YEREMIA 2:5 - Alkitab Singog In Mongondow Masa In Tanaa

⁵ Ki Tuhan in noguman, “Taḷá onu in nouḻí in mogoguyangmu kon i-Nakó, nodapot in mosia nomaḻidawan kon i-Nakó? Mosia in nomatuk kon berhala inta diá in mangaḻenea bo imbuitnea mosiadon tontaní in nohina.

YEREMIA 2:5 ပူးပေါင်းရင်းမြစ်များ

DATU MITA 2 17:15

Israel bo Yohuda in doíbí dumudui kon parenta mita i Tuhan bo diá mosatia kon dodandian inta ain pinomia-Nea takin mogoguyang monia. Diábí in pandungonmai monia in toboḷow mita táe tongábí mosumba kon berhala mita inta diá in mangaḻenea. Dá mosiadon tontaní in nobaḻí diá in mangaḻenea. Dinumudui in mosia kon oaid in bangusa mita kon diugmai monia, umpaka ain inimaḷowan i Tuhan.

MAZMUR 115:8

Igumon mako natua in ukur in intau mita inta nomia kon tua, bo bayongan in intau inta mopirisaya kon inia.

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

YESAYA 44:9

Intau mita inta nogaid kon patong berhala tua in diábí in mangaḻenea, bo dewa mita inta sinumba monia tua diá in baragunanea. Intau mita inta mosumba kon patong tatua in bilog bo diá nonotaau in onu bo onu, tuamai mosia in mooyábí.

YESAYA 46:12

Indongogaidon in Akuoi, ei intau mita moḷoḷatú, moiko inta noguman kon kauntungan in noyayúpabí.

YEREMIA 10:8

Pamandot bo bodok in mosia komintan sin dewa monia in tongábí kayu, diábí motaau motundú kon inta oyúon in mangaḻenea.

YEREMIA 12:2

Pinomuḷa-Mu in mosia naonda bo mobobiag mita, bo mosia in monguakat, mobiag, bo momungai. Mosia in umuranbí mosingog kon inta mongopia soaḷ Iko, táe kon bonu in gina, sabanarnea in mosia in diábí in pandungnea kon ini-Mu.

YEREMIA 14:22

Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

YEREMIA 2:31

Ei umat Israel, indongogai in singog-Ku mita tanaa. Nokoimontandon degá in Akuoi naonda bo padang gurun kon i monimu andeka naonda bo butá inta sinimindip? Táe nongonu sin moiko in mogumanbí kon moiko in moibog moiḷuat bo doídon mobui mangoi kon i-Nakó?

YEREMIA 2:4

Indongogai in koyow i Tuhan, ei moiko buí i Yakub, suku mita in Israel!

YEREMIA 8:19

Indongogai! Kon sinangkub in butá kodongogan totok karak in ombaḷ in bangusaku inta moḻibó, “Diádon degá in ki Tuhan kon Sion? Kon onda in datunea in tanaa?” Tubag i Tuhan, datu monia, “Nongonu sin iko in tumungkudbí mosumba kon dewa mita inta beresibí diá in mangaḻenea? Nongonu sin pinonakitmubí in gina-Ku pinongin nosumba kon berhala mita?”

YEHEZKIEL 11:15

“Ei intau inta ilo-ilow, iko takin yobayatmu mita kon pinoḷumbúan koyogot in oumanonmai in intau mita in Yerusalem. Guman monia, ‘Intau mita inta iḷumbú tatua in noiḻiudon in yayú nongkon Yerusalem aka moibada kon i Tuhan. Butá in Israel ain inogoi i Tuhan kon inaton.’

YEHEZKIEL 14:5

Komintan berhala tatua in nokopopisídon kon umat-Ku iyumayú kon i-Nakó, táe igumon mako pongin tubag-Ku tatua umat-Ku in mobuidon mangoi kon i-Nakó.’

YUNUS 2:8

Mososumba mita kon berhala inta diá in baragunanea, in nonaḷámaidon kon ini-Mu bo diádon notoḷutui.

MATIUS 15:8

‘Nanaa in kai Allah: Intau mita tanaa moduí kon i-Nakó táe tongá kon bibig monia, sin gina monia in moyayú kon i-Nakó.

OUMAN IN RASUL MITA 14:15

“Ei, nongonu sin moiko in mogaidbí kon nanaa? Kami naa in intaubí doman ná moiko! Kami in kon naa tongábí namangoi mopoyaput in Habar Mopia kon i monimu sinbá taḷaanmaidon monimu in soaḷ mita inta diá baraguna tanion bo mopirisayadon kon i Allah inta aindon nobiag nongkon kinopatoian-Nea, ki Allah inta nomia kon ḷangit bo butá, dagat bo bayongan inta kon bonunea.

SURAT I PAULUS KON JAMAAT RUM 1:21

Intau in nonotaau bidon kon i Allah, táe diábí i horomat monia in Sia saḷaku Allah bo mosia in doí doman mosukur kon i-Nia. Sin soaḷbí mita inta diá in mangaḻenea in raion monia; nosindipdon in gina monia.

ULANGAN 32:21

Pinomia monia in Akuoi nointoi kon inta deeman Allah, bo sinumorú kon patong in berhala monia. Dá binaḻí-Ku in umat-Ku nointoi kon inta deeman bangusa-Ku, bo sinumorú kon bangusa inta pompuḷong.

SAMUEL 1 12:21

Dikadon dumudui kon dewa mita inta diá mokotuḷung bo moposaḷamat kon i monimu, sin mosia tua in sabanarnea in diábí.