YEREMIA 2:34 - Alkitab Singog In Mongondow Masa In Tanaa

³⁴ Ḷambungmu in notamak in dugú in intau bogá bo in intau inta diá kotaḷá, deemanbí dugú in mononakow inta kinodomokan. Tongá umpaka natua,

YEREMIA 2:34 ပူးပေါင်းရင်းမြစ်များ

DATU MITA 2 21:16

Koḻikud in nokopopisí kon intau in Yohuda binaradosa kon i Tuhan pinongin nosumba kon berhala, ki Manasye in noḻimod doman kon nobayong totok in intau inta diá kotaḷá dá dugú in moiḻig kon bayongan in tampat kon Yerusalem.

DATU MITA 2 24:4

noiḷontú totok popisí in pinoḻimodan inta inaidannea kon intau mita inta diá kotaḷá. Ki Tuhan in doíbí mongampung kon i Manasye sin popisí in aidnea mita tatua.

IḶUAIAN 22:1

“Ki ine in monakow kon sapi tobatú ande domba bo moratá ande mopotaḷui intua, yo mustibí in sia monoḻiu, aka sapi tobatú yo musti toḻiuannea in sapi ḻima bo aka domba tobatú yo musti toḻiuan in domba opat.

IḶUAIAN 22:2

Sia in musti monoḻiu kon bayongan inta ain sinakownea tatua. Aka sia diá koonu bo onu, yo sia tontaní in potaḷui mobaḻí ata sin ponoḻiu kon barang inta ain sinakownea tatua. Aka sinakownea tatua bo sapi, keledai ande domba, bo ain nouḻí kon intau tatua kobia-biagpa, yo mustibí in sia monoḻiu kon batúan bobiagon tatua tobatú toḻiuan in doyowa. Aka kon wakutu in doḷom bo mononakow tobatú kinodomokan kon tobatú baḷoi, bo sia in kinoḻimodan, yo intau inta noḻimod kon inia tua in diábí kotaḷá. Táe aka tua bo nobaḻí singgai, yo intau inta noḻimod tua iniapbí kotaḷá.

YESAYA 57:5

Moiko in mosumba kon dewa mita koḷumbaan takin mopomayá mako in awakmu dumudui kon ibog kon ḻimonag in pangkoi mita in kayu karamatmu. Moiko in moḷobong kon i adímu mita kon oyuk in ongkag bo kon sigad mita in batu.

YESAYA 59:3

Moiko in kotaḷá popisí in nonguboḷ bo nonombogá, sin ain nogaid kon inta moraat bo noḻimod.

YESAYA 59:7

Moiko in umuranbí monomayá kon inta moraat, bo moibogdon ḷagi mogaid kon tua. Diábí in ondok moiko in moḻimod kon intau inta diá kotaḷá. Kon ondakabí in bayáanmu, moiko in monaḷámaidon kon inta morumbun bo inta mokoyopú.

YEREMIA 19:4

Tua in aidan-Ku sin bangusa tanaa in nonaḷádon kon i-Nakó. Mosia in noponajisdon in tampat tanaa pinongin noposumba in kuruban kon dewa mita inta diá kinotaauan monia, kon i mogoguyang monia bo kon datu mita in Yohuda. Mosia in nomonu doman kon tampat tanaa in dugú in intau mita inta diá kotaḷá.

YEREMIA 2:33

Moiko in totuu mopandoi in mogaid kon siasat sinbá mokoangá kon gina in intau mita inta kinoibogmu. Bobay sundaḷpa inta totok in moromú in mobalajarpabí doman kon inimu!

YEREMIA 6:15

Mustibí in mosia tua mooyá sin nogaidon kon bayongan inta mokooyá tua. Táe mosia tua in nobunodon in pogot bo diá kooyá. Tuamai in moḷabúbí in mosia ná intau ibanea; modaitdon in ouman monia aka Akuoi mohukum kon i monia. Akuoi, ki Tuhan, ain nosingog.”

YEREMIA 7:31

Mezbah tobatú inta sinangoian Topet ain pinosindog monia kon Ḷopá in Hinom sin moposumba kon i adí mita monia nobaḻí kuruban payongon. Bokaka Akuoi in diábí kon dodai in onda in nopotabá kon i monia nogaid kon tua, nodapot in diábí kon dodai in onda in ná tatua in nomuká kon bonu in raian-Ku.

YEREMIA 7:6

Dikadon mondorot kon intau ango-angoi, kon adí uno-unon, kon boba-bobay mita. Dika moḻimod kon intau inta diá kotaḷá kon butá tanaa. Dika mosumba kon ilah ibanea, sin tua in mokoputú kon i monimu.

YEREMIA 8:12

Ei umat-Ku, sabanarnea in mustibí in moiko mooyá sin nogaidon kon bayongan inta mokooyá tua! Táe moiko in mobunod in pogot bo diá kooyá. Tuamai in moḷabúbí in moiko ná intau ibanea inta ain noḷabú; mopopatdon in ouman kinobiaganmu aka hukumon-Kudon in moiko.

OMBAḶ 1:9

Kinononajisnea in noniatadon táe diábí pinandungneamai in onu inta ain nobaḻí kon inia. Motoyang totok in kinoumpagannea, táe diábí tobatúmai in nopoḻipoi kon inia. Dá nopoigum in sia kon totabi i Tuhan, popisí in musungnea mita in nountungdon.

OMBAḶ 4:14

Naonda bo intau bilog nodondaḷoi kon daḷan mita natuata in itoi mita in kotá in Yerusalem. Pakeang monia in notamak in dugú dá diádon in moibog moḻiai kon i monia.

YEHEZKIEL 20:31

Nodapot in singgai in naa moiko in noponajis in awak pinongin nodia kon sosumba bo notubá kon i adímu mita nobaḻí kuruban kon berhala mita. Bo mokobaḻípa doman in moiko in mopoigum in topotundú nongkon i-Nakó? Podoyon kon i-Nakó, ki Allah inta nobiag, ki Tuhan Inta Totok in moḷantud, moiko in diábí ogoi-Ku in mopoigum in topotundú nongkon i-Nakó.

YEHEZKIEL 22:25

Itoinea mita naonda bo singa inta moganggor naonda in modomok mako kon kokaanonnea. Mosia in moḻimod kon rayat, mogagow kon bayongan in kapunyaan bo kaoyúonan inta nouḻí monia bo nokopopisí kon nobayong in nobaḻí dongka bobay-bobay.

YEHEZKIEL 23:45

Táe intau mita motoḷutui in monisigbí kon doyowa mogutat tatua noidoyon kon totuaḻingan bo pinoḻimodan, sin mosia in totuubí kon kotaḷá.”

YEHEZKIEL 24:7

Kon kotá tatua oyúon in poḻimodan, táe dugú in kurubannea diá noibutak kon butá, táe kon tudubí in batu inta motogat, dá diá motaau bumbunan.

YEHEZKIEL 9:9

Ki Allah in notubag, “Intau mita in Israel bo Yohuda in nogaidon kon dosa inta totok in moḷoben. Mosia in noḻimodon kon bayongan in tampat, bo Yerusalem in kinotorandon in aid moraat. Mosia in noguman kon Akuoi, ki Tuhan, in nonaḷámaidon kon butá tanaa dá diádon mokoontong kon aid monia.