogutun kon butá tatua.

YEREMIA 17:11

Naonda bo ḷagapan nogoob kon natu inta deeman natunea, natuata in intau inta diá mojujur mokouḻí kon kapunyaan. Kon umur moḻin gurangdon sia in kobuḻian in bayongan in kapunyaannea. Kon imbuit in kobiagannea moniata sia in intau inta bodok totok.

ULANGAN 15:13

Ata inta pinoḷuatdon tatua diábí motaau in pomayá mako mayá takin diá kodia-dia in onu bo onu.

AYUB 31:39

aka kuma bo bungainea in nodaitku kinaan, bo monononggobá inta nomuḷa in pinomayáku mako ginogoi,

HABAKUK 2:12

Kinutukdon in iko! Iko in moposindog in kotá pinodoyon kon aid moraat bo mobaḷoi pongin poḻimodan.