YEREMIA 21:9 - Alkitab Singog In Mongondow Masa In Tanaa

⁹ Bayongan in intau inta mogutun kon bonu in kotá in matoibí popisí in parang, gogoy, andeka yampoi in takit. Táe mosia inta ḷumuai sin tumungkud kon intau in Babel inta koyogot in nonubu kon kotá tanaa, in kotaḻibanbí bo diá ḻimodon.

YEREMIA 21:9 ပူးပေါင်းရင်းမြစ်များ

YEREMIA 14:12

Umpakabí in mosia mopuasa, doíbí in Akuoi moindoimai kon kuani monia mokituḷung; bo umpakabí in mosia moposumba kon i-Nakó in kuruban payongon bo kuruban gandum, yo diábí mosanang in gina-Ku kon i monia. Noyotoḻikudon kon tua, yopúon-Kubí in mosia in parang, in gogoy, bo in yampoi.”

YEREMIA 21:7

Iko bo pogawaimu mita takin intau mita inta noisimparut kon parang, gogoy bo yampoi in takit, komintan pomayá-Ku mako in domokon i Datu Nebukadnezar bo in musung mita inta moibog moḻimod kon inimu. Ki Nebukadnezar in moḻimodbí kon i monimu komintan takin diá in ampung bo diá in tabi. Akuoi, ki Tuhan, ain nosingog.”

YEREMIA 24:10

Akuoi in mopoangoibí kon i monia in parang, gogoy, bo yampoi in takit dá mosia komintan in matoi bo diá in kotaḷáan kon butá tanaa inta ain inogoi-Ku kon i monia bo kon mogoguyang monia.”

YEREMIA 27:11

Táe bangusa inta moibog mokiompu bo moibog mobaḻí ata i datu in Babel in pomayá-Kudon mako in mogutun kon butánea tontaní, bo monompinomuḷa kon tua, Akuoi, ki Tuhan ain nosingog.”

YEREMIA 27:12

Kon i Zedekia datu in Yohuda, akuoi, ki Yeremia, nopotaau in natua doman. Akuoi in moguman, “Tungkudon kon i datu in Babel. Kotoḷutui kon inia bo kon bangusanea, sinbá mosaḷamat in ki Tuang Datu.

YEREMIA 27:13

Ki Tuhan in nogumandon kon bangusa inta diá mokiompu kon i datu in Babel in matoibí in parang, in gogoy, andeka in yampoi in takit. Nongonu sin ki Tuang Datu bo rayat in moibogbí matoi ná tatua?

YEREMIA 39:18

Iko in diábí ḻimodon, sin Akuoi in moposaḷamatbí kon inimu. Nyawamu in mosaḷamatbí sin iko in inumandoḷ kon i-Nakó. Akuoi ki Tuhan, ain nosingog.”

YEREMIA 45:5

Nongonu sin iko in moibogbí popoḷontúon? Dika natua, Barukh! Bayongan in intau in hukumon-Kubí in bodito, táe iko, iko in mosaḷamatbí. Kon ondaka in bayáanmu, iko in umuranbí mobiag. Akuoi, ki Tuhan ain nosingog.”

YEHEZKIEL 5:12

Tongosilai in intaumu in matoibí popisí in yampoi in takit bo malarat in gogoy inta moiuma kon kotá. Tongosilai doman in tota-totadon in kedang kon ḷuai in kotá, bo tongosilai doman in porariton-Ku kon bayongan in tampat bo batukon-Ku in kedang.