YEREMIA 20:3 - Alkitab Singog In Mongondow Masa In Tanaa

³ Doḷo-doḷom nobangon monik naonda in ki Pasyhur nomuḻi kon inakó nongkon pinoumantungan, akuoi i noguman kon inia, “Tangoi inta bain ogoi i Tuhan kon inimu in deeman bidon ki Pasyhur, táe ‘Sindoyó kon bayongan in tampat’.

YEREMIA 20:3 ပူးပေါင်းရင်းမြစ်များ

KINOBAḺIAN 17:15

Onda intua ki Allah in noguman kon i Abraham, “Iko in dikadon mogoiní kon i buḷoimu ki Sarai; nongkon tanaadon mako tangoinea ki Sara bidon.

KINOBAḺIAN 32:28

Intau tatua in noguman, “Tangoimu in deeman bidon ki Yakub. Iko noridomokdon takin i Allah bo takin intau, bo iko in nokountung; tuamai tangoimu in ki Israel bidon.”

MAZMUR 31:13

Akuoi in iḻiongdon naonda bo intau minatoi, bo nádon onda bo pakakat inta iḷumbú.

YESAYA 8:3

Diá noonggot kon tua ki buḷoiku sidiadon. Naonda in ki adí nami pinononggadí, ki Tuhan in noguman kon inakó, “Tangoiai in sia ‘Pogagowan inta Mokaḻet, Pogagowan inta Moḻikat.’

YEREMIA 19:2

sin mayá moyotakin monia mayá in Ḷopá in Hinom mongin Bonawang Beling. Kon tua akuoi in musti mopotaau kon onu inta pinongoyow-Nea kon inakó.

YEREMIA 19:6

Tuamai, moiangoibí in wakutunea in tampat tanaa diádon tangoion Topet andeka Ḷopá in Hinom, táe Ḷopá Bidon Pororataan.

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

YEREMIA 29:29

Surat tatua in binaca i Imang Zepanya kon inakó.

YEREMIA 46:5

Táe Akuoi, ki Tuhan, nokoontong kon i monia inumundok sin moondok. Tontara mita monia in sinaḷow, bo noḷagui takin ondok bo diá bidon nobobui ná tumi.

YEREMIA 6:25

Mosia in diá mokobaḻí in moponag kon daḷan andeka mayá in gobá, sin kon bayongan in tampat musung mita in modia kon pakakat in parang sin mongindoyó.

YEREMIA 7:32

Tuamai, moiangoibí in wakutunea tampat tatua in diá bidon tangoion Topet andeka Ḷopá in Hinom, táe Ḷopá Bidon Pororataan. Butá tatua in mobaḻí bidon butá poḷoḷobongan sin diádon in tampat ibanea.

OMBAḶ 2:22

Inoiní-Mu in musung mita inta kinoondok nami sin momia kon rame aid moḻingá kon ḻibumai nami. Mosia in noḻimod kon bayongan inta biniag bo inta kinotabi nami. Kon singgai in torú-Mu, diábí tobatúmai in intau in mokoḷagui.

YEHEZKIEL 13:9

Akuoi in mohukumbí kon i monimu, ei nabi mita inta nopotaau kon toḷanow mita uboḷ bo norai kon oontongon mita! Moiko in diá bidon motaau in dumudui mobogoi in kotantúan kon bonu in ponisigan in umat-Ku. Tangoimu mita in ginaresandon kon bonu in tangoi mita in inanakan Israel, bo moiko in diá bidon mobui mangoi kon butámu. Dá kotaauandon monimu kon Akuoibí in ki Tuhan Inta Totok in moḷantud.

OUMAN IN RASUL MITA 16:30

Dá dinianeadon pinobayá in ḷuai in taya dua tua bo noguman, “Tuang, onu degá in musti pomiaanku sinbá mosaḷamat in akuoi?”